تروح وترجعلنا بالسلامه يا ميسي

**..●●**آه...لو**●●..** · 10-04-2009 03:35 PM

انا مش عارف ازاي جالي قلب وانا بكتب الموضوع ده
انا بجد عمري عمري متخيلت ان فكك يبقى من غير الركيزه الاساسايه بتاعتو والعمود الفقري لمنتدى فكك مني
ميسي
احمد عز
اسمحلي اتكلم عنك شويه ولا ون موضوع واحد قليل عليك
انت بجد افضل واحسن واحد قابلتو في حياتي سواء خلقا او دينا او تعاملا مع الناس اللي حواليك
احمد انت راجل محترم و مؤدب واراءك واضحه وصريحه وبتحب الخير وايجابي ومش سلبي ورخم ورخامتك لذيذه بتحب الصح بتغير ع دينك وع اخواتك اللي هما مش اخواتك
وبتحبنا
عشان كده كلنا بنحبك
وخايف موت من اليوم اللي هتروح فيه الجيش
والجيش حاسس انو هيتبني في الفتره اللي انته هتبقى فيها هناك
متنساناش واوعى تتغير من ناحيه فكك مني
واذا كان وحش اوعى تسيبو وتتخلى عنو لازم نخليه احسن هنستناك كل اجازه تنزلها ترجعلنا ومعاك خبرات جديده وتجارب فريده في الحياه
بجد بجد
اعتبرو طلب يا ريت قبل متروح الجيش تنزلنا يوم
احضنك بس وامشي تاني
معنديش حاجه تانيه اقولها غير ان انا من حبي ليك لو الامر بايدي
لجوزتك اخت من اخواتي عشان اتمحك فيك وتبقى فرد من العيله
تروح وترجعلنا بالسلامه يا ميسي

**I'm Alive** · 10-04-2009 03:50 PM

سبقتنى ياعم مصطفى أنا كنت ناوى أعمل الموضوع بس مش مشكله مرحش لحد غريب
ويارب يارب يارب ترجعلنا بالسلامه يا أحمد باشا أنت ومينى

بس نفسى أعرف أنتم مشيين ليه

~X(~X(~X(~X(

**Messi** · 10-04-2009 04:03 PM

يالهوى؟!!!!!!!!!!!!
انا ده كله؟
يا عم والله حرام عليك انت صعبت الموضوع عليا والله
ربنا يخليك يا مصطفى يارب و والله انت من الناس اللى الواحد كسبهم من النت وربنا يخليك يارب

شويه تعليقات بقى على كلام (شويه رخامه يعنى)
ده شئ طبيعى لانى رايح الجيش ومعايا خطه لتطوير كامل للقوات المسلحه
فربنا يوفقنى
بدايه من الكنتين لحد خطه للاسترجاع فلسطين وكل الاراضى المحتله وكمان بفكر احتل كام دوله من اللى فوقنا دول ونكبر الدول العزاويه (نسبه للاحمد عز انا يعنى)
يا حبيبى متخافش مصروفك اللى انا بدفعهولك من جيبى هه من جيبى هيوصلك كل اول شهر لحد البيت عشان ده عمل خير وانا مش عاوزه ينقطع

انا مش خايف اللا من الخبرات الجديده دى
ربنا يسترها يا عم

ان شاء الله يا حبيبى نازلك يوم الحد اسلم عليك
اه يا عم ياريت والله يا عم الناس بس تعرف النقطه دى
اصل انا سمعتى واصله للصين انى رخم وعيل شديد ومبضحكش

ربنا يخليك يا مصطفى والله بجد انت بص هتخلينى اعيط

**Messi** · 10-04-2009 04:06 PM

اقولك انا ماشى ليه
اصل انا جالى عقد عمل فى الخليج فهروح آقلب عيشى هناك عشان اجهز نفسى واتجوز بقى عشان قطر الجواز ميفوتنيش
شكرا ليك يا باشا

**..●●**آه...لو**●●..** · 10-04-2009 04:06 PM

ده شويه عليك بجد

**| Bugs Bunny ●** · 10-04-2009 04:18 PM

تروح و ترجع بالسلامه يا أحمد
و خلى بالك من نفسك

و خلى بالك كمان من الفيران الصغننه اللى هناك و يا ريت تصحبهم دول عسولين اوى
و فى شويه حاجات صغننه هناك بردو خلى بالك منها

مع السلامه يا أحمد

**Spider GirL**(•'.'•) · 10-04-2009 04:30 PM

بجد مش عارفة اقولك اية
مش متخيلة النت كله من غيرك هيبقى عامل ازاى مش فكك بس

بجد بحاول انسى انك هتبعد عننا شويا وهعيط من موضوعك يافهمى
بجد مش سهل حد يبعد عن اخواته اللى حبهم ويحبوه
والله ما حسيت بفراق اخوايا زى ما انا حاسة بفراقك

بجد يا أحمد هنفتقدك جامد جدا
انت اخ وصديق عمره ما هيتكرر تانى ابدا
وعمرى ماتخيلت ان هيبقى لى اخ وصديق بشكل دة واشعر انه قريب منى واحترمه وعمرى ما حسيتك انك رخم ابدا
انت الذ شخصية اتعاملت معاها والله
وسامحنى بقى لو كنت خنقت عليك فى اى حاجة

بجد انا مش متخيلة هنستحمل فراقك ازاى

بس بقولك اهو هنحسب 45 يوم (فترة التدريب) ونشوفك
وانت بقى طمنا عليك كل ما تقدر
وانا ممكن اشجع الأهلى لحد ما ترجع
خلى بالك من نفسك بقى

**| سندباد ●** · 10-04-2009 05:14 PM

ماشى يا تيفا
اسبقنا اسبقنا ....بس النت التافه البايظ هو كان السبب انى مش عارف اعمل ولا مشاركة

--------------------
كنت هدخل اعمل نفس التوبيك
منه وداع مؤقت لأحمد

وكمان أقول انه قريب جدا هيكون عنده -ولد-

قصدى 6000 مشاركة

ومش أى مشاركات خالص ...دى مشاركات بجد كلها بقيمة جامدة ومعانى هادفة

وان شاء الله وصيتك فى موضوع صندوق الخير هيكمل ويتظبط
وهتشوفه منظم أحلى حاجة قريب

طبعا بئا من غير ماعمل انا كمان زى تيفا
كفاية انك عارف مشاعر الاخوة والحب الـ wireless اللى بيننا

وهتوحشنا على رأى أمانى 45 يوم بالعدد لحد ماترجع
ده بعد ما أشوفك يوم الأحد -هقلب كل مواعيدى وأوعى متعديش عليا -

مؤقتا كفاية كدا
ممكن هبقى ادخل تانى هنا لو مش فيها رخامة

------------------------------------------

**| Mannora ●** · 10-04-2009 05:29 PM

انك تفارق شخص قريب منك وعزيز عليك دى حاجه وحشه اوى....

وانتو الايام دى كلكوا عليا....انت يا احمد وكمان مروه اختى ....

بجد موضوع فهمى خالنى اعيط....

بس و لا يهمك الجيش للرجاله....وأكيد هتأخد خبرات وتمر بتجارب هتفيدك....

وانت ديما هتكون معانا يا احمد ......زاهى كلها 45 يوم على رأى امانى....

واهم حاجه خلى بالك من نفسك......

وتروح وترجه بالسلامه لينا...لاخواتك اللى بيحبوك وهيفتقدوك....

**I'm Alive** · 10-04-2009 05:33 PM

[quote=Messi;99663]

اقولك انا ماشى ليه
اصل انا جالى عقد عمل فى الخليج فهروح آقلب عيشى هناك عشان اجهز نفسى واتجوز بقى عشان قطر الجواز ميفوتنيش
شكرا ليك يا باشا

[/quote

ربنا معاك ياكبير بس والنبى امانه عليك ياليل طول تجيب الصبح من الاول ..................متنساش أخوك فى شغلانه كدا يعنى أقلب بيها عيشى أنا كمان بس خلى بالك من بنات الخليج أنا بحزرك

ربنا معاك وتخلص الفترة دى بسرعه ياريس وترجعلنا وسلملى على الجيش