كلمة فسلام فموعد فلقاء

[| لولا ●]

--------------------------------------------------------------------------------

كلمة فسلام فموعد فلقاء ..



كل هذه الأمور ستكون حاضرة في الموعد المحدد، ولكن وسيلة نقلها ستكون شاشة صغيرة وعدة أزرار وليس أكثر.




وبدلا من خطابات المحبين التقليدية، تحولت المشاعر الى مخاطبات البريد الالكتروني.



وقد يكون هذا الحب جذابا لكثير من الشبان الذين يبحثون عن الحب الضائع في حياتهم، بسبب خجلهم من الحديث وجها لوجه أو لأي سبب آخر.



فقد انتشرت في الفترة الأخيرة ظاهرة الزواج عن طريق الانترنت، والشباب يجدون في هذا الزواج كسر لكل التقاليد، وفرصة جديدة لاختيار شريك حياتهم بأنفسهم دون أي تدخل من قبل الأهل.



الانترنت .. تلك الشبكة المعلوماتية الهائلة التي تربطنا مع العالم وابهرت الإنسان.




فدأب على اكتشاف أسرارها ومعرفة خباياها، واستحوذت على اهتمام الكثيرين من الناس من مختلف الأجناس والأعمار.


وعبر هذه الشبكة يتم التعارف بين الشباب لأغراض الزواج التي غزت المجتمع الغربي أولا، ووصلت الى مجتمعنا أيضا.



وتدل معظم الإحصائيات أن هذه الظاهرة تنامت وأصبحت ظاهرة شائعة بين مختلف أوساط الشباب الذين يبحثون عن التعارف بغرض الزواج .


ولكن هل يمكن ضمان نتائج هذا النوع من الزواج؟



وهل الإقبال المتزايد لنشر طلبات الزواج في مواقع على شبكة الانترنت يساهم في معالجة مشكلتي العنوسة والعزوبية

[I'm Alive]

ولكن هل يمكن ضمان نتائج هذا النوع من الزواج؟ أولا بحييكى لولا على موضوعك الرائع ثانيا فى العصر الى احنا فيه لايمكن ضمان اى شئ وخصوصا زواج الانترنت لأنه مفيهوش حوار صريح بين الشاب والفتاه المقبل على زواجها يبقا نتيجه الموضوع ده حب بدون زواج وعدم معرفه طبيعه كل واحد فيهم للأخر النتيجه النهائيه زواج فاشل....................... وتسلم الايادى لولا على التوبك وتقبلى تحياتى قبل مرورى

[| Silent Guardian ●]

المجتمع بتاعنا , انا مبقتش عارف اوصفه الصراحة يا لولا
مبقتش عارف اقول مخنوق واللاه مفتوح ؟
منفتح واللاه ملتزم ؟
واخد من التحضر اللي فيده , واللاه عايش جوه قوقعة التخلف
الرغبة في الزواج , اهم سمة من سمات الانسان , انه دايما بيدور على نصه التاني
على عكس الحيوان , بيتزوج لغرض التكاثر و لما بينتهي الغرض بتنقطع الصلة
فالرغبة في الزواج ( او الوقوع في الحب ) صفة اساسية لا و رغبة لا تنتهي
نيجي نبص على وسائل تلبية رغباتنا العادية
اللي جعان بياكل
و العطشان بيشرب
و اللي عايز يتعلم عنده الكتب و عنده النت
و اللي عايز يتفسح الف رحلة كل يوم رايحة الف حتة
طيب اللي عايز يتجوز
( بالنسبة للفئة المتوسطة )
شقة ب100 الف جنيه
شغال بمرتب ميقلش عن 2000 جنيه
دهب بكذا و مؤخر كذا و تريحها و تجيبلها و تعملها
خلاص العملية بقت عملية تجارية
و راحت خالص كلمة احنا نشتري راجل لان مبقاش في رجالة على راي سيد ابو حفيظة
فنبقاش قدام الشباب اللي لسه بياخد مصروفه من ابوه , واللي مكتوب عليه يقضى مش اقل من 25 ال 30 سنة من عمره عشان يعمل الامكانيات دي , غير انه يلبي رغبته بشكل تاني
عندنا ( و الحمدلله ) البنات خوافة من ناحية الاتصال المباشر بالاولاد , يعني من ناحية كلمة الاختلاط والسمعة الخ الخ الخ
فبتبقى العملية اسهل بكتيييييييير في حالة الاتصال الغير مباشر , من ورا شاشة و كيبورد , وده اللي خلى التعارف اونلاين حاجة حلوة للشباب اللي مش بيعرفوا يكلموا بنات في الحقيقة , و للبنات اللي بتخاف تكلم شباب في الحقيقة
اتنين , محتاجين حب , قابلوا بعض , بغض النظر عن مشاكل ممكن تقابلهم , صعب تمنعيهم انهم يبعدوا عن بعض
من هنا نشأت الحب عن طريق الانترنت
طيب ده هيحل مشكلة العنوسة؟
انا عندي رأيين
الاول : لا , الشاب اللي على النت , هو هواه اللي على الحقيقة اللي معندوش امكانيات الزواج , و بالتالي مفيش حل
الثاني : لو الاتنين فعلا انجذبوا لبعض , فممكن يتجوزوا و يجبروا الاهل على الموافقة بالامكانيات الحالية و يبقى حلت شوية الازمة ( بس مفتكرش ده هيحصل لاسباب كتير )
هل هناك ضمان لنتائج هذا الزواج؟
مفيش ضمان لاي حاجة اصلا اليومين دول
شكرا ليكي يا لولا
انا ايديا وجعتني من الكتابة

[exorciet]

طبعا نحب نقول ان الحمد لله الموضوع بيوسل لجواز عشان دى مرحله متقدمه اوى

يعنى احب اقول ان الحمد لله إنها جت على اد كده

طبعا ده نوع من انواع التعارف فى المقام الأول .. و انواع التعارف كتير ..فا انا ماليش حق انى احكم عليهم من نوعية تعارفهم

يعنى مثلا انا اتعرفت على شريكة حياتى جواا المحاضره هى هى لو اتعرفت عليها فى الصالون مع ماما و بابا و فى ايدى شربات و بردو هى هى لو اتعرفت عليها عن طريق زميل ليا .. مشمهم اتعرفت عليها ازاى اختلفت الوسائل و الهدف واحد

بس البونت الوحش هنا ان النت مقدرش امسكو ..يعنى

فعلا مفيش حاجه مضمونه من على النت .. اذا كان شهادات التعليم من على بعد مش معترف بيها يبقى الجواز حيعترف بيه

انا لا اختلف على الوسيلة ولكنى اختلف على الهدف

[| لولا ●]

اشكركم جميعا على مروركم وتعليقكم على الموضوع وكلكم عندكم حق فى الكلام اللى قولتوه فعلا الجواز دلوقتى بقى صعب جدااااااا وبشروط وحاجة بقت ارف على الاخر اشكركم لتانى مرة وتقبلوا تحياتى