أنــا واللــى زيــى مـلوش حـد , يحــس بيــه غيــر ربــنا

**| Tears Of The Moon ●** · 07-03-2009 02:07 PM

فئة من الناس وهي المعاق الانسان اللي ربنا خلقه كدة وابتلاه

والناس والمجتمع شايفينهم عالة على اهلهم ومجتمعهم

حتى حقهم في الزواج والاندماج مع المجتمع مسلوب تماما لعدد منهم وهم المعاقون ذهنيا ازاي مثلا المعاق ذهنيا ممكن يتجوز وهل له المقدرة انه يربي اولاده ويعلمهم وياخد باله منهم استحالة طبعا لان

الاصل في الانجاب الرعاية موش تكوين اسرة وخلاص وللعلم المعاق ذهنيا طبيعي جدا من ناحية الغريزة الجنسية

ومن الناحية الدينية من استطاع منكم الباءة فليتزوج ومن لم يستطع فعليه بالصوم

وعليه يستوجب على من يرغم بالزواج توفير حياة كريمة وتوفير معيشة مناسبة للزواج موش تشريد للابناء وضياع عدم المقدرة على الانفاق ومشاكل كتير تانية وده من ناحية طبعا الزوج اللي هوا اساس

البيت وملزم بالانفاق

الكلام ده كله فهمته ودموعها على خدها بنت زي القمر كل ذنبها اتولدت بشلل اطفال وبقت موش قادرة تتحرك الا على كرسي اتحرمت من التعليم ازاي كانت كل يوم حاتنزل من الدور التالت بالكرسي

ده ومين كان حايطلعها الفصل في المدرسة وحاتدرس ليه وتتعلم عشان ايه اهلها فهموها وضعها بطريقة لطيفة وانهم على قد حالهم وموش باديهم يعملولها اي حاجة وقالولها لازم تشيل من دماغها فكرة انها

تتجوز وكبر جواها الاحساس بالنقص بس غصب عنها حبها ابن عمها وصارحها بحبه وهيا كمان حست بمعنى الحب لاول مرة بس للاسف حتى الحلم ده اتهد في لحظة لم قالها بصراحة شرطي الوحيد توافقي

عالتعقيم بما معناه تتحرم من الانجاب بحجة مايستحملش يشوف ولاده فيهم حاجه ونسي قدرة ربنا ورحمته وانه بايده لوحده لو انها خلفت تجيب ولاد سلام لكنه مسك الاحتمال السيء داانتا حتى ياابني ما

حصلتش المعادلة الصعبة التانية لانك سليم والمعادلة الصعبة بتقول :

معاق + معاقة = معاق او معاقه او احتمال الإعاقه يعني حالتك مع البنت اللي حبيتها واختارتها وانتا سليم اعاقة فردية موش مركبة يعني احتمال ان الابناء يكونوا كويسين

نسبته اعلى من الاعاقة المركبة

طبعا قريب البنت زاد الطين بلة ولو كانت في الاول عندها امل بنسبة 5% دلوقتي ماعندهاش استعداد حتى تفكر انه فيه اي امل واختارت تعيش لوحدها وماتستناش رحمة من بشر واحساسها بالغربة وسط

افراد مجتمعها اتولدت مظلومة وعاشت مظلومة وحاتموت مظلومة بس عند ربنا ثوابها كبير

وموش هيا بس ده حال بنات كتير غيرها بيعانوا من اي اعاقة هل ليهم الحق انهم يتجوزا رجالة سليمة وانتا كشاب لو وقعت في حب بنت منهم حاتقدر تتجوزها وتبقى مبسوط معاها ؟

مع العلم دول اكتر فئة من الناس مستعدين يقدموا كل مشاعرهم وكل مايقدروا يقدموه لو لقيوا اللي يقدرهم ويحبهم

:wallbash: الراجل معروف يخبط دماغه عادي بقى ماهو رب الاسرة لازم يقدر يشيل مسؤوليتها لكن ظلم للبنت وهيا قادرة على الجواز والانجاب لو اتجوزت حد زيها وتبقى الاعاقة مركبة في الجواز

**| Mannora ●** · 08-03-2009 12:58 AM

بجد موضوع صعب اوى وبيظلموا فيه....

انا رأى ان ده كل راجع لجهل المجتمع ....

عادى لما تتجوز وتحب وتعيش حياه كريمه ...هى مش بشر

بس حته ابن عمها دى صعبه لان بجد ممكن يجيبوا اولاد معاقين

وهى اكيد مش هترضى لحد من اولادها يعانى زيها

بجد موضوع جميل اوى تسلم ايديك

**| لولا ●** · 08-03-2009 05:39 PM

موضوع رائع بجد يا احمد وجديد ومحدش اتكلم فيه قبل كده بالعكس المعاقين لازم يعيشوا حياتهم زى الناس الطبيعيين بالظبط احنا كلنا خلقة ربنا بس ربنا خلق ناس كده وناس كده ومحدش ليه اى ذنب

**!..!** · 08-03-2009 05:57 PM

موضوع الإعاقات ده تخصصى .. ليا عوده إن شاء الله للمناقشه ..

**!..!** · 09-03-2009 08:46 PM

على فكره مش شرط لما الزوجين يكونوا معاقين ينجبوا اطفال معاقين

ودى حكمه من ربنا ودلوقتى بيبقى فى كشف قبل الزواج وده

بيوضح اذا كان ممكن ينجبوا اطفال معاقين ... او الاطفال ممكن يكون

عندهم مشاكل صحيه ولا لأ ..

وبعدين لو حصل والام كانت حامل فى طفل معاق بيبقى لها حرية الاختيار

فى اجهاض الطفل او لأ

وهنا فى مصر مراكز الامومه والطفوله وافقت وأيدت اجهاض الطفل

المعاق ومنتظرين قرار دار الافتاء المصريه بالنسبه للموضوع ده ..

موضوعك مهم جدااااااااا وفيه كلام وجوانب كتير

"الحمد لله الذى عفانا مما ابتلى به غيرى وفضلنى على العالمين "

شكرا لطرحك الموضوع