اتعلموا بقي الكلام الصح الجامد؟؟؟؟؟؟؟؟

**| لولا ●** · 31-03-2009 01:42 AM

اتعلموا بقي الكلام الصح الجامد؟؟؟؟؟؟؟؟

هاااااااااااااااااااااااا اااااااااااااااااااي
ازيكم
الموضوع ده عجبني كان علي موقع تاني الكلام والمعاني عجبتني قولت اوري ليكم يمكن يعجبكم بس ايه كلام كلام يعني
بس ده سر بينا

يبدأ اليوم عندما تتجمع (( العصابة )) يعنى الشلة كل (( مورنينج )) عند (( ناصية الرمش )) وهى عبارة عن مكان غريب طبعا بيتجمع فيه الكل من بنات النادى أو الجامعة معظمهم بنات (( إستبن ))
يعنى غير أصحابهم الآساسيين وكل بنت لها المصطلح الخاص بها
يعنى لو البنت حلوه يطلق عليها (( أوكشة )) أو ((حتة))
(( شامبو )) يعنى ريحتها حلوة ومستحمية !!!

ولو البنت صغيرة يطلق عليها (( أووزى ))
أما لو كانت قبيحة الشكل تبقى
(( صندل مقطوع أو ضاربها طبنجة )) ولو البنت تخينة تكون (( اتوبيس )) ولو كانت غير متناسقة القوام او الملامح تسمى
(( سلعووه ))
ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!!

ولو كانــت البنت سمـراء البشرة تسمى (( ضالمة من قارة افريقيا )) أو (( مزرقة )) ولو كانت بنت من مكان شعبى تسمــى
(( بيئة ))....

وعندما ترفض البنت المعاكسة تقول لمن يعاكسها ( يا خفة .. اية التهزير دة ... روح لمامتك يا بيبى ))

وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ...

ولو الولد زهق (( اتخنق )) من البنت أو العكس يقولها (( سمعينى بودعك )) ....

وعندما تريد البنت معرفة رأى أصحابها فى (( البوى فريند )) بتاعها تعطية ميعاداً وتطلب من صديقاتها رأيهم بدون أن يعرف
(( المو*** ))
الغلبان .... خدوا بالكم يا شباب من المصطلحات اللى جاية دية للأهمية القصوى عندما تقول لها صديقتها انك
(( تاكسى ))
يعنى انت لافف وداير وبتاع بنات .. ولو قالت (( سكامونى )) يعنى جميل و أمور ...(( ملسكوبيتش ))
يعنى بخيل ...
(( تس تس )) يعنى رزل وممل ... (( شامورتى )) يعنى خنييق ..

(( توت فروت )) مظهرجى ... (( خفشاوى )) غير واضح وهايف ... (( شنيش )) يعنى لامؤخذة هفأ .. !!!

ولو الولد تعبان فى المذاكرة يعنى (( جايب جاز والشراب هوى )) !!!

وأكثر مصطلحات متداولة هذة الايام

(( حطيت إيدى على البلف )) يعنى فهمت الموضوع !!!

(( أدعك الفانوس دلوقتى )) يعنى ممكن تمشى وترحل !!!

(( أرحلك )) أخرجك من الشلة !!

(( الجوند )) فلوس !!

(( مكيش القفف )) معاه فلوس كتير !!

(( يا صباح المظلات )) للمتقدمين للكليات العسكرية !!

(( فهمـى )) يعنى نفض وكبر الجمجمة !!!

(( أحلق )) طنش !!!

(( انت حتزاولنى )) انت حتشتغلنى !!!

(( مهييس )) عامل دماغ وطاير قووى !!!

(( يا صباح اللى بتغنى )) صباح الخير !!

(( يا مساء الليل )) يعنى يا مساء الخير !!!

(( فوكك )) سيبك من الموضوع دة !!!

(( أراك أمس )) يعنى مش عايز اشوفك تانى !!!

(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!!

(( كل معرفتى بيه .. هاى باى )) يعنى مش صاحبى قوى !!!

(( شوليطى . موليطى )) يعنى مش معايا فلووس .. مفلس !!

ومن مصطلحات الاغانى المنتشرة بكثرة هذة الايام الاتى

:(( انا رايح ألعب مع روبى )) يعنى انا رايح الجيم !!!

(( تعالوا نحصل ماريا )) تعالوا نلعب شوية !!

(( انت بتقلد روبى ؟ )) يعنى بتخبى وبتدارى !!

(( أنت كدة تعجب بوسى سمير )) يعنى انت حطيت النقط على الحرووف

اي رأيكم يا شباب

حاجات إكسيكلوسف يا معلميييين

اتعلموا بقى اللغه

**Wezooo**(•'.'•) · 31-03-2009 01:48 AM

هى دى اللغه اللى على حق
كلام جاب من الاخر على طول
شكراااااااااااااا ليكى يا لولا على التوبيك الجميل ده دى
فكرنى باصاله اللغه

**| لولا ●** · 31-03-2009 01:54 AM

اكيد يا ويزززززو لغة عربية يا ابنى لازم نتعلمهااااااااااا شكرا لمرورك

**..●●**آه...لو**●●..** · 31-03-2009 02:04 AM

جايب جاز والشراب هوى
انا حاسس اني مش فاهم اي حاجه

**| Tears Of The Moon ●** · 31-03-2009 09:34 PM

أممممممممممممممم
الكلام ده زى الفل
تسلمى يا لولا

**| لولا ●** · 31-03-2009 10:54 PM

تفاتيفى
احمد
شكرا لمروركم العطر

**I'm Alive** · 09-04-2009 11:17 AM

بالنسبه ليا أنا جايب جاز والشراب هوى

ومش لاقى حاجه أعملها ثم أنى كمان زوليطى موليطى

فمحتاج اى تبرعات منكم عشان أخوكم الغلبااااااااااان .................................................. ............................................. محدش ياخد على كلامى لأنى مهيس خالص بس أول كلمه التها دى على حق ربنا وتسلم ايدك لولا التوبك جميل