مين اللى عايز يقول رسالة لمشرفين المنتدى؟

**| MonyanA ●** · 16-04-2009 11:03 PM

انطلاقا من مبدأ " المنتدى ليس بعدد اعضائة ولكن بترابط اعضائة كأسرة واحدة" قررت انى اكتب الموضوع دة وياريت ما حدش يزعل منى
الموضوع هدفة ان كل واحد فينا لو شايف حاجة جديدة فى المنتدى ممكن تتعمل او لو شايف حاجة مش عاجباه يقول وهيكون على المسؤولين او المشرفين الرد والتدخل لحل الموضوع اتفقنا؟
ابدأ انا
1- بعض الأعضاء بيضعوا صور رمزية ليهم أو صور فى التوقيع مش مناسبة ماحدش يزعل منى لأنى شفت صورة استفزتنى " قلب بيتفتح وجواة بنت وولد ب........" الصورة دى فى توقيع أحد الاعضاء انا رأيي ان الصورة دى وجودها غلط
2- حبيت ارد على رسالة خاصة وصلتلى وفوجئت بأنى مش ينفع ابعت رسالة خاصة إلا لما يكون عدد مشاركاتى 200 لية؟
انا من رأيى انة مش بعدد المشاركات يتحدد اذا كان العضو فعال أو لأ يعنى مثلا ممكن عضو يدخل فى قسم الألعاب ويزود عدد مشاركاتة ل1000 ويصبح عضو شرفى او يفضل يكتب شكرا على الموضوع فى كل موضوع برضة عشان يزود عدد مشاركاتة لكن العضو الفعال هو بقيمة مشاركاتة وهدفها دة رأيى الشخصى
دى الرسائل اللى احب اوجهها للمشرفين طيب وانت؟
لو انت عضو وعندك اى تعليق عن حاجة فى المنتدى اكتبة
لو انت مشرف رد على التعليقات
وارجع اقول تانى ماحدش يزعل منى كل دى آرائى الشخصية واختلاف الرأى لا يفسد للود قضية صح؟

**| **Silent Guardian** ●** · 17-04-2009 12:42 AM

السلام عليكم
الحمدلله اني كنت اول من يرد
و برده انطلاقا من مبدأ
" المنتدى ليس بعدد اعضائة ولكن بترابط اعضائة كأسرة واحدة"
فانت ليكي كل الحق في انك تكتبي التوبيك ده
و ربنا يوفقني و اعرف ارد على كل الاسئلة اللي هتتسأل للمشرفين في التوبيك ده
و من غير اي زعل اطلاقا
احنا مهمتنا راحة الزبون

بصي يا دكتورة
اعتراضك , من حقك
في حالة انك شايفة ان في توبيك مش مناسب
او صورة رمزية او توقيع غير مناسب
ممكن تحطي توبيك في البريد بتقولي يا جماعة في كذا كذا
او انك تراسليني انا او اي حد من المشرفين اللي هما برده هيقولولي
ساعتها , انا هشوف اذا كان التوقيع اوفر واللاه لا
و انا هتعامل معاها من غير هزار , الصور بالذات مفيش فيها هزار
بتتمسح و بننبه العضو , و بعدين بحذره و بعدين بنحظره
فانا هستنى منك رسالة خاصة
او تبليغ بيها
و في نموذج للتبليغ

بس انتي عندك حق ان مش كل الناس سهل انها تشوف نموذج التبليغ ده خصوصا لاني لاغي الرسايل الخاصة لاقل من 200 مشاركة
فانا بناءا على تنبيهك دلوقتي , هشوف حل وسط بين ال200 مشاركة و نموذج التبليغ عشان نحل مشكلة الصورة

انا حاسس اني تايه

الموضوع التاني
بصي يا سيتي
في ظاااااااااااااااااااااااا هرة غريبة جدا
ان في شباب داخل يظبط على السايت
و الكلام مفهوم
و لقيت في بنات زيك بيشتكوا منهم و ان كانت الشكاوى على استحياء
فكان الحل , عشان مخليش حد يطمع انه يظبط على المنتدى اني اعلي عدد المشاركات لاستخدام الرسايل الخاصة
يعني هي حماية ليكي يا دكتورة قبل ما تكون قيد عليكي
بس هنحل الحكاية دي زي ما اتفقنا

اخيرا فكرة الموضوع حلوة
حلقة وصل بين الاعضاء والمشرفين
لو لقينا في اقبال على الموضوع هنميزه و نثبته
و من غير زعل لحد دلوقتي
و هستنى باقي الاقتراحات و الردود
و السلام عليكم

**| Mysterious man ●** · 17-04-2009 12:55 AM

بعض الأعضاء بيضعوا صور رمزية ليهم أو صور فى التوقيع مش مناسبة ماحدش يزعل منى لأنى شفت صورة استفزتنى " قلب بيتفتح وجواة بنت وولد ب........" الصورة دى فى توقيع أحد الاعضاء انا رأيي ان الصورة دى وجودها غلط

دة انا على فكرة شكرا ليكي اولا على الموضوع انا خائط الصورة بحسن نية اوكية
انا هشلها بس بشرط لو حد تاني قال فى المنتدي الصورة دي شلها وبجد لو حد شيفها غلط يقول بدون زغل وانا بجد سعيد جدا بحوارك دة
تقبلي مروري وانا مستني من اعضا ء المنتدي الى طول عمرهم بيقولو الحق ...
بكل صراحة وبدون نقاق

**Karmouty** · 17-04-2009 10:52 AM

رحيم باشا سورى بقى اول مرة اكلمك كانت هنا

بس سوال ومن غير زعل لو اختك على المنتدى ترضى انها تشوف الصورة دى والله لو انت رايك اوك سيبها وانا شخصيا والله مش فارقة معايا والله نيتى صافية يارب مش تزعل والله انا شيفها مش اوفر بس فكر من منطق تانى بس يعنى

وبالله عليك مش تزعل

حوار المشاركات اعتقد مصطغى جاوب علية زى الفل

حبيبى ياد يا صاصا اية درش دى الاسم مش عاجبنى خالص غيرة بقى ولا تحب اجمعلك ميت صوت وتغيرة

لا بجد اسم زى الفل ربنا معاك

وشكرا ليكى على الموضوع معلشى اصلى مش بحب الالقاب للاسف

**Amr Diab** · 17-04-2009 10:58 AM

الصورة مش اوفر قوي
بس الراجل ذوقيا قال هيغيرها

**MeEeGoOoO**(•'.'•) · 17-04-2009 03:54 PM

الموضوع اتعمل ماشى وكل واحد فهمه كويس ياريت محدش يدخل بقى يفضل يعلق كتيييييييييييييير

وخصوصا ان روحيم عرف وفهم غلطه وقال هيغيره وزى ماقال عمرو ان التوقيع عادى مش اوفر اوى يعنى

وشكرااااا على الفكره

**MeEeGoOoO**(•'.'•) · 17-04-2009 04:00 PM

وياريييييييييت لو حد عنده اى اقتراح يقوله بس من غير الاشاره بحد معين

**Karmouty** · 17-04-2009 04:03 PM

يا ريس انا مكنتش اقصد حاجة والله انا شيفة عادى بردة ومش عاوز حد يزعل منى بس انا لما بحب اعمل حاجة بعمل المقارنة دى

**| MonyanA ●** · 17-04-2009 04:07 PM

شكرا على كل اللى شاركوا فى الموضوع والموضوع اصلا هدفة ان لو حد شايف حاجة مش عاجباه فى المنتدى يقول عليها من غير ما يزعل حد من حد ومش بالاخص الصور وبس لأ كل حاجة فى المنتدى لان كل واحد لية وجهة نظر تختلف
وشكرا على المرور