اعذرني فانا انثى - موضوع جديد خالص غير القديم

[The Dark Knight]

قد ايه احنا الشباب قابلتنا الجملة دي؟
كام مرة انطلب مننا اننا ندادي و ندلع تحت هذا الشعار
اعذرني فانا انثى
موضوع قريته من فترة
و وجدته في اكثر من منتدى
و ده الملخص المفيد بعد ما اختصرت الكلام اللي ملوش لازمة

قد ايه التوبيك فيه يا عيني حجج و تبريرات لكل افعال البنات اللي تغيظ
و مع ذلك بنفوتها
و كالعادة كل الفتيات اتأثروا قوي بالتوبيك
و الله جميل و محصلش و فعلا بيحس بينا و فعلا مش عارف ايه
مهو لازم يقولوا كده
مهي دي الحجة اللي بيها بياخدوا كل اللي هما عايزينه
البنات عندهم سكتين عشان ياخدوا اللي عايزينه
اما اعذرني فاني انثي ( و دي معاناها دلعني يعني )
و التاني برده اعذرني فاني انثى ( بس المرة دي معناها انها هتقعد تعيط لحد ما تاخد اللي هي عاوزاه )
طيب و هو مفيش خالص اعذريني فاني راجل؟؟؟؟
يعني مفيش مثلا

لما ارجع من الشغل تعبان
و اقول انا داخل انام و مش ضروري كارفور النهاردة
اعذريني فاني رجل

لما الاقيكي طول النهار بتتفرجي على الشيف شيربيني و الشيف حسن
و منفضالي طول النهار
و ارجع بالليل ملاقيش العشاء جاهز و اتنرفز
اعذريني فاني رجل

لما تحصل بينا مشكلة
و تلاقيني قلبي جامد
و لاغي الحنية و اللطافة
و بتعامل بالعقل و بحزم
اعذريني فاني رجل

لما اتنرفز و اتضايق
من مخالفات تنبيهات نبهت عليها قبل كده
اعذريني فاني رجل

لما اغير عليكي
و دمي يفور لما حد يضايقك
اعذريني فاني رجل

لما موافقش على حاجة
و تعمليها من ورايا
و اطربقها بعد كده فوق دماغك
اعذريني فاني رجل

لما ارجع البيت
و الاقيكي مشغلة اغنية شرين اخيرا اتجرأت
و اقفلها و اكسر السي دي و اشغل ابو الليف
اعذريني فاني رجل

و لما و لما و لما و لما و لما
اعذرونا احنا رجالة

و عشان احنا رجالة
بندلع و ندادي و نشيل فوق الراس
و انتوا كمان بتعملوا كده
بتدلعوا و بتدادوا و بتشيلوا في الراس
بس يا بنات حواء
متجيوش على مصلحتكم و تقولوا اعذرونا احنا اناث
و في الحاجات اللي فيها مصلحتنا احنا
و تقولوا لا انتوا مش هتعملوا فيها سي السيد!

موضوع من رجل خايف على صنف الرجالة

[The Dark Knight]

الى شروق الامل
انا عارف ان توبيك اعذرني فانا انثى ده بتاعك
انا مقصدش اي تجريح ليكي او للتوبيك
التوبيك كشعر فهو لذيذ جدا
و مفيش فيه حاجة
و لكن انا بعترض على مبادئ و اساليب حياة
و اتمنى متزعليش من التوبيك ده

[كيوبيد]

ههههههههههههههههههههه
ســـــــــــوري ع الضحكة لو مش ف محلها
..
حبيبي مصطفى..
قد رفعت بقلمك اللذيذ الحرج عن عدد لا نهائي من الرجال والشباب...وأشباه الرجال أيضا..
رفعت عنهم حرج ماكتموه من سنين..
متوقعين..أن كتمانهم لهذه الكلمات سوف تقَابل من الأنثى بالحب والامتنان والشوق...
..
وإن لمست فيكم هذه الكلمات وتراً..
ودمعت عيونكم لها..
فاعذورني
فإني رجل
:ka:

[The Dark Knight]

يا اسلام باشا
الاناث بجد (99% منهم) ينطبق عليهم مقولة المبدع ابو الليف
لما قال
"اللي فاهمهم دماغه تعبانة"
و ده المقصود بيه ان ليهم منطق تاني خالص في التعامل
ميفهموش و لا يقدر يواجهه غير الاناث
و عشان كده لما بتحصل مشكلة و اللي بتكون محركاها ست
مبيقدرش حد يواجهها الا ست زييها !
ده اكيد
اسلوب اعذرني فاني انثى اسلوب متبع من قديم الازل
في رجالة زيي اكيد مفوتاه بمزاجها
انما لما الموضوع يزيد عن حده .. لازم نقف بقى
عشان لما سيبنالهم زمام الامور الدنيا بجد هتتخرب !

و جملة اخيرة
مش معنى اني كاتب التوبيك ده اني بقدم اعذار للرجالة
او اني من الرجالة اللي بيقولوا اعذريني فانا رجل
فلست من الرجال اللذين يرفعون شعار اعذرني فانا رجل
فاذا كنت انا رجل فلا يوجد هناك مجال للاعذار

و المعنى مبيفهموش الا شخصية بتفهم ( ولد او بنت )

[كيوبيد]

ده انت شايل ومعبّي....

[The Dark Knight]

اطلااااااااااااااااااااقا
بس انا مبكرهش في حياتي قد شخصيتين
الاولانية : اللي بيتذاكى عليا
التانية : اللي يعمل عبيط عليا
و منطق اعذرني انا انثى ده بالظبط زي اللي بيعمل عبيط عليا
و يرجعوا يلومونا احنا بعدين على القلب الجامد بحجة اننا مش رومانسيين!
بس خلاص

[كوكى]

على رايك يا اسلام ده انت شايل ومعبى يا درش

[النجوم]

جميل اوي
ممكن نفتح باااااااب النقاااااش
ونفهم من حضرتك بتوضيح اكتر تقصد ايه ؟؟؟؟
وضح المعني في اسئله صريحة
وعلي من يرغب الاجابة عليها
في انتظارك للحواااااااااااار
:mo:

[The Dark Knight]

مش محتاج ابرر سبب التوبيك
و انا رديت على اسلام مرة

فلست من الرجال اللذين يرفعون شعار اعذرني فانا رجل
فاذا كنت انا رجل فلا يوجد هناك مجال للاعذار

منورة يا قمر

[The Dark Knight]