امتى تعرف انك فى هندسه ....؟؟

**AMSE** · 30-06-2007 04:54 PM

1- لما مرة واحدة تحس ان الناس كلها شبه بعضها , ولاد و
بنات مع انهم مش كدة , لكن التعبيرات ال على وشوشهم
واحدة !!

............ ......... ......... ......... ......... .. ..

2- لما تلاقى الراجل ال علىالباب بيدخل الناس كلها من
غير ميسألهم فين الكارنيه , لكن ييجى عندك انت و يمسكك ,
عرف منين انك من بره الكلية ؟ اكيد عشان مش شبههم ... لو
بتروح كتير ممكن تكتسب الشبه ده و لو نفسك اوى ابقى حل
شوية شيتات و خش ورشة مرة ...!

............ ......... ......... ......... ......... .. ..

3- لما تيجى تخش المحاضرة تلاقى واحد مطلع من شنطتوا
كتبالمنهج كلها , و راصصها عالبنش كأنوا بيبيع جرانين و
تيجى تسألوا يقلك : "محجوز ياباشمهندس"

( و لو ركزت اكتر ممكن تلاقى مجلات , وجرانين , اخبار
... اهرام ... يعنى مش ده المهم , دة ال لاقاه الراجل فى
البيت هيعمل ايه يعنى ؟!! )

............ ......... ......... ......... ......... .. ..

4 – لما تمشى و تلاقى اتنين ولد و بنت , قاعدين لوحدهم ,
قاعدة شاعرية , فى وسط جنينة خضرا , و العصافير بتزقزق ,
وتيجى تقرب منهم عشان تسمع بيقولوا ايه ! تلاقى لوحة
مرمية وراهم والولد ماسك فى ايده مثلث و بيقول :" و دى
ياحبيبتى طريقة استنتاج المسقط الثالث , عشان تعرفى بس
انا بحبك و بعزك قد ايه "!

............ ......... ......... ......... ......... .. ..

5 – لما تيجى ماشى و تلاقى واحد بيسأل البواب القاعد على
بابالمبنى , بيقول له " لو سمحت يا بشمهندس هو سكشن 10
فين ؟؟؟" مع انه بواب , وشكله بواب و ماسك مقشة فى ايده
, بس هو الواد اتعود على الكلمة خلاص !!!

............ ......... ......... ......... ......... .. ..

6- لما و انت بتتمشى فى الكلية , وبتبص عالحيطة بالصدفة
تلاقى ورقة متعلقة ورا الباب و مدلدلة وواقعة , مكتوب
فيها ما يفيد بأنك عندك امتحان تانى يوم , ممكن تسقط لو
مامتحنتوش , بس هيعملولك ايه يعنى انت الماقرأتهاش , هما
عملوا العليهم و علقوها !

............ ......... ......... ......... ......... .. ..

7 – لما تخش الكافيتريا تلاقى ورقة محطوطة مكتوب عليها :
"ممنوع لعب الكوتشينة" و جنب الورقة بالظبت اربعة قاعدين
بيلعبوا استميشن , وبيكتبوا على ظهر الورقة دى نتيجة
البولة البيلعبوها ... و لو نظرك يجيب بقى حاول تبص و
تطلع حد مش قاعد بيلعب كوتشينة فى بقيت الكافيتريا!!!!!

............ ......... ......... ......... ......... .. ..

8 – لما تلاقى اغلبية طلاب الكلية دة لو مش كلهم بيتخذوا
قانون الضرايب الجديد كشعار لهم و هو :
" مصلحتك اولا"

منقول

**Criss Angel** · 01-07-2007 01:26 AM

ههههههههههههههههههههههههههههههه
يا نهار مش فايت يا أمسي
مش معقول ده إنته مفيش حاجه قولتها آوت
كل ده عدى عليه و شفته بعنيه الظاهر إني بجد في هندسه
تسلم يا مان بجد موضوع روعه

**Essoo** · 02-07-2007 07:24 PM

هههههههههههههههههههههههههه هههههههههههههههههههه
الموضوع جامد جدا
ميرسىىىىىىىىى

**| **Silent Guardian** ●** · 29-08-2007 11:29 AM

ههههههههههههههههههههههه

اهي دي اجمد حتة .. و يا ما بنشوفها يا احمد

ياااااااااااااااااه~X(~X(جيت على الجرح يا عم
اكتر حاجة بكرهها في الكلية كلها هي الحكاية دي
و منتشرة جدا جدا جدا في الطلبة المعقدين بتوع كهرباء
و مع اني كهربي زييهم بس انا مش معقد و اللاه انت عندك رأي تاني؟

**BlackStar** · 02-09-2007 08:03 AM

هههههههههههههههههههههههه
لا حقيقى جامده جدا يابوصلاح
ايه الجمال ده ايوه كده وريهم حلاوة وشقاوة شباب مدنى
ههههههههههههههههههههههههه هههههههههه
(بس مش كنت تاخد رأيى الاول فى الموضوع ده ؟)
يلا حصل خير
ههههههههههههههههههههههههه هههههه