والله خــربــوهــــــــــــا
خروبها
الأوله آه
والتانية … آه
والتالتة ... مفيش
معنديش
نفسي أقول آه
معنديش
قالوا إقلعوا
قلعنا
ومفيش بتعكوا
وبتاعنا
وصار متاعهم .. متاعنا
وألف مرة إتلسعنا
و برضك مفيش
الأوله …آه
والتانية .. آه
والتالتة ... مفيش
قالو إبصموا
بصمنا
ده بكرة سكر
وسمنا
سيبنا غيرنا رسمنا
إتقسمنا
على اد ما فينا من جراح
ابتسمنا
الأولة .. والتانية .. والتالتة
مفيش
الدنيا ...هاصت .. وهيصنا
ريحنا لما .. تيسنا
تاه الطريق من اتوبيسنا
يئسنا
لا عرفنا ليه قلعنا
ولا عرفنا
إيه لبسنا
الأوله والتانية والتالتة مفيش
واهى ماشية تجرى المسائل
ولا حد سائل
تصحى مرسي
ينام وائل
ده انا كنت واد م الأوائل
وكنت شاطر شطارة
وكنت فن .. وعمارة
وكنت صاحب تجارة
معرفش إيه اللى صابنى
فى قلبى ضاعت سمارة
خربوها
خربوها ولاد القطقوطة
لا طرحت باميه ... ولا قوطه
وسابوها فى سرير مربوطه
و يا ريتهم طلعم رجاله
و يا ريتها رايقه .. ومبسوطه
خربوها
دول سرقوا الهوا ... والضى
ويا عينى ... عليها بلد
يا ريتها ما قالت أى
ويا ريتها ما جابت ولد
خربوها
دول سرقوا النخلتين .. والنهر
والمدرسة
والهندسة .. والجبر
سرقوا الشوارع ... والمعانى
والأغانى
وسيد درويش .. والريحانى
سرقوا المشاعر .. والمزاهر
والبخور
سرقوا الحزن
سرقوا حتى القبور
خربوها
دول سرقوا الطيب .. والزين
وسرقوا …الكحل من العين
وسابوها تاكل بالدين
وان يوم أتعدلت
عوجوها
خربوها ولاد ال .....
على سلامة
رد: والله خــربــوهــــــــــــا
هنفضل لإمتى نندب حالنا ؟
مرسي ووائل وإحنا هنفوق إمتى ؟؟
أغلب الناس في حالة من التبلُد والتواكل
وفي الآخر يقولوا هنعمل إيه يعني ؟؟
لنا الله !!
ماشي أكيد مالناش غير ربنا وبعدين إحنا فين بئا ؟؟
ويبقى الوضع على ما هو عليه .......
شكراً يا ياسو على إختيارك
.
رد: والله خــربــوهــــــــــــا
جميله اوى يا ياسو وبجد بتعبر غن كتير من الشعب
مش عارفه وانا بأقراها حسيته
زى اسلوب جاهين....
اسلوب بسيط...وبيعبر عن اللى جواه بكلام بسيط وجميل والكل يفهمه
تسلملى ايدكى يا قمر@};-@};-
رد: والله خــربــوهــــــــــــا
شكرا ياياسو على التوبك الجامد ده ونريد المزيد
رد: والله خــربــوهــــــــــــا
ميرسى يا جماعه على مشركتكم الجميله ومروركم الاجمل
وعلى سلامه من اكتر الناس اللى بحبهم بحب اسلوبه وكلامه اوى لانوا دايما بسيط يعنى شبه جاهين
رد: والله خــربــوهــــــــــــا
رد: والله خــربــوهــــــــــــا
مافيش أحلــى من البساطــة
كلام بسيط جدا
قليل جدا
بس معبر جدا
تسلم ايدك يا ياسوو
@};-
رد: والله خــربــوهــــــــــــا
اهو كل حاجة بقت بتتسرق
حتى احنا ي\بقينا بنسرق احلامنا
شكرا ياسو
رد: والله خــربــوهــــــــــــا
ميرسى يا جماعه على مروركم الجميل @};-
