الفيروس العبيط

[أنا]

* قلب وسهم وحرفين...القلب دايب...بهتان...لونه مخطوف....شكله حزين
والسهم مكسور...ماوصلش لمكانه فى قلب القلب..
والحرفين....أنا وحد تانى...مش مهم مين...المهم انه انانى

* رحت لها عشان آخد منها قلم احمر..ألون بيه القلب البهتان...عشان اجيب منها سهم بدل المكسور الغلبان..مارضيتش...وسابتنى لوحدى...فى ليل الشتا بردان

*قعدت افكر ايه اللى خلى القلب يدوب؟ ايه اللى خلى لونه يبهت؟
ايه اللى كسر السهم؟؟؟
وايه اللى مسح الحرف التانى؟؟؟

*احترت....شايف الاجابة بعينيا...كل يوم تعدى من قدامى..وياريتها اجابة واحدة!!! دول كتير قوى....بالعبيط...بس مش عارف اعمل حاجة

*السؤال الأهم..هوة ليه انا دلوقتى عايز الون القلب من تانى؟؟ ليه عاوز اجيب سهم تانى...ليه لازم يكون فيه حرف تانى..؟؟!!
هوة يعنى ما ينفعش يكون حرف واحد بس....لازم اتنين؟؟؟!!!!
صحيح هوة على كل الشجر والحيطان فى كل مكان فى الكون بيكون حرفين جنب بعض
لازم حرفين....بس ليه..ليه لازم الاقى حرف تانى احطه جنب اول حرف من اسمى

*احتمال يكون فيروس؟؟!!! اه هوة اكيد فيروس...بس ده فيروس (رذل) قوى على كدة
مش عايز يمشى خالص...مفيش اى حاجة نافعه معاه...مابيتهدش ولا بيسكت
الا لو لقيت حرف تانى أقعد اكتب فيه كل شوية بشكل عبيط...ده هوة نفسه فيروس عبيط...طيب ده حتى المفروض يتكسف من نفسه...ده دلوقتى لما نيجى نسميه
هنسميه ايه.؟؟؟!!!!!!
فيروس الحرف الناقص!!!!!!!!!!!

[| Mannora ●]

جامده يا ابو حميد وتسلم ايديك

بس انت عارف انه عبيط ....وليس على العبيط حرج واللى بيجيله الفيرس ده يتعوض ربنا

[NHP]

كتير حلوة