برنامج حفلة اليتيم

[| Silent Guardian ●]

بسم الله الرحمن الرحيم
السلام عليكم اعضاء فكك مني الكرام
الحمدلله و بعد المجهود الكبير اللي عملته منتوسة
في اننا تنفذ فكرتها للمرة التانية اننا ننظم حفلة للايتام بمناسبة اعياد الايتام

الحمدلله السنة دي قدرنا اننا نلم تبرعات قد اللي احنا لميناها السنة اللي فاتت مرة و نص
و تقرر ان الحفلة هتكون ان شاء الله يوم الأحد
29 مارس 2009
المكان
مؤسسة رعاية البنين – شارع الجيش – بعد مستشفى الرمد بجوار مدرسة احمد عرابي العسكرية
على طريق الزقازيق - ابو كبير بعد الكوبري الجديد
طبعا الكلام ده كله في الزقازيق
بالنسبة للي هيجوا من الجامعة
التجمع أمام بوابة آداب الساعة 9 صباحا
و الانطلاق من هناك الساعة 9.5 صباحا
و اللي هيجوا من الاعلانات , معاهم ارقام التيلفونات ممكن يكلمونا و يعرفوا التفاصيل بالظبط

المشرفين على الحفلة هيكونوا موجودين من الساعة 8 صباااااااااحا
برنامج الحفلة

1- البداية ان شاء الله من الساعة 10 الى 11 صباحا

أ - تقسيم الأطفال الى مجموعات
ب - توزيع الهدايا العامة على الأطفال كلهم

رؤساء المجموعات
A - مصطفى شومان ( أنا )
B - مصطفى فهمي
C - أحمد جمال
D - أحمد عز
E - وسام العناني
F - محمد مجدي
G - شريف شومان
H - معتز شومان

* و يا ريت رؤساء المجموعات يراجعوا الموضوع الجديد في غرفة العمليات عشان يعرفوا ايه المطلوب منهم بالظبط
و اللي عايز يتخلى عن انه يبقى رئيس مجموعة يقولي عشان حد تاني يمسك
و احب ابشرهم , ان اللي مش هيمسك رئيس مجموعة هيكون مشرف على مسابقة
يعني من الاخر هتكون مسئول عن حاجة

2- من الساعة 11 صباحا الى الساعة 1 ظهرا

بداية المسابقات و اللعب و الضحك و و و و و
ده مش ترتيب تنفيذ المسابقات , المسابقات كلها هتكون مع بعضها , و هيكون ليها جدول هيتحدد خلال ساعات
أ- مسابقات البالونات
ب - الكراسي الموسيقية
جـ - كرة القدم
ء - مسابقة الاسئلة الثقافية والدينية
هـ - مسابقة الجري
و اي مسابقات جديدة لو ليها وقت هنحطها , عادي يعني

3- من الساعة 1 الى 2 ظهرا

أ - غداء ( للأطفال بس )
ب - راحة لينا و للاطفال بعد الجري والتنطيط بتاع المسابقات

4- من الساعة 2 ظهرا الى 3 عصرا

أ - عروض الساحر ( مش انا على فكرة )
ب - البلايتشو
جـ - باقي برامج الدي جي
ء - توزيع الجوائز على الفائزين في المسابقات

5 - من الساعة 3 الى 4 عصرا

أ - عروض للاطفال الموهبين
ب - عروض شخصية احنا اللي مألفينها
جـ - غناء و تهييس عام من الاخر

و اخيرا هنروح الساعة 4 عصرا و نسيب العيال تنام و تستريح عشان هيبقى عندها مدرسة تاني يوم
و ان شاء الله هنعمل يوم جامد جدا
و يكون احسن من اليوم اللي عملناه السنة اللي فاتت
و على فكرة انا اللي هصور , عشان محدش يقولي انا مش هنزل الفيديوهات
هتبقى الفضايح كلها معايا انا
و مع السلاموعليكم
من طرف اخوكو اللمبي

[!..!]

ربنا يوفقكم ،،

[amrdiab.com]

ان شاء الله هيبقى يوم جميل جداااااااااا

[| Silent Guardian ●]

ربنا يستر

بااااااااااااااذن الله
يا اللي في بالي
مش عايز افضحك
ههههههههههههه

[| Bugs Bunny ●]

ان شاء الله هيكون يوم مميز و الاطفال يكونو مبسوطيين

[| Bugs Bunny ●]

انتو هتمشوا من الجامعه الساعه كام على كده ؟؟

[| Silent Guardian ●]

التجمع الساعة 9
و لانطلاق 9.5

[| المقصرة في حق الله ●]

ان شاء الله هيكون يوم حلو

[Messi]

ياااااااااااااااااااااااا ارب

[| Nadooosh ●]

ياااااااااااااااارب استرررررررررررررررررررررر ررررررر


تسلم ايدك يا مصطفى على كل المجهودات دى

ويارب اليوم يعجبكوا


#:-S