الحب عند البنات

[Lovely Boy]

الحب عند البنات

الكلمات الأكثر تداولاً عند البنات !!!


الحب عند البنات .. يسير وفقا لسياسة الباب الموارب ..

أنا بأحبك وبأموت فيك.. انت الوحيد اللى قدر يفهمنى من أول مرة.. عارف أنا لو فكرت أتجوز بعد الشر.. بعد الشر.. يعنى أكيد هأتجوزك .. بس بجد احنا أصحاب.

الكام كلمة دول هما الكلمات الاكثر تداولاً لدى البنات وهما طريقهم وملخص لاسلوبهم فى التلاعب علينا يا ولاد يا مساكين قدام كيدهن العظيم ، تلاقى البنت من دول من أول مرة تشوفك فيها وأسلوب كلامها يتغير وتبدأ تقرب منك ولو اتشديت ليها أكيد انت كمان حتقرب لها وبمجرد ما تقرب انت منها تبدأ هى ترسم خط بينكم أو شعرة بتسيبها دايما بين انكم تكونوا أصحاب أو بتحبوا بعض هى بتكون خايفة انها تحبك وانت ما تحبهاش فعشان ما تطلعش ضعيفة أو يكون الحب من طرف واحد بتقوم تظهر وكأنها صديقتك وليست حبيبتك ، تبقوا مع بعض فى الجامعة وقاعدين بتتكلموا فى أى حاجة وفجأة تسييبك وتقعد تتكلم مع أى حد من أصحابها التانيين ولما تيجى تعاتبها ترد علك بكل سذاجة : فيه ايه .. انت بتغير على ؟!"
وكأنها لا تسأل بل تتعجب وكأنها تقول " فوق يا أحمد احنا أصحاب " وتبدأ انت بالتعامل مع الموقف على هذا الاساس وتنحى مشاعر الحب جانبا وتبدأ تتعامل معها على أنها صاحبتك لغاية ما تفوق تحبك ولو حصل وشافتك واقف مع بنت بتتكلم معاها فترة طويلة أو اتخانقت مع ولد عشان بنت تانية تقوم تقولك وهى بتزعق " انت سايبنى واقفة هنا وعمال تتخانق وتتسرمح مع البنات " تقوم ترد عليها بكل سذاجة " ايه .. انت بتغيرى عليا ولا ايه؟! " ويعود الشد والجذب ولما تحس ان الشعرة اللى بينكم بدأت تكبر تقوم ترفعها وتقرب تقطعها وتقولك لو سمحت ما تكلمش فلانة أصلى مش بأستريح لها خالص ولا فلانة عشان مسهوكة زيادة عن اللزوم ولا فلانة ولا فلانة ولا فلانة.. لتطول مقصلتها رقاب كل البنات اللى على موبايلك لتعود وتسألها " ايه انت بتغيرى ؟"

وكرد فعل لهذه الخية المفاجئة منها والغيرة المفاجئة برضه تبدأ انت تحن وتقرب منها أكثر.. وتخفف كلامك مع الناس اللى هى بتكرههم وبعدين يا أخى فجأة وبدون سابق انذار تيجى تقوللك " على فكرة يا أحمد أنا كنت عاوزة أقولك على حاجة مهمة أنا فى واحد حبيته وبما اننا أصحاب كان لازم أنت اول واحد يعرف" تمالك أعصابك وما تسبلهاش عادى هى دى البنات وأكثر من كده ، الطبيعى والمفروض انك تقولها " بصراحة أنا ما كنتش مصدق اننا متوافقين بالشكل الغريب ده.. أنا كمان فيه واحدة بأحبها وكان لازم تكونى أول واحدة تعرف" نصيحة اختار احدى الفلانات التى اشتكت منها ولتكن أول فلانة فى قائمة الممنوعات وعلى ضمانتى ستقطع الشعرة وتحرقها.

ملحوظه هامه جدا

احنا كلنا متعلمين يعنى انا مقصدش كل البنات طبعا

الحمد لله نسبه البنات اللى بيقولوا كده قليلين اووووووووى

محدش يفهم غلط لو سمحتم

تقبلوا تحياتى

[المصرية]

ده احنا هانقووم عليك بحملة فظيهة
ده انا هاسلط عليك بنات المنطقة
نهارك ابيض
انت ازاى قدرت تقوول كدة...
هاتحلم احلام ووحشة النهاردة....
ههههههههههههههههههههههههه هههه

[Dody Doda]

انا برضه متفقة مع المصرية في الرأي
ربنا يستر عليك بقي

[NHP]

صححححححححح انتا جيت على البنات دة انتا كويس انك لسة عايش

[| love ●]

على فكره يا احمد انت غلطان هم مش قوليلين بل بالعكس دول كتير جداااااااااا بس الحمد الله انامش منهم علشان الحاجات دى اساسا ملهاش لازمه

[المصرية]

هو احمد راح فين
يظهر انه خاااف
ههههههه

[Lovely Boy]

ماشى يا مصريه انتى بتقومى البنات عليا حرام عليكى دنا غلبان

بس انا مش بخاف وهفضل ع طول اهاجمكم هههههههه



يا مصريه على فكره انا خايف بس بكدب ههههههههه



تقبلوا تحياتى

[Dody Doda]

no no no
donot worry
i willnot kill you
hahahaha

[| Mannora ●]

بعيد عن التحيز للبنات واللى انا منهم طبعا وزعلانه من الكلام ده

بس لاسف فى نسبه موجوده من البنات كده ودول البنات اللى مش

عندهم مسؤليه تجاه اى حاجه فى حياتهم وعايشنها كده وخلاص

من غير اى هدف وده اكيد راجع للبيئه اللى اتربوا فيها..

بس عن قلتهم بس ظاهرين اوى لان السيئه هى اللى بتعم والحاجه

الوحشه الكل بيمسك فيها ويتكلم اما البنات المحترمه واللى هما

كتير بس الناس مش بتاخد بالهم علشان هما مش عايزين ياخدوا

بالهم..

بس الاكيد ..ان المرأه بوحه عام مش وحشه اوى كده ومش مخها

صغير لدرجه انها تعمل لعب العيال ده....

وان الراجاله مش ملايكه ديما زى ما فى نسبه بنات كده اكيد موجزد

ولاد كده..ولازم النوعين يبقوا موجودين وده هى الحيام ولو كل الناس

حلوه والحياه مثاليه اكيد الواحد هيتخنق

وسورى على الاطاله....

وانا ما رضيتش ابقى معاهم عليك واعلن الحرب ...


بس حبيت اوضح انه البنات الكويسه مش لازم تتأخد فى الرجلين..

[المصرية]

هو الصراحة اه الحق يتقال فى بنات كدة فعلا


بس برضو
لأ
اااااه
هههههههههههههههه