الحب من طرف واحد عبط ولا اخلاص ؟!!

**| please smile ●** · 08-06-2009 09:21 PM

الحب من طرف واحد ظاهرة بنشوفها اليومين دول

وتلاقي صاحبنا سهران الليل وسرحان النهار ومش بيبطل تفكير

وفي الغالب بيتعذب ومش بيطول اللي هوه عاوزه

يعني ناس بتعتبرها اخلاص

علي اساس انه بيحب بغض النظر عن رد فعل الطرف الاخر

ده حتي بيبقي كفاية عليه انه يسمع سيرته او يشوفه

يعني ذي ما بيقولوا حب عذري علي الاخر

وناس بتعبرها هبل

يعني الطرف الاخر مش بيحبك تاعب نفسك علي ايه

وعايش ليه في دور روميو وجولييت

ومفيش جولييت

او مفيش روميو اساسا

اتباعا للمقولة اللي بتقول الحب ذي اي علاقة بين الجنسين تحتاج الي طرفين

وجود طرف واحد لا يغني

يعني مفيش حاجة اسمها عنتر

ولا حاجة اسمها عبلة

لكن عنتر وعبلة مع بعض جملة ليها معني ومفهوم يصل الي ذهن القاريء

ايه رايكم يا جماعة

يعني هل الحب اللي من طرف واحد ده هبل ولا اخلاص؟؟؟؟؟

طيب ايه رايكم لو كان الطرف تاني ده كان بيحب حد تاني

هتبقي صعبة مش كده

**| Mannora ●** · 09-06-2009 02:51 PM

بص بقى يا تايجر هو الموضوع معقد خالص....

بس فى الاكيد هيبقى عبط والشخص ده بنفسه هو اللى هيكتشف ده

لانه هيعذب كتير والطرف الاخر ولا هنا...

بس تيجى من زاويه اخرى تلاقي الموضوع رومانسى اوى...

وكمان الحب ده بيكون بعمق اوى واخلاص اوى....

كفايه بس انه يسمع اسمه وهتلاقيه مش على بعضه....

وكمان بيكون حب نقى جدا بيحب من غير مقابل....

بس فى الاخر الانسان ده هو اللى هيتعب وهيكتشف ده بنفسه بس بعد ايه.....

والانسان ما بيتعلمش ببلاش...

**Lovely Boy** · 09-06-2009 04:01 PM

لا مش عبط خالص

هو لما يعرف واحده واحده هينساها

تسلم ايدك يا تايجر

**| Mysterious man ●** · 09-06-2009 04:16 PM

شكلك انت الى عايش الموضوع
الحل ياسيدي
- تاخد حباية كتكوت فان عرفة الى هو مسكن الحب الى هو فى الاصل مسكن الام كيتوفان .
- تدعي ربنا يخلصك منها يعني تنسها مش تموت البت لا بعد الشر عليها ممكن تكون صحبك بيحبها ما علينا .
شكرا على الموضوع الى نص الطلبة 75 % سنوي و 25 جامعة

**| please smile ●** · 09-06-2009 05:26 PM

شكررررررررا لمروركم ورايك منورة ولفلى بوى وبردة رحيم

بس رحيم ان اولا مش انا اللى احب من طرف واحد للمعرفة

ثانيا:-انا بشوف الحكاية دى كتير اوى

**Lovely Boy** · 09-06-2009 05:51 PM

كلامك صح يا تايجر ديه بقه منتشره

**viRuS3** · 15-10-2009 02:52 PM

لاء مش عبط واكيد هيجى اليوم الى يقولها انة بيحبها وشكرا على التوبيك

**| please smile ●** · 15-10-2009 03:40 PM

لا لا احتمل محصلش نفضل عايشين على حب
احتمال ميتحققش واحتمال كبير كمان لا لا
شكرررررا لمرورك فيرس منور التوبيك

**duck_koko** · 15-10-2009 07:50 PM

بجد فعلا هو ده الى بيحصل دلوقتى بمعنا ان الحب معتش من الطرفين خالص

**| **Silent Guardian** ●** · 15-10-2009 08:03 PM

انا هدخل في الموضوع على طول
مفيش حاجة اسمها حب من طرف واحد
في حاجة اسمها اتنين بيحبوا بعض
او واحد بيشتغل نفسه
لو بتحب واحدة و قد الحب ده , قولها في وشها , انا بحبك و عايز اتجوزك
مش قد الحب ( يعني متقدرش تقول الكلمتين دول و انت صادق فيهم )
يبقى متحبش احسن , ده اذا كنت ناوي تحب
لان اي ارتباط بدون القدرة على الزواج الرسمي يبقى اسمه تظبيط

و مات الكلام