تدرسوا ولا تتجوزا

**Esaf Maher** · 09-05-2009 03:03 AM

**| سندباد ●** · 09-05-2009 05:32 AM

الزواج أم إكمال الدراسة؟
الزوااااااااااج طبعا
ده رأى شخصى ..

نعلم ان هذه الايام المعيشة والغلاء عائق كبير امام الكثير من الشباب المقبلين على الزواج ورواتبهم التي لاتكفي لسد ايجارات السكن فهل يضطر الى الزواج بالدين او ينتظر ومش يتجوز ؟؟

والله يتجوز باللى معاه ،،ووالده ممكن يوفره له لو هو هيقبل مساعدة والده ...والمفترض ان أهل العروسة ييسروا الأمور شوية

أغلب العائلات يرفضون زواج بناتهم فى مرحلة الدراسه فالدراسه أولا ومن ثم الزواج ..هل وجهة نظرهم صحيحه ؟؟

بصراحة هما بيبصوا لها من ناحية ،وهى:
بفرض انه حصل خلاف
او البنت اتجوزت وجوزها مات مثلا بعد الشر
تبقى تعرف تربى اولادها بوظيفة من مؤهلاتها دى
-لو هى مش حابة تتجوز تانى -

وفى ناس تقول عشان مش يشترى ويبيع فيها
لو بيعرف ربنا و بيحبها مش هيعمل كده..

أم ان الدراسه ليست عائقا لزواج الفتاه حيث انها تستطيع التوفيق بينهما ؟؟
مش دايما بتكون عائق
على حسب طبيعة دراستها
والظروف الميسرة فى حياتهم ده هيتحقق

وهل الشهاده الدراسيه اكثر ضمانا لمستقبل الفتاه من الزواج ؟؟

للأسف ...جــــايـــــز

وهل الزواج فى سن مبكره السبب لحالات الطلاق حيث يكون أحد الزوجان غير مهيأ لتحمل المسؤليه؟ وحل المشاكل؟

مش شرط فى ناس صغيرين وعاقلين
وإن كانت بتحصل برده أحيانا
،

كذلك أنشغال الفتاه فى الدراسه قد يلهيها عن واجباتها اتجاه زوجها وبيتها ؟ فيحدث الانفصال من أول مشكله أو خلاف..؟؟

ممكن ،، بس أكيد المفروض انه عارف ظروفها وهو اللى طلبها بوضعها ده
يبقى يستحمل !!

وأيضا هذا الأنشغال هل يسبب غيرة لدى الرجل من الدراسة ؟

جايز وخاصة لو ليها علاقة بزملاتها ولاد فى الكلية

وأي سن تكون فيه الفتاه....أكثر تهيأ لتحمل المسؤلية...؟؟؟

والله ،،
فسيولوجيا من 20 تقريبا
مش فاكر دكتور كان قالها لنا

لا وبالعكس قال بعديها الكيريف بتاعها بينزل ...

وهل يؤيد زواج الفتى وهو على مقاعد الدراسه؟؟ ولماذ؟؟
لالالا

بس مع ابنى ،، لو حب يتجوز وهو بيدرس هجوزه

وهل تؤيد الفتاة التي تترك دراستها لأنها بأعتبارها لم تستطع أن تجمع بين الأمرين؟؟

لالالا او أه
مش عارف

******************
شكرا يا ايساف

**| سندباد ●** · 02-06-2009 02:02 PM

انا رجعت فى كلامى

أتنيل وادرس ياعم

وابقى اتجوز عرفى

-----------------------
لا بجد مفيش سبيل غير كده

**!..!** · 02-06-2009 06:29 PM

الزواج أم إكمال الدراسة؟

الدراسة طبعاً .. وكفاية عليها مؤقتاً بكالريوس أو ليسانس !

نعلم ان هذه الايام المعيشة والغلاء عائق كبير امام الكثير من الشباب المقبلين على الزواج ورواتبهم التي لاتكفي لسد ايجارات السكن فهل يضطر الى الزواج بالدين او ينتظر ومش يتجوز ؟؟

مش لازم يعنى التجهيزات اللى فوق الطاقة دى
ولازم هى وأهلها يراعوا كدا
وكمان الفرح ده.. مصاريف على الفاضى ممكن هما الإتنين يستفيدوا منها ..

أغلب العائلات يرفضون زواج بناتهم فى مرحلة الدراسه فالدراسه أولا ومن ثم الزواج ..هل وجهة نظرهم صحيحه ؟؟

دلوقتى فى ناس كتير غيرت فكرتها دى وعادى لما بنتهم تتجوز وهى لسه بتدرس .
وناس تانية بتخاف أما تتجوز تسيب دراستها .. أو هو بمعنى أصح اللى يطلب منها كدا .

أم ان الدراسه ليست عائقا لزواج الفتاه حيث انها تستطيع التوفيق بينهما ؟؟
حسب دراستها
يعنى لو كلية عملية مش هتقدر توفق ..
وفى ناس برضه بتقدر توفق

وهل الشهاده الدراسيه اكثر ضمانا لمستقبل الفتاه من الزواج ؟؟

فكرتنى بجملتى الشهيره
بس مش وقتها دلوقتى
المهم
برضه تعتبر أمان ليها لو الإنسان اللى ارتبطت بيه طلع ندل !

وهل الزواج فى سن مبكره السبب لحالات الطلاق حيث يكون أحد الزوجان غير مهيأ لتحمل المسؤليه؟ وحل المشاكل؟

بتختلف .. حسب قدرة كل واحد منهم على التحمل.. وحسب حكمتهم ومرونتهم فى التعامل ..

كذلك أنشغال الفتاه فى الدراسه قد يلهيها عن واجباتها اتجاه زوجها وبيتها ؟ فيحدث الانفصال من أول مشكله أو خلاف..؟؟

مش هو اللى عايز يتجوز وهى لسه بتدرس ؟؟
المفروض هى توفق والمفروض إنه يقدر ..

وأيضا هذا الأنشغال هل يسبب غيرة لدى الرجل من الدراسة ؟

مش اى واحد ممكن يغير .. بتختلف برضه

وأي سن تكون فيه الفتاه....أكثر تهيأ لتحمل المسؤلية...؟؟؟

فى بنات والله بيوصلوا للـــ 30 ولسه مش عارفين يتحملوا المسئولية هى بتختلف حسب طبيعة وتربية البنت !

وهل يؤيد زواج الفتى وهو على مقاعد الدراسه؟؟ ولماذ؟؟

وإيه المانع .. بس يكون مستعد لتحمل المسئولية .

وهل تؤيد الفتاة التي تترك دراستها لأنها بأعتبارها لم تستطع أن تجمع بين الأمرين؟؟

لأ الأسهل إنها تتطلق عقبال ما تخلص وترجع له تانى

لا طبعاً

هى تحاول توفق .. وبعدين كل واحد لازم يتحمل إختياره ..

خير اللهم إجعله خير .. !

خلص دراستك الأول وبعدين يحلها ربنا

وكان دعاء النبى صلى الله عليه وسلم

" اللهم إرزقنى الهدى والتقى والعفاف والغنى "

**!..!** · 02-06-2009 06:37 PM

يا مينى هو أكيد طبعاً مش قصده كدا ..

أكيد يقصد عن حال أغلب الشباب اللى بقوا مش عارفين يتجوزوا

واكيد برضه الشباب مش بيفكر يعنى إنه يتجوز عرفى

ولا يتجوز واحده مش كويسه لا قدر الله .

ربنا يحمى شباب وبنات المسلمين ...

آميييين يارب العالمين

**| سندباد ●** · 02-06-2009 06:53 PM

على فكرة انتو فهمتو غلط ..

ده رأيى الأولانى
لما كنت عايز اتجوز

نفس الكلام اللى بيتقال فى البيت
الواحد زهق والله

وبيقولولى خلص انته بس وانته..................وحاجات كتير كدة

ربنا يصبرنى
" اللهم إرزقنى الهدى والتقى والعفاف والغنى "

------------------------------------------------