"Fragile X Syndrome"

**| سندباد ●** · 10-05-2009 12:50 AM

**| سندباد ●** · 10-05-2009 01:00 AM

الموضوع ده اللى كنتى طلبتيه يا وهم

لو فهمتى حاجة قولى
لو مفهمتيش قولى برده

لو عايزة توضيح قولى
قبل ما مصطفى يقفل

**!..!** · 10-05-2009 01:02 AM

موضوع متميز ومهم جدا جدا

أيوا كدا هى دى المواضيع اللى بجد

بجد شكرا ليك يا سندباد .

**!..!** · 10-05-2009 01:26 AM

لا بجد جميل جدا والكلام واضح

بس هو لو الأم أو الأب اكتشفوا إن فى خلل فى الكروموسوم ده من البداية مش هينفع يتعالج عندهم نهائى مش كدا ؟؟

وسؤال تانى الخلل اللى بيحصل فى العامل الريزيسى rh ينفع الأم تغير

فصيلة دمها وإذا كان ينفع هيتغير أثناء الحمل ولا بعد الولاده ؟؟ ولا فى

بديل تانى لتغيير فصيلة الدم ؟؟

معلش ياسندباد المذاكره بدأت وعايزه أفهم

**| **Silent Guardian** ●** · 11-05-2009 11:04 PM

قعدت ابحث ابحث ابحث في الموضوع
و ابحث وابحث وا بحث
و اخيرا لقيت رد عليكي يا وهم
و خليكي فاكرة

بس هو لو الأم أو الأب اكتشفوا إن فى خلل فى الكروموسوم ده من البداية مش هينفع يتعالج عندهم نهائى مش كدا ؟؟

لو عملوا تحاليل واكتشفوا ان حد فيهم عنده الجين ده،،
يبقى فيه نسبة للاصابة فى أبنائهم
-دى مش وقتها-
لكن الأبناء المصابين غالبا اننا هنحاول نعمل لهم
تدريب وإعادة تأهيل
اللى هما
training & Rhabiltation

وسؤال تانى الخلل اللى بيحصل فى العامل الريزيسى rh ينفع الأم تغير

فصيلة دمها وإذا كان ينفع هيتغير أثناء الحمل ولا بعد الولاده ؟؟ ولا فى

بديل تانى لتغيير فصيلة الدم ؟؟

أولا الدم مش هيتغير ولا حاجة

اما أصل المشكلة بئا:

بتحصل لما الأب يكون موجب والأم تكون سالبة عامل ريسس

طب لو الاتنين سالب عامل ريسس
مفيش مشاكل وهيطلع الاولاد سالب

خلينا فى الأولى
" الأب موجب عامل ريسس
والأم سالبة عامل ريسس"

*احتمال انه الطفل يطلع لأمه سالب عامل ريسس
مفيش أى مشكلة

*طب لو طلع لأبوه موجب عامل ريسس
لو هو الطفل الأول
مش هيحصل حاجة له
غير انه هيحفز مناعة الأم لتكوين أجسام مضادة ضد عامل ريسس الموجب

لو هو الطفل التانى
الأجسام المضادة اللى اتكونت دى
هتحفز تكسير دم الأطفال الموجبين عامل ريسس اللى بعد كده

" دى فكرة المشكلة "

المصيبة كانت فى الأجسام المضادة اللى اتكونت
هنعمل معاها ايه ؟؟

الحل هنعطى الأم مصل بعد ولادة الطفل الأول موجب عامل ريسس
عشان يمنع تكوين الأجسام المضادة بعدين ..

وعادى تحمل وتخلف براحتها
من الراجل موجب عامل ريسس

----------------------------------
بالمناسبة
عامل ريسس دى تقريبا جين موجود على كرات الدم الحمرا فى الدم
لما يكون موجود ----- يبقى موجب
لو مش موجود أصلا على كرات الدم الحمرا ------ تبقى سالب
----------------------------
انتهى

بس خلاص
و اي معلومات تعوزيها تاني
ابقى اسأليني و انا اجوبك على طول
ههههههههههههههههههه

**!..!** · 15-05-2009 06:10 PM

سيبك من الهندسة يا Cursed وحول على الطب

بس شكراً ليك إنك نزلته

وشكراً ليك يا سندباد على مجهودك

.
.
.

**| سندباد ●** · 16-06-2009 04:11 PM

العفو يا وهم

بس قوليلى ،،

جه منه حاجة فى الامتحانات بتاعتك ؟؟

**!..!** · 08-07-2009 02:06 AM

موضوع الكروموسومات طلع موضوع كبير .. وفى عقد وتداخلات

وكل زوج من الكروموسوما ممكن يسبب حاجه معينه لو حصل فيه خلل

وبالنسبة للعامل الريزيسى .. على فكرة

فى حل للأجسام المضادة اللى بتتكون داخل الأم

بس المفروض الأول اى واحده تعرف (rh ) - او + .. عندها

لتلافى اى مشاكل ..

هو موضوع جميل .. ويخوف اى واحدة على اولادها فى المستقبل

ربنا يستر ويعفى ولادنا وبناتنا وكل المسلمين

بعد كده يا سندباد هبقى ادى كورسات لطلبة طب

على فكرة حاليا بمتحن فيه

**| Mannora ●** · 08-07-2009 07:54 AM

بجد موضوع جامد موت ...

الواحد اول مره يدخل فى دماغه موضوع كده بجد

مجهود رائع يا محمود...

وعلم الوراثه دا وشغل الجينات الواحد كان حببها اوى

ايام ثانوى وبجد موضوع عميق وجامد وعايز سنين وسنين

بس دخلت صيدله وقلبت على الكمياء

بس لسه الموضوع ده بيستهوينى وحباه

شكرا ليك تانى

وعايزين نشوف زى المواضيع دى كتير...

**| سندباد ●** · 12-07-2009 07:39 AM

والله هو بصراحة المفترض ده اللى يحصل
انه الزوجين يحللوا قبل الجواز

بس البنت لو خطيبها قالها كدة ممكن تزعل

وكمان ممكن تطلع فيه مشاكل عنده او عندها وتكدر حياتهم بجد

انا محتااااااااار فى الحتة دى ...

-------------------------

اوكى انا مستعد اسمع كورساتك دى

وربنا معاكى فى الامتحان

معلومات الموضوع

"Fragile X Syndrome"

الموضوع: "Fragile X Syndrome"

أدوات الموضوع