اقتراح يهم كل مسلم

[Prince of Persia]

الاول مساء الخير على كل المفاكيك

النهارده كنت فى مشوار كده وروحت اصلى الجمعه فى جامع غير اللى انا تعود اصلى فيه المهم
لفت نظرى حاجه بيستهيالى مهمه
الشيخ الامام كان بيتكلم فى واقعه الفيل لكن ماضفش اى كلمه جديده او شئ مش معروف اوى او بمعنى تانى الكلام بتاعو كله مفيش حد ميعرفوش
فخطر فى بالى سؤال هو ليه دايما خطبه الجمعه نص كلامها مكرر ودايما الناس عارفاه ليه الامام مبيغيرش كلامه طب لو معندوش حاجه جديده او مش معروفه عند كل الناس ليه مثلا ميفسرش بعض ايات القرآن الكريم او بعض الاحاديث المهمه والغير منتشره واهو على الاقل لو كرر تفسير ايه مرتين هتثبت فى عقول الناس
ولا انتو ايه رايكو؟؟؟؟

[Messi]

والله انت بتقول كلام زى الفل
احنا عندنا الشيخ توفى بيقول كلام مكرر اه بس بيكون معظمه قصص وكده فده بيخلى الخطبه ممتعه
هو بيتهيالى انهم بيوفروا على نفسه وبيعملوا يجى خمسين خطبه تقضى السنه كلها وبيحفظوا فى كل تاريخ الخطبه اللى بتمشى مع المناسبه بتاعه
يعنى مثلا فى اول رمضان يحفظوا خطبه رمضان وقبل العيد خطبه العيد وكده عشان يريحوا دماغهم
اقتراحك حلو يا حوده عليك وعلى شيخ الازهر

[Prince of Persia]

طب ايدك معانا بقى يا معلم
تسلم على المرور يا غالى

[| المقصرة في حق الله ●]

مش كل الشيوخ بتعيد
ده اللي اعرفه

[| المقصرة في حق الله ●]

في حاجة بتحصل كمان في المساجد ان شيوخ يبدلوا سوا
مش عارفة انا قلما ما اسمع خطبة مكررة

[Prince of Persia]

انا ماقولتش كده بس انا قولت على اللى شوفته فى اكتر من مسجد يعنى انا كونت الفكره دى من اغلبيه المساجد اللى روحتها لو خدتى بالك انا قولت انى غيرت المسجد
وحكايه ان الشيوخ بتبدل مع بعض دى بتحصل فى المسجد الللى انا عاده بصلى فيه عشان كده انا بحب اصلى الجمعه فيه لان قليل اما الخطبه بتتكرر بس زى ما قولت الحكايه دى لاحظتها فى اغلب المساجد

[Prince of Persia]

اه وطبعا الف شكر على مرورك ونورتى الموضوع يا ست الكل

[| Mannora ●]

الموضوع جامد ومثير اوى لانه دى بجد بقت منتشره اوى من حته الموضوعات اللى ماشيه مع المناسبات وبقت متكرره وبجد نفسى يعملو تغير او حمله تجديد تجذب الناس للمساجد بس اللى بيحصل الايام دى ان الامام بيبقى حفيظ نمره واحد تلاقيه حافظ الخطبه بالنص بس لو ناقشته ابقى قابلنى لو رد وانا ديما باسمع الخطبه لان الجامع جنب بيتنا نفس الكلام يا ابنى اللى بيتقال كل اسبوع هو هو
نعمل ايه ....ربنا يهديهم
شكرا محمود على الموضوع

[| سندباد ●]

ايه يابنى يا حودة المواضيع اللى انت راجع بيها دى

عموما
ردى عليك هو ،،


خطبة الجمعة لم تكن لتفسير القرآن أو شرح أحاديث
فى عهد الرسول -صلى الله عليه وسلم- كانت الخطبة موجزة وقصيرة وغالبا ما كان الكلام بيتكرر فيها.....

لأن الهدف منها هو التذكير ببعض الامور فحسب ...حتى وان كانت مكررة

أما العلم اللى بتدور عليه ....بيكون فى الدروس اللى مفترض متحدد لها مواعيد والناس مش بتروحها ،،،او حتى امام المسجد نفسه مش بيروحها .....


هو ده الصح .....

لكن ،، فى عهدنا ده من الجائز بل من الواجب أن يستغل الفرصة ويتطرق الامام فى خطبة الجمعة الى أمور أكتر من المعتاد عليها
لأن دى فرصة بيتجمع فيها الناس ،،وغير متاحة للامام فى اى وقت آخر من الأسبوع

وطبعا ده لقلة طلب الناس للعلم الدينى ،،او حتى للآخرة وان كانوا يدعون من ظاهرهم ذلك ....


وبكده انا معاك فى كلامك لو حد وعاه
لكن لازم تعرف ان الأصل غير كده


والحمد لله ان بقالى 10 او11 سنة مع شيخ مكررش خطبة -ربنا يبارك فيه- حتى انه كان بدأ خطبة بشرح سير الانبياء
وبعدكده سيرة الرسول وكمان كان عمل سلسلة أحاديث بتفسيرها طويلة جدا ...وكمان مواكب لأحداث الجارية برده..

هو ده اللى انت عايزه ؟؟



طبعا الكلام ده كله ،،وناهيك عن ان فى خطباء تعبانين جدا ...
ربنا يرزقنا واياهم العلم ويهدينا ..

عموما ممكن تشرفنى فى اى وقت وتصلى معايا


******************
آه قبل مامشى لازم تعرف ان الكلام اللى الخطيب بيقوله فى نشئ جديد بالمسجد أكيد مش يعرفوه
لأن الاهالى معادوش بيهتموا بتعليم اولادهم سير الرسول او الصحابة ...