الجنية والكارنية علشان اللى برة مصر يخدو فكرة

[| لولا ●]

تسميها ازمة تسميها ثقافة تسميها فساد مش هتفرق المهم ان الرشوة بقيت اساس الشغل و هى الباسورد لأي مشكلة او خدمة فى اى حتة فى البلد.

وده حوار بين نائر ونئير :-
نئير :حاجة تجنن مش معقول بقالي 3 ايام دايخ عشان اطلع بطاقة بدل فاقد.
نائر :انت اصلك مش بتعرف تسلك امورك . والله تلاقيك من الناس الى بيقفوا فى الطابور من الساعة 9 ويوصلو للشباك الساعة اتنين يدوبك يتقفل فى وشهم و يتقالهم فوتوا علينا بكرة بس بدري شوية.
نئير : انا كده فعلا .ومش عارف اعمل ايه .
نائر : شوف يا مسكين كل حاجة فى بلدنا بتخلص بالشخللة يعني لازم ترش رشة جريئة عشان تنجز نفسك .
نئير : ارش على مين .
نائر : على عم امين
نئير : مين عم امين ده .
نائر : عم امين ده موجود فى كل فى كل مصلحة ومكتب و مديرية .تلاقية فى المرور و البريد و المحكمة وحتى فى مصلحة السجون بس ممكن يطلع اسمه امين أو اسماعين مش هتفرق المهم ان هو ده اللى بيخلص الطابور فى لحظة و يكمل الختم الناقص
و بيزود الامضا اللى فاضلة و يوصل الورق لغاية الشباك فى رمشة عين او حرق سيجارتين او سحب نفسين .
نئير : انت متأكد من الوصفة بتاعة عم امين دى .
نائر : عيب جرب وهاتدعيلى .
نئير : طب وانا هاعرف عم امين ازاى .
نائر : انت بس تقف سرحان 3 ثواني وتايه ومش فاهم حاجة فى المكان وانت هتلاقى صوت ملائكي رقيق بيقولك :اي خدمة يا باشا . تعرف ان ده عم امين على طول .
انت عارف النكتة بتاعة العشرة جنية .
نئير : لا
نائر : واحد صاحبى كان راكب الميكرو باص مع ابن عمه السواق فوقفهم امين شرطة فى لجنة .وطلب منهم البطايق .المهم اخدو السواق تحري .
نئير : لية هو ماكانش معاه بطاقة
نائر : لا كان معاه بس ماكانش معاة عشرة جنية يديها لأمين الشرطة .انما صاحبى الحمد لله روح سليم .
نئير : عشان كان معاة بطاقة .
نائر : لا كان معاة العشرة جنية يامغفل ..

[Lovely Boy]

تسميها ازمة تسميها ثقافة تسميها فساد مش هتفرق المهم ان الرشوة بقيت اساس الشغل و هى الباسورد لأي مشكلة او خدمة فى اى حتة فى البلد.
اسمها الكوسه وبخصوص الكوسه محدش يعرف يعمل حاجه فى مصر الا بالكوسه(الرشوه با انوعها )
والله يا لولا انت باشا مواضيعك كلها تمام

[| سندباد ●]

هو للأسف واقع فى حاجات كتير فى حياتنا
وللأسف بقت زى حاجة طبيعية
واللى ميعرفش ....مش هيسلك أموره


بس بصراحة مكنش ليها لازمة
هو احنا ناقصين حرقة دم

ماهو كلنا عارفين اللى فيها

-------------------------------
وسورى يعنى ،،


اللى بره مصر لما ياخدو فكرة
هيعملولنا حاجة يعنى ؟؟

ولا
هيشتمونا !!


ياريت عايز رد ..

[| لولا ●]

شكرا لمرورك يا احمد وفعلا الكوسة فى كل حته نورت التوبيك يا قمر

[| لولا ●]

اولا بشكرك يا محمود لمرورك وده طبعا واقع احنا كلنا عايشينه فى حياتنا موضوع
الرشوة وانك لازم تسلك امورك عشان حالك يمشى انا مش بقول كده عشان اكرهكم فى بلدكم لالالالاء للاسف دى حاجة بتحصل وكلنا عارفينها

اما عن الناس اللى بره واللى ممكن يشتمونا زى ما بتقووووول محدش يقدر يشتمنا وهما اصلا بينزلوا البلد وبيشوفوا ده بنفسهم مش مستنينا يعنى نقولهم وهما مش هيعملولنا حاجة لانهم اصلا بيحصل معاهم كده انا بس حبيت اقول الموضوع ده من باب العلم بالشيىء والله مكنتش اقصد احرق دمك يا حودة والله
على العموم نورتنى يا قمر وشرفت التوبيك

[| Tears Of The Moon ●]

ههههههههههههههههه
لا حول ولا قوة الا بالله

تسلم ايدك يا لولا

[MeEeGoOoO(•'.'•)]

شكرااااا يا لولا على حاجه احنا عارفينها كويس اوى وللاسف فعلا بلدنا مش ماشيه غير بيها وفى كل مجالاتها

[| لولا ●]

احمد
محمد
شكرا لمروركم الجميل