الزمالك بطل القرن العشرين بدون منازع

[| please smile ●]

للأسف و كما هي العادة في مصـر لم يتحمس الإعلام المصري لهذا الإختيـار بل تجاهله تماما كبـار النقاد المصريين و البرامج الرياضيـة و ذلك لأن التصنيف جاء على عكس ميولهم و اخرج الأهلي المصري ثانيـاً في التصنيف و في المقابل دأب الإعلام المصري بمختلف أسماءه على تسليط الضوء فقط على تصنيف الاتحاد الأفريقي لبطل القرن و الذي أتى بنادى الأهلي المصري بطلا للقرن بناء على معايير و قواعد معينه سوف نعرضها فيما بعد,
و لم يتحرك من الإعلام المصري سوى قلمٌ واحد هو قلم الأستــاذ الناقـد فتحي سنـد في عموده الاسبـوعي في جريدة أخبــار الرياضة و كتب تحت عنـوان "و الفيفـا تعطي الزمالك لقب بطل القرن" و كتب الأستـاذ فتحي ليـوضح ان منظمة rsssf اختارت الزمالك بطلاً للقرن الأفريقي و أوضح يومها الاستاذ فتحي أنه علم بهذه المعلومة من أعضاء مجلس إدارة الزمالك و بعدما تحقق من الأمر بادر الى كتابة ذلك في أخبـار الرياضة.
وكمانت شوفوا الدليل القاطع:-
الزمالك
فاز ببطولة أبطال الدوري 4 مرات 1984 ، 86 ،93 ، 96 ، ( 4 * 4 = 16 )
فاز ببطولة أبطال الكأس مرة واحدة 1999 ( 4 * 1 = 4 )
فاز ببطولة السوبر الأفريقي مرتان 1993 ، 1996 ( 2 * 1 = 2 )
وصل لدور الثمانية ثلاث مرات 78 ، 79 ، 87 ( 3 * 1 = 3 )
وصل لدور لثمانية وثاني مجموعة مرة واحدة في ثوبها الجديد 1997 ( 1 * 3 = 3 )
وصل للدور قبل النهائي ثلاث مرات76 ، 85، 99( 3*2 =6 )
وصل للنهائي مرة واحدة وخسر 1994 (1 * 3 =3 )
إذن بجمع نقاط فريق الزمالك نجد أنها 37 نقطة .
الأهلي
فاز ببطولة الدوري مرتان 82 ، 87 ( 4 في 2 = 8 )
أبطال الكؤوس 4 مرات 84 ، 85 ، 86 ، 93 ( 4 في 4 = 16 )
وصل لدور الثمانية ثلاث مرات 77، 91 ، 92 ( 3 في 1 = 3 )
وصل لدور الثمانية وثاني مجموعته مرتان في ثوبها الجديد بنظام الدوري 1999 ، 2000( 3 في 2= 6 )
وصل للدور قبل النهائي مرتان 1981، 1988 (2 في 2 = 4 )
وصل للدور النهائي مرة واحدة وخسر 1983 ( 1 في 3 = 3 )
إذن بحساب مجموع النقاط لفريق الأهلي نجد أنها 40 نقطة ، وبالتالي يتفوق علي الزمالك بثلاث نقاط

وبمعنى اصح الزمالك هو بطل القرن العشرين يا اساتذة ولكن حسبى الله ونعم الوكيل فى الاعلام المصرى
وسلمولى على الاهلى

[I'm Alive]

أزاى يامان الزمالك هو البطل والاهلى متفوق عليه بفرق 3 نقاط تعقل ازاى دى فهمهالى بعد اذن حضرتك كدا براحه عليا وواحده واحده وتحياتى وتقبل مرورى وسلملى على الزمالك بتاعك ها أو أو او أو أو

[| please smile ●]

انا طبعا شكرررررا لمرورك

بس خش على اتحاد الفيفا وانت تعرف من هو بطل القرن العشرين للقارة السمراء

وكمان اللى اتنشرت ولو انت متابع الاخبار كنت عرفت

والزمالك هو اللى متفوق ب3 نقاط وليس الاهلى

[| Tears Of The Moon ●]

ما تصلى على النبى فى قلبك بقــى
وفكك من الزمالك ده بقــى
انت عاوز تقارن ايه بإيه
يا عم ما تحاولش
اللى حصل حصل وخلاص
وبعدين عاوز تقنعنى ان فى بطل قرن يحصله اللى بيحصل للزمالك دلوقتى

[| please smile ●]

يابرنس طب ما الاهلى حصل لة نفس حالة الانهيار دى ولا لأ؟

وانا قولتها قبل كدة لكل جواد كبوة

[I'm Alive]

أزاى وأنت كاتب أن الاهلى متفوق على الزمالك ب3 نقاط 40 للأهلى و37 للزمالك فهمنى دى الاهلى هو الى متفوق يبقا أزاى الزمالك هو بطل القرن

[Messi]

بص يا تايجر انا دخلت الموضوع ده اكتر من 10 مرات وكل مره اكون عاوز ارد بس احس انى ردى هيزعلك اه والله فبسكت
بس انا مش قادر الحقيقه
نخش ع الرد اللى ان شاء الله مش هيزعلك
اولا حضرتك شكلك زمالكاوى شكلا ومضمونا
ثانياحضرتك شكلك ناقل الموضوع من موقع زمالك فانس او زمالك تى فى او موقع تانى من المواقع الفكسانه بتاعت الزمالك اوى من ع النت والمشكله انه فيه غلطه هتعرفها فى اخر الرد
ثالثا حضرتك مش معقول هيكون الزمالك بطل القرن الحقيقى والاتحاد الافريقى هيديها للاهلى وللا ممكن يكون مثلا الاتحاد الافريقى اهلاوى؟!
رابعا مش معقول برضو ان كل الاعلامين اهلاويه اللا فتحى سند اكيد فى مثلا عمرو اديب او محمود معروف يعنى اكيد الكلام ده لو صح هم مش هيسكتوا
خامسا الاخوه الزمالكاويه جاين بعد 8 سنين من اختيار الاهلى بطل القرن وهم يقول على نفسهم ابطال القرن؟
حته غباء يعنى وللا هم مثلا عاوزين يداروا على خيبتهم وبيتكلموا فى اى حاجه؟

سادسا الحاجه اللى هتجننى بقى فى موضوعك بجد حاجه غريبه جدا والله وانا مرديتش ارد عليها فى اول الرد
انا مش فاهم انت ناقل الموضوع ازاى يعنى مش فاهم والله يعنى انت بتقول ان الاهلى متفوق ع الزمالك
والعنوان والردود غير كده

[Wezooo(•'.'•)]

ايون بيقوله كده يمكن

[| please smile ●]

بصوا انت شكلوا كلكوا اهلوية وانا الوحيد الزملكاوى

مفيش حد زملكاوى يا اخوانا؟

فين لولا مش زملكاوية تشوف اللى بيحصل دة

[Spider GirL(•'.'•)]

هههههههههههههه
اهدى يت تايجر
انا هنا زمالكاوية جدا وبحب الزمالك اكتر من اى حد والكل هنا يعرف كدة
لكن خلينا منطقين الأهلى الافضل وانا معاك ان لكل جواد كبوة وربنا معانا عشان لو الزمالك استمر كدة هييجلى اكتئاب ومش هعرف اتعالج بصراحة

الزمالك مش هيفيده اننا نغير الحقيقة وننسبها لنفسنا
الزمالك محتاج تغيير عشان يرجع كويس تانى واحنا لازم يكون عندنا شجاعة ونعترف ان الأاهلى الأفضل
شكرا تايجر ع موضوعك