يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا

[Karmouty]

السلام عليكم ورحمة الله وبركاتة

اوباااااااااااااااااااااا ااااا

فعلا والله مشكة اية لذيذة الاعلام عملها

بصوا بقى الجزائر واحنا والله العظيم مسلمين بنصلى لقبلة واحدة وبنصوم مع بعض وصدقونى فى منهم ناس هتحج مع مصريين منا فى مكان واحد اسمة جبل عرفات كمان تسعة ايام إن شاء الله

وكلنا هنكبر للعيد سوا باذن الله

شوفتوا الاسلام علشان يقوى مننا عمل اية قوى العزيمة عندنا اجبرنا نتحد فى حاجات معينة سبحان الله وكان ربنا بيقول لنا مهما اتفرقتوا وابتعدتوا لازم اجمعكم على كلمة لا اله الا الله محمد رسول الله صلى الله علية وسلم

فى تركيا كان فى خلاف سياسى بينهم وبين دولة تانية تتوقعوا ان تركيا بلد الغرب تستنى الوفد بتاع الدولة دى فى المطار بالورود ويقدروا انهم يحلوا مشكلة سياسية فى ماتش كورة

ايوة تركيا اللى فيها مشاكل قد العرب كلهم

احنا بقى الكورة بتفرقنا

ودة لية بسبب الاعلام مع احترامى للاعلاميين المحترمين

عمر اديب مش سب فى المنتخب ليلة ماتش امريكا وقال اللى قالة وليلة حمراء ولعيبة سورى يعنى مش طاهرين وقالها باللفظ الوحش

مش سب حسن شحاتة وابو تريكة الى بيدافع عنة دلوقتى

احمد شوبير وعلاء صادق مش كانوا بيقولوا على كابتن حسن شحاتة كابتن اتصالات علشان اعلان اتصالات اللى كان بيعملة

وكانوا بيطلبوا تغييرة

المهم يعنى ارجوكم بلاش نسمع كلام الاعلام نصة كدب والفيديوهات بتتفبرك وكلنا عارفين

انا كنت بكلم واحد من تونس قالى نفس الكليبات الى عندكم عندنا بس ان انتوا اللى بتضربوا الجزائريين يبقى الغلط فين

لية الكليبات دى تتنشرا اصلا سبق اعلامى لا دة فساد اعلامى لما تقوم شعبين على بعض

واكيد الاعلام عندهم بالمثل

واخيرا وليس اخر يقدر حد من اللى عمالين يهيصوا يقولى اهالى اللى ماتوا فى عبار السلام فين دلوقتى خلاص كدة بح يعنى نستوهم هما كدة يعنى اخدوا حقهم

القطار اللى اتحرق الاعلام نسية تانى يوم على طول حد فينا يعرف اية الجديد ولا اى حاجة

انا مش جبت حاجات من برة مصر كلة من جوا بس

بلاش نجيب ازاى الاعلام بيزوق لينا صورة برة كمان ويسواها لاغراض شخصية

واخير هختم واقول نتاكد بنفسنا وصدقونى انا مصرى ومتعصب بس مش عجبنى اللى الاعلام بيعملة

ولو كان اللى اتعمل فى المصريين دة فعلا صح فدة من شرذمة فى الجزائر مش من الشعب كلة ومش نكرة الشعب كلة بسببهم ولا هنحارب ولا نشتم ونسب لا نتعامل بعقلانية شوية

وبردة نقول يارب رجع لينا اهلنا سالمين يارب

واختم كلامى بخير كلام

قال تعالى {{ يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَدِمِينَ }}

[!..!]

إحنا مش همج ومتخلفين علشان اي حاجه نصدقها

الناس اللي رجعوا النهاردة من السودان كانوا متبهدلين

ومسروقين ومضروبين وكرامتهم إتهانت ..

وده مش فبركه ولا حاجه

ما إحنا فوزنا عندنا هنا في مصر .. ضربنا وأهانا حد ؟

بالرغم إن في ناس كانت ممكن تقوم بالواجب وزياده

بس إحنا أحسن وأكرم منهم

وأغلب الجزائريين بيكرهونا من زمان

من قبل ماتش كورة

كإننا قاتلين ولادهم !

بس لحد مصر وأهلنا لأ .. كفاية كدا

حسبنا الله ونعم الوكيل

[Wezooo(•'.'•)]

بعد كل الكلام بتاعك انا معاك
بس انا من قبل الماتش ومن زمان جداااااااااا
وانا مش بحب الجزائريين دى ومعهم كام بلد كده
يعنى مش بحس فيهم الرجوله ولا حتى الاخلاق دول علام زباله
الاحتلال ضيعهم ونساهم دينهم
بس اللى حصل اكيد صح اصل هما عملوا اكتر من كده فى المصريين اللى عيشين فى الجزائر وتقولى عرب
والله انا مكسوف ليهم

[Karmouty]

@وهم صدقينى جوز عمتى كان هناك ولسة مش شفتة بس بيقولوا رجع سليم تماما

@ويزو نفس الرد ههههه