كيف تعرف الاعضاء الطخين والرفيع فى المنتدى ؟

[MeEeGoOoO(•'.'•)]

الاعضاء الطخان مكشوفين مكشوفين ولو كان بعد حين

ذكرت دراسه حديثه صدرت عن مركز لدراسات وتحاليل أنماط الشخصيه
بالطرق العلميه لمعرفة التخين من خلال الطرق والأساليب التي ينتهجها العضو متمثلة في الاتي :

أولا : من خلال مشاركاته


1-يلاحظ أنه يفضل الكتابه بخط صغير جدا
2- تابع مشاركاته بالنكت تجدها دائما عن الاكل ومشتقاته
3- إطرح موضوع علمي يحتاج لعمق تفكير ( أتحداه يرد عليك )
4- إطرح قصيده فكاهيه أو موضوع فكاهي( تجد ردوده لوحده وصلت لسبعين رد )
5- يستحيل دخوله أقسام المنتدى ودائماً تجدة في قسم المطبخ


ثانيا : من خلال الماسنجر


1- قله ممكن تحط صورتك يقولك بعدين
2- إطلب منه محادثه على المايك إذا صوته صوت طفل ابو 10 سنوات إعرف إنه سيد الطخان كلهم
3- وجه له سؤال امتا بيدخل النت إذا قال بعد الغداء او بعد العشاء يبقى اكيد تخين
( طبعا الرفيع يقول ادخل العصر او المغرب )
4- إطلب منه يسمعك إغنيه طبعا ها يسمعك اغاني نبيل شعيل القديمه
5- لو معزوم مش يقول أنا معزوم يقول النهاردة هروح للغداء أو العشاء



طبعا الاعضاء إلي يدخلوا ومايردوش على الموضوع هم طخان بطبيعة الحال


اللى يقرا العنوان ومدخلش اعرف انه طخين لانه هايفتكر لو دخل ورد هانعرف انه طخين اما اللى هايدخل ويرد يبقى رفيع ومش خايف لايقولوا عليه طخين

[| سندباد ●]

بطّل رخامة ع الناس يامحمد
ولا انت عشان رفيع وعندك ضمان لحد ما تتجوز انك مش تتخن

المهم انك عارف انى الحمد لله كويس ومتوازن
ماشى بميزان علطول انا


بيدخل النت إذا قال بعد الغداء او بعد العشاء يبقى اكيد تخين
( طبعا الرفيع يقول ادخل العصر او المغرب )

طيب لو بالليل ؟؟؟

[| Silent Guardian ●]

كشفتوني :">:">
كده الناس كلها هتعرف ان انا اتخن واحد في السايت
ليه كده يا محمد؟

[MeEeGoOoO(•'.'•)]

ماشى ياعم محمود نورت الموضوع يا بتاع الميزااااان

انتا الاول بس تقصد ميزان الميه ولا الميزان بتاع الجزار

[MeEeGoOoO(•'.'•)]

معلش بقى ياشومااان كده كده كان اليوم ده هيجى واهه جه b-)

فامتزعلش بقى والتخن مش عيب يعنى انتا زى الفل ومفيش فيك اى حاجه

[| المقصرة في حق الله ●]

هههههههههههههههه
نو كمينت

[| لولا ●]

ماشى يا محمد ادينى دخلت ورديت على الموضوع وانت قولت اللى هيرد مش هيكون تخين صح ههههههههههههه وانا رديت وانا الحمد لله مش تخينة يعنى متوازنة ولا تخينة ولا رفيعة الحمد لله وشكرا يا محمد على موضوعك

[I'm Alive]

أما أنا بقا اكيد ياصاحبى أنت عارف ولا ايه
بس أقولك حاجه أنت رزل رزل
والله العظيم ايه لزمته كدا الناس هتعرف أنى تخين
ولو أنى مش تخين أوى يعنى
ولا ايه رايك فيا يا صاحبى
عاوز تقول الحقيقه وعلى العموم هكبر خطى كمان عشان تطمن اكتر
يالا يارخم
ولو أنه مش كبير أوى يعنى
على أد حجمى ههههههههه

[MeEeGoOoO(•'.'•)]

شكرا على لاتعليقك

ونورتى التوبيك

[MeEeGoOoO(•'.'•)]

ههههههههههه خلاص هسميكى لولا المتوازنه وشكرا يا لولا على ردك