انت اكيد فى مصر

**Esaf Maher** · 21-11-2008 05:20 PM

انت اكيد فى مصر
آه و ألف آه من تلك الجملة... تبقى أنت أكيد فى مصر
لو لقيت من كل بيت خارج مدرس خصوصى .. تبقى أنت أكيد فى مصر
لو لقيت فى بلد سنه سادسة ابتدائى و سنه خامسة ابتدائى!... تبقى أنت أكيد فى مصر
لو لقيت فى كل بيت واحد أو أتنين ماتوا من السرطان ... تبقى أنت أكيد فى مصر
لو رحت التأمين الصحى و إدوك حديد و زرنيخ ... تبقى أنت أكيد فى مصر
لو لقيت فى بلد البحث العلمى فيها تايه و لسه بيحاول يجد العلاقة بينه وبين المجتمع ... تبقى أنت أكيد فى مصر
لو لقيت فى بلد ربع سكانها ساكننين فى عاصمتها ... تبقى أنت أكيد فى مصر
لو لقيت فى بلد تعبيرات مثل "السحابة السودة" و "الشفافية" ... تبقى أنت أكيد فى مصر
لو سمعت جملة "اللى نعرفه أحسن من اللى منعرفوش" ... تبقى أنت أكيد فى مصر
لو رحت "دار الفؤاد" و جاتلك الفاتورة و نعشك فى طريقه "لدار الخلد" ... تبقى أنت أكيد فى مصر
لو رحت تطلع مخالفات عربيتك و لاقتها غير صحيحة لأن بالفعل معندكش عربية ... تبقى أنت أكيد فى مصر
لو لقيت عجوز و عجوزة ماشيين و معاهم سلم خشب لزوم طلوع الرصيف ... تبقى أنت أكيد فى مصر
لو ركبت مترو الأنفاق و ملقتشى هوا و لا تكييف ... تبقى أنت أكيد فى مصر
لو مزنوق و ملقتشى مراحيض عامة ... تبقى أنت أكيد فى مصر
لو مرة لقيت رسوم الزبالة على فاتورة الكهربا و مرة تانية على فاتورة الغاز ... تبقى أنت أكيد فى مصر
لو سمعت بودانك و شفت بعنيك رئيس نادى محترم بيشتم الكل بدون عقاب أو جزاء ... تبقى أنت أكيد فى مصر
لو فتحت التليفزيون و شفت ظرف "البيت بيتك"... تبقى أنت أكيد فى مصر
لو سألت واحد أو واحدة مين الريس فى كل الألفية الثالثة؟! و رد و قال بدون تفكير "مبارك" ... تبقى أنت أكيد فى مصر
لو قرأت الصحف فى 2005 و فى 2016 عن توصيل الكهرباء للعشوائيات و لقيت نفس الكلام "التوصيل عملية مستمرة" ... تبقى أنت أكيد فى مصر
لو قرأت الصحف فى 2005 و فى 2050 و لقيت نفس الكلام "الأصلاح السياسى و الإجتماعى عملية مستمرة" ... تبقى أنت أكيد فى مصرلو عرفت أن فنانة سابقة و زوجة لوزير داخلية سابق عمرها فوق التسعين مرشحة نفسها لمجلس الشعب ... تبقى أنت أكيد فى مصر
لو رحت الباجور منوفية و سألت مين رئيس الجمهورية و ردوا وقالوا كمال الشاذلى ... تبقى أنت أكيد فى مصر
لو رحت تنتخب و معاك بطاقة إنتخابية و ردوا و قالوا إنك متوفى ... تبقى أنت أكيد فى مصر
لو سألت واحد أو واحدة ليه بالعربى هيه إسمها "مصر" و بالخواجاتى هيه إسمها "إيجبت"؟! و رد و قال معرفش! ... تبقى أنت أكيد فى مصر
*مع الإعتذار لـكلمة "مصر" فى تلك المدونة الشعرية فالذنب مش ذنبها و الله العظيم

**Esaf Maher** · 22-11-2008 12:27 AM

*مع الإعتذار لـكلمة "مصر" فى تلك المدونة الشعرية فالذنب مش ذنبها و الله العظيم

**Esaf Maher** · 22-11-2008 01:28 AM

**| سندباد ●** · 22-11-2008 02:16 AM

أنا مش هرد عليك تانى

احنا بكده مش هنحب البلد دى
ولا هنعملها تانى

انت كده قلت 30 مشكلة طب ممكن حلول ليهم بقى ؟؟؟

عشان انا اتخنقت...

**Esaf Maher** · 22-11-2008 09:16 AM

الحل يا سندباد هو الضمير فى قلوب حكام هذه الدوله

**● **TiTaNiC LoVeR** ●** · 22-11-2008 07:28 PM

ملوك الجدعانه ودى حاجه فى طبعم وعشاقهم انا واتمنى حبهم
شربت من نيلها مصر
وقلبى حنلها مصر

مع الشكر الكبير للفنانه نانسى عجرم
وشكرا يا ايساف على موضوعك

**Messi** · 22-11-2008 08:53 PM

يا جماعه اللى مش عاجبه مصر يقدر يسبها ويروح اى مكان تانى
ارض الله واسعه يعنى

وبعدين اى حد بيتكلم عن مصر ولو جيت سالت الحد ده انت عملت ايه لمصر هيتنح

يبقى بلااها كلام بقى وكل واحد عنده حاجه يقدر يعملها يبقى يعملها

شكرا يا مان ع التوبك

**Esaf Maher** · 23-11-2008 11:11 PM

**Messi** · 23-11-2008 11:23 PM

**| Tears Of The Moon ●** · 23-11-2008 11:30 PM

انت ليه بس شايف الجانب الوحش بس
زى ما تتكلم عن الجانب الوحش اتكلم عن جانبك الحلو
اتكلم عن زويل وعن الباو وغيره وغير وغيره اللى مش قادرين ينزلوا بلدهم من احتياج امريكا ليهم
الحاجات دى موجودة فعلا بس معلش
المشكلة مش فينا ولا فى الحكومة
المشكلة فى الحكومة وفينا
افهمها زى ما تفهمها
لو كل واحد بيخاف على اخوه مكانش ده بقــى حالنا
ولو فى سياسة حكيمة مكانش ده بقــى حالنا
بس فى الأول وفى الآخر الحكومة مش هتقدر على 85 مليون علشان الاحتياجات
ولا كل واحد فاتح مشرووع توشكى علشان يعصم اخوه من اللف فى الشوارع
الواحد ماعادش عارف العيب فى مين