لماذا خُلقنا؟

**Messi** · 30-03-2009 09:46 PM

الموضوع لسه خابط فى دماغى دلوئتى

هو حد سأل نفسه هو احنا خُلقنا ليه؟
طب هل كل واحد فينا بينفذ المطلوب منه من ربنا؟

محدش يفتكر ان ربنا خلقنا عشان نقعد ع النت من غير هدف او عشان هدف اهبل وساذج او خلقنا عشان نخرج ونتفسح ونتعرف على ناس جديده

ربنا خلقنا عشان حاجات تانيه اكيد يعنى

حد بيعمل حاجه منها؟او حد يعرفها اساسا؟

**Spider GirL**(•'.'•) · 30-03-2009 10:04 PM

احنا خلقنا للعبادة
وللأسف مقصرين جدا
مقصرين فى حق انفسنا وفى حق دينا وفى حق وطنا
وبندعى ربنا ينتشلنا من الضياع والتقصير دة

شكرا كابتن احمد ع التوبك اللى خلنا نفكر ولو شويا فى هدف وجودنا فى الحياة

**Messi** · 30-03-2009 10:37 PM

على فكره الرد ده بيغيظ
اصل المشكله ان الكل عارف انه مقصر بس مبيعملش حاجه
وكل الغلط اللى بنعمله بنكرره تانى

"ان الله لا يغير مابقوم حتى يغيروا مابانفسهم"

**!..!** · 31-03-2009 12:10 AM

الموضوع ده مهم فعلا

بس سريعا كدا مفيش حد فى الدنيا مش عارف هو إتخلق ليه ،

والمفروض هو عليه ايه وليه ايه .. بس الإنسان بينسى

أو ممكن نقول بيتناسى وبيتشغل بدنيته هو بس ..

ليا عوده إن شاء الله للمناقشه ،،

على فكره حملة راقى بأخلاقى كانت مُفعله عندنا فى الكليه

فتره كدا بس إختفت بسرعه .. ليه مش عارفه !!

**Messi** · 31-03-2009 12:30 AM

اى حاجه فيها خير بتقف بسرعه للاسف يمكن نفاسنا قصير
منتظرين الرجوع للمناقشه

**| Mannora ●** · 01-04-2009 03:14 AM

أكيد احنا خلقنا لعباده ربنا....
والعباده تشمل اشياء كتير مثلا العمل عباده وكل انسان اكيد ربنا حطه فى مكان معين لهدف معين ,,
فلازم كل انسان منا يحاول يعمل اقصى جهده فى المكان اللى هو فيه......وبردو تعمير الارض واجب على بنى ادم كلهم .....

واو كل واحد عمل اللى فرضوا عليه مكانه ومهنته (اذا كان حابب المكان ده او لا) واخلص بجد فيه.هيحس بيقمته واكيد المجتمع هيبقى احسن...وكله بيرجع فى الاخر ينصب فو دائره العباده..