هو فين؟

[| المقصرة في حق الله ●]

ملاحظة حاجة اننا كلنا تقريبًا بقه نص كلامنا انجليزي

فهل ده صح؟

طب هو العربي وحش فبنهرب منه للانجليزي؟؟؟



طب مش عارفة حد يقولي

ليه بنتكلم انجليزي؟

[nooor]

موضوعك مهم جدا لازم نهتم بلغتنا لغة القران ومش من التحضر اننا نهملها ابدا بارك الله فيكي

[| المقصرة في حق الله ●]

نورتي يا نور بس ياتري ايه السبب

[| Nadooosh ●]

مظنش يامقصرة ان فى سبب واضح ممكن نقولة فى الموضوع

بس على حسب مابيتعود اللسان وعلى حسب الشخصيات الى بنتعامل معاها

بس معتقدش انة هروب من لغتنا ولا حاجة

وبعدين احنا طول الوقت قاعدين ع النت فبنتعامل بلغة النت والكلام الانجليزى حوالينا كتير

دة من وجهة نظرى

وانا لو طلعت منى كلمة كدة ولا كدة

فا دايما بتكون من غير قصد

[| Nadooosh ●]

مظنش يامقصرة ان فى سبب واضح ممكن نقولة فى الموضوع

بس على حسب مابيتعود اللسان وعلى حسب الشخصيات الى بنتعامل معاها

بس معتقدش انة هروب من لغتنا ولا حاجة

وبعدين احنا طول الوقت قاعدين ع النت فبنتعامل بلغة النت والكلام الانجليزى حوالينا كتير

دة من وجهة نظرى

وانا لو طلعت منى كلمة كدة ولا كدة

فا دايما بتكون من غير قصد

[| لولا ●]

بيتهيالى يا مينى ان الناس كلها فعلا دلوقتى بتتباهى بالكلام الانجليزى بس انا والحمد لله بحب لغة بلدى ومش بتكلم غيرها بس ساعات الانجليزى بيبقى له وقته شكرا ليكى يا قمر لموضوعك

[!..!]

يمكن السبب مجال الدراسة اللى بندرسه .. كمان الحياة العملية فى أغلب

الأحيان بتتطلب مننا كدا ..

المشكلة اللى بجد يا مينى إن قواعد اللغة العربية عندنا ضايعة !

تخيلى كدا لما تكون لغتنا الأساسية مش متمكنين منها !!

[| Mysterious man ●]

شكرا على الموضوع
بجد عندك حق يا جماعة اللغة بتعتنا عربي يعني العربي يوكل

[| سندباد ●]

معرفش جايز عشان أسهل

أو عشان تعاملاتنا فى الكلية معظمها كدة

او الأوساط اللى حوالينا كلها كدا

واحيانا التعبير مبيجيش الا انجليزى


رغم ان لغتنا لغة مترادفات
والواحد بيحس بمتعة لما بيتكلم بيها

------------------------------------

يكفينا شرفا انها لغة القرآن
وربنا هيكلمنا ويحاسبنا بيها يوم القيامة
وهى لغة أهل الجنة


ايه رأيكوا نعمل أسبوع فى كتابات المنتدى نتكلم عربى فصيح ؟؟
بس بعد ماخلص امتحانات ...فى رمضان مثلا

[| المقصرة في حق الله ●]

ماشي انا موافقة على اقتراح سندباد

ونورتم يا جماعة