صدقني.....في مصر مش هتقدر تغمض عينيك

**..●●**آه...لو**●●..** · 30-06-2007 06:32 PM

في مصر مش هتقدر تغمض عينيك.........
هي فكرة انا نفسي فيها من زمان.....
بصراحة كل ما ادخل منتدي و اشوف الناس بتكتب ايه عن مصر.....
استغرب...
كتير زعلان منها ونفسه يطفش منها ...فبصراحة اكتئبت.......
و قلت لنفسي ليه مانبصش لنصف الكوب المملوء .....
يعني هنا الفكرة بتعتمد علي ان اي عنده حاجة حلوة عن مصر يقولها.....
و ما يقولش الا الحلو......
انا مش هاقول نعمل زي النعام و نحط راسنا في الرمل.......
لكن في نفس الوقت بلدنا دي مش وحشة اوي كده....
بلدنا فيها حاجات كتير حلوة....
بس للاسف احنا مش بنحب نسمع الا عن مين اللي سرق ،مين اللي هرب......
لكن مين اللي نجح ،مين اللي عمل حاجة كويسة،موقف كويس حصل ...
مش بنحب نسمعه ،عارفين ليه؟؟؟ عشان غالبا مابيكونش فيه حد بيحلي الكلام الل من النوعية دي...
علي العموم احنا لازم نحاول ان يكون فيه بيننا امل ولو بسيط وندور علي شعاع نور يمكن نمشي وراه......

**● **همسة** ●** · 11-07-2007 02:14 AM

عندك حق
بس كنت منتظره منك بعد التوبيك تبدا بنفسك وتكتب عن حاجه حلوه انت شايفها فى مصر ولا انت مستنى الردود؟

**..●●**آه...لو**●●..** · 02-09-2007 05:58 AM

انا هبتدي وقول بجد ولاني كنت عايش في الامارات في نعم كتير بس مش عايز اقولها لوحدي عايزها تطلع منكو ....
مثلا المياه الجوفيه نعمه في مصر ....التجانس البشري اللي خلى في استقرار عنصري يعني مش زي الامارات تلا قي واحد باكستاني جنبه اردني جنبه لبناني جنبه انا انا افتكر في فصلي كان لي صحاب من السودان المغرب تونس والامارات وفلسطين ولبنان وليبيا بجد والله احنا في نعمه
هدحكو معايا على موقف حصل كنت مع صحابي وراكنين على تاكسي بتاع واحد باكستاني فجه وقعد يزعق واحنا ولا فهمين حاجه وقعدنا نتحك عليه ام شاتمني وقايل "انت واخدة خيوان انت ما في مخ يلا يلا ..."
معرفتش امسك نفسي من الضحك انا وصحابي قلع الشبشب وطلع يجري ورانا
يلا انتو بقى مستني ردودكوا...

**Messi** · 02-09-2007 04:41 PM

ههههههههههههههههههههههههه ههههههههه
شكرا يا TAFAعلى الموضوع الجميل
يا عم مصر دى اجمل بلد فى الدنيا ده اولا
عندك بعد كده انهم ملوك الجدعنه على رأى الست نانسى
وزى ما انت قولت كفايه التجانس اللى فى شعبها والطيبه والكرم حاجات كتير اوى الواحد ميقدرش يعدها يا عم ........................ دى مصر

**..●●**آه...لو**●●..** · 02-09-2007 11:44 PM

شكرا يا ميسي على المرور والرد وعلى رايك دي مصر الا بالحق حد يعرف كلمة مصر يعني ايه

**mr_gawafa** · 03-09-2007 05:33 PM

مشكور عالموضوع الجامد ده

**..●●**آه...لو**●●..** · 03-09-2007 09:05 PM

شكرا على المرور يا مورا

**$$ بسملة $$** · 04-11-2008 02:01 AM

علشان بتحب بلدك فبتتكلم عنها من قلبك

ونفسك تكون أحلى وأجمل بلد

هى فى عينى حلوة بناسها الطيبة وشوارعها ال اتربيت فيها ونيلها ال فتحت عينى عليه

بس افتكر لو انت رحت مكان تانى غير بلدك ووقعت فى مشكلة محدش هيخاف عليك ولا يضمك ويطبطب عليك إلا ناسك وصحابك ال عشت معاهم

ال ناقصنا أن تكون ضمائرنا صاحية وكلمة الحق دائما على ألسنتنا

ولو عايز تعرف معنى كلمة مصر تتبع الاتى :

مصر مشتقة من مصرايم بن حام بن سيدنا نوح

وتسلم ايديك على الموضوع

دمت فى حفظ الرحمن