نصيحة لكل فتاة: ابعدي عن السلبي من اخ

**Lovely Boy** · 07-04-2009 07:38 AM

انا طبعا مش لازم اكون مريت بتجربة عشان استفيد منها لكني دائما باحب استفيد بتجارب الغير
فنصيحتي لكل فتاة ان تبعد عن الشخصية السلبية في الارتباط ، ليه بقى ؟
لان الرجل السلبي بيعذب البنت وممكن لا قدر الله تتشل من تصرفاته
فمثلا هي تفضل تدور عليه وتتصل بيه بكل الوسائل السلكية واللاسلكية الإلكترونية والأقمار الصناعية كل ده وهو ولا هنا لا حياة لمن تنادي(تقريبا متقل في الفول) ، وغالبا هي اللي بتتكلم وهي اللي بتطلب انها تقابله وتشوفه وهو يتحجج انه مشغول ، يعني هي تقريبا بتدخل علاقة حب ومبيبقاش فيها طرف تاني الطرف التاني مالوش دور في العلاقة
فنصيحتي ليكي يا اختي الشابة قبل ما تدخلي في علاقة ارتباط بحد اعملي له اختبار، سلبي أم ايجابي (فيه شريط كده بيتباع في الصيدليات اسمه اختبار شخصية بيتعمل الصبح على الريق) عشان يا بنتي ما تتعبيش وتتعقدي والحياة كلها ضغوط مش ناقصة كمان تكوني مضغوطة من اشخص المفروض أنه أكتر واحد بترتاحي معاه.
اخوكم احمد سعيد