تأثير الفلسفة على الإنسان الطبيعى..

**أنا** · 23-02-2009 09:42 PM

بداية......لا أحد يشترى الفئران..الفئران تأتى من تلقاء نفسها الى منزلك
اما الوقوف خلف المدفع،فأفضل كثيرا من الوقوف امامه
وأن تثير ملل الاخرين.أفضل من ان يثيروا هم مللك
وبالنسبة لفيروس انفلونزا الطيور..فينتقل عن طريق الاختلاط المباشر
او عن طريق العلاقة الغير مشروعة بين الطيور
أما عن حظك اليوم
ستلاحظ أن سحابة معتمة قد استقرت فوق سطوح منزل دون النظر الى باقى منازل الحى
لتمطر بالنهار رغاوى صابون وبالليل تفل شاى ..، كما انها ستتعقبك اينما ذهبت
وفى تمام الواحدة ظهرا..يصلك خطاب عن طريق ساعى بريد يدعى فتوح..يرتدى قميص ابيض وبنطلون اسود برقبة..كما ان الخطاب الذى سيصلك سيكون ابيض وباستك من فوق وريحته وحشه قوى
وفى نهاية اليوم يقع خلاف مع شريك حياتك المستقبلى عند كتابة قايمة الزواج بسبب كرسى الحمام..وينتهى الخلاف بالانفصال وبلع دبلة الخطوبة
تشعر بأن كل هذه الاحداث مقصودة ومرتبة من قبل ...ويقنعك ابوك بزيارة طبيب امراض جلدية..وبعد الفحص والاشاعات والرنين المغناطيسى والذى منه..يخبرك بأن ضرس العقل محتاج حشو عصب..ويكشع عن عضلك لكى يعطيك حقنة ميه ساقعة
ترفض ان تأخذ الحقنة..فيتم تكتيفك وربطك فى الكرسى..ويقوم الدكتور بحلاقة شعرك على الزيرو..ويزودها وية فيكتب حرف (z) على الجنبين اشارة الى اسم حبيبته (زنوبة ) اللى سابته
فى نهاية اليوم تروِح بيتكم وفى ذهنك العريان تلتمع 3 لقطات
لقطة من على باب احد حمامات الاولاد فى الكلية (ال w.c يعنى)مكتوب عليها الاتى
"كلية الصيدلة= 5 سنوات +س حيث س عدد لا يساوى الصفر"
ولقطة اخرى من ميدان محطة الزقازيق حيث يقف احمد عرابى شامخا معتدا بنفسه قائلا
"لقد خلقتنا امهاتنا احرارا ومن يومها واحنا واقفين مكاننا كدة ماتحركناش"
واللقطة الاخيرة من دماغى

فاضية
.

**| Mannora ●** · 24-02-2009 11:44 AM

ايه يا عم الموضوعات الجامده دى....والفلسفه الجامده دى...بس لو الواحد قعد يدقق فى كل كبيره وصغيره فى حياته هيتعب اوى...انت سيبها وقول يا باسط...

بجد موضوع جامد وعايز تفكير عميق علشان تفهمه....تسلم يا ابو حميد ديما مواضيعك جامه

بس ما تتغرش اوى يهنى

**| Mannora ●** · 24-02-2009 11:46 AM

جامد جدا

**أنا** · 03-03-2009 09:36 PM

????????????????????????????

**Messi** · 03-03-2009 10:18 PM

هى دى المواضيع اللى الواحد يقعد يقراها للاخر
بص يا انت الموضوع مالوش حل والله هو اه انا مش فاهم منه حاجه بس طريقه عرضه جميله
تسلم يا حج

**| Tears Of The Moon ●** · 06-03-2009 02:27 AM

ربنا يطول بالك أكتر وأكتر كمان يا ابنى
يا رب يكتر من مواضيعك اللى زى الفل دى
يا رب تتقبلى مرورى على خيــر
امــــــــــــــين
ههههههههههههههههههههههههه ههههههه

**| Tears Of The Moon ●** · 06-03-2009 02:27 AM

ربنا يطول بالك أكتر وأكتر كمان يا ابنى
يا رب يكتر من مواضيعك اللى زى الفل دى
يا رب تتقبلى مرورى على خيــر
امــــــــــــــين
ههههههههههههههههههههههههه ههههههه