ايه اكتر حاجه تجذبك للبنت...؟

**| Mannora ●** · 21-03-2009 10:42 PM

فى ظل العصر اللى بنعيش فيه ...بجد المظاهر غطت كل شىء

حولينا

وبقت المظاهر الخادعه والوجوه الزائفه هى المتحكمه والجوهر

اتنسى....

والموضوع ده مش فى حاجه معينه ..لا دا انتشر فى كل شىء فى

حياتنا .....

ومن ضمن الاف الاشياء التى طرأ عليها التغير وانقلبت فيها الموازين

فى مجتمعنا....

احب أسأل سؤال..؟؟؟؟

كان زمان الشاب من دول بيقول اهم حاجه عندى فى الانسانه اللى

هرتبط بيها الشخصيه الاخلاق التدين الاصل الطيب...وكده يعنى..

وطبعا وأكيد الجمال والقبول وان كانت درجاته متفاوته من شخص

لاخر....

فهل يا ترى شباب اليوم بيهتموا بأيه؟؟؟

هل يجذبك البدى و5 كيلو ميك اب وskin

والهزار عمال على بطال .. وكده يعنى الحال اللى بقى ماشى فى البلد اليومين دول....

هل انت من النوع القديم ولا الجديد ولا انت ليك نوع خاص بك انت؟؟؟؟؟

**● **TiTaNiC LoVeR** ●** · 22-03-2009 01:06 AM

احترامها
وانها تخاف على نفسها

**..●●**آه...لو**●●..** · 22-03-2009 02:29 AM

1-الخجل
2-التدين بس مش التشدد
يعني عاوزه الدنيا والدين
3-الحيويه والعفويه وشويه جنون عشان يبقى الحياه ليها طعم
وحاجه مهمه
مش تكون بتقول حاضر وبس يعني الحياه بيني وبينها النص بالنص
وانا هبقى اطبخ معااها والله بس متكونش ورايا تبقى جنبي
وده طبعا في وجهه نظري الصغنطوطه

**MeEeGoOoO**(•'.'•) · 22-03-2009 02:59 AM

والله انا من نظرى انها لازم يكون موجود فيها الادب والاخلاق

ومتكونش رغايه دى اهم حاجه

وتكون طيبه تفكر فى غيرها يعنى متفكرش فى نفسها وبس

وحاجات كتييييييييييير بقى يطول شرحها

**| Mannora ●** · 22-03-2009 07:55 AM

شكرا اوى لمروركم.....شريف ...تيفه....قصاد عينى....

وشكل فيه امل فى شباب اليومين دول....

ومستنين أراء تانيه....

**Karmouty** · 22-03-2009 11:05 AM

بصى بامانة التدين طبعا والاخلاق

الجمال ودة مهم جدا بردة

والجمال مقاييس كل واحد لة مقياس فى اللى بيحب الخمرية واللى بيحب البيضة وكدة يعنى مش شرط جمال معين

انها تكون ست بيت يعنى مش عاوزة طباخ بقى والحوارات دى يعنى تعرف تربى الاولاد صح لانى هو دة الهدف الاسمى فى الحياة

**| Mannora ●** · 23-03-2009 05:41 PM

شكرا قرموطى على المشاركه برأيك....

وفين باقى الولاد....هما دول بس اللى على المنتدى....

يا جماعه عايزين الباقى يشارك برأيه.....

**Messi** · 23-03-2009 05:50 PM

فلوسها يكون معاها فلوس كتير يجى سبعتاشر جنيه

لاء بجد الشخصيه
وتكون عارفه حدود تعاملها مع الناس اللى حواليها

**| Mannora ●** · 23-03-2009 06:11 PM

يا عينى عليك 17 جنيه بس ده اخرك طب قول كام مليون.....هههههه

على العموم شكرا ميسى على المشاركه.....

واكيد كل واحد بيحب حاجه وبتبقى عنده اولويه مختلفه عن الاخر...