"أعمل نفسك ميت"........................................... .. . ..

[Messi]

أزيكوكلكم

كنت عايز اتكلم فى موضوع كده معاكم


لأنه منتشر جدا اليومين دول


وهوحكايه "أعمل نفسك ميت"

نفسر أكتر
أي حد دلوقتي بقي ممكن يشوف أي حاجه بتحصل قدامه في الشارع تتضايق
يعني مثلا بنت بتتعاكس
أو حادثه وفيها مصابين

يقوم يقولك: "ياعم... كبر دماغك... أنا مالي... أعمل نفسك ميت "


ويمشي ولا كأن فيه أي حاجه ومايفكرش حتي أنه يشوف فيه اي حد محتاج مساعده ولا لأ
والموضوع أنتشر بشكل كبير جدا وبقينا نشوفه كتير
وبعيد عن أنه مش من الرجوله
فده مينفعش اصلا


طب تعالوا اسمعوا القصه دى اللى بجد تخلينا تعرف احنا )اقصد الولاد (اد ايه بقينا باردين ومعندناش دم:

بنت راكبه ميكروباص
اتخانقت مع السواق
السواق وقف العربيه وقام وضربها بالألم علي وشها
أيه اللي مفروض يحصل في الحاله دي
المفروض يعني
أن علي الأقل أوي أوي رجلين تلاته يقفوا جنب البنت ويتصرفوا أي تصرف مع السواق ده
المشكله أن مفيش أي حد عمل أي حاجه
تخيلوا دي
كله قالك: "ياعم... نفض... المهم الواحد يوصل مكان ماهو عايز... هي أختي يعني... بلاش مشاكل... "أعمل نفسك ميت"

طبعا الموضوع ده كان ممكنيكون عادى لو حصل في أمريكا أو في أوروبا
لكن لما تعرف أنه حصل في بلد الجدعنه والمرؤه والشهامه والكلام الهجص ده مصر يبقى نموت احسن.


خدو مثال تاني جه في البيت بيتك اللى بيجى فى التلفزيون:
فريق عمل مسلسل لـ "محمد صبحي"
ماعلينا
المهم كانوا رايحين مكان بالعربيه وعملوا حادثه فى الطريق ومعظمهم اتصاب
بس المره دي فيه ناس وقفوا معاهم
طب فين المشكله؟!!!!!
المشكله أن الناس كانوا عايزين يعدو المصابين الناحيه التانيه للطريق عشان... عشان... "مش فاكر والله"
ماعلينا
المشكله بقي أن العربيات بقت رافضه تقف أو تبطء حتي عشان الناس يعدوا المصابين
تخيلوا شايفين ناس متشاله ع الكتاف ومتصابه وبتموت ومش راضين يبطأوا عشان يعدوهم
وكل واحد يقولك: ياعم... أنا لسه هأقف ولا أبطء... أنا مستعجل... أعمل نفسك ميت"


بجدالموضوع بقى يخنق
والواحد بامانه بداء يكره الناس من البرود اللى بقى عندنها

فياريت نلحق نفسنا قبل ماواحد مننا يحصله حاجه "بعد الشر" ومايلاقيش حد يساعده
وكله يعمل نفسه ميت


مستنى كلامكم ومحدش يعمل نفسه ميت

[Spider GirL(•'.'•)]

والله يا احمد الموضوع دة انتشر جدا فى الفترة الاخيرة
ماتفهمش الناس مالها

اتغيرت جدا
حالة لا مبالاة غير طبيعية

[| Nadooosh ●]

no comment

[● Snow White ●]

اول وحد عمل نفسه ميت

[● Snow White ●]

السلام عليكم ورحمة الله

الموضوع فعلا كبير لأن ده معناه ان صفاتنا و مميزات شخصيتنا الشرقيه فى تلاشى يعنى مش بنكتسب صفات من الغرب لا أحنا بنستبدل صفاتنا و اهم المميزات التى تميز شخصية الراجل الشرقى ياريتنا كنا بناخد صفات غربيه نضيفها مش نكتسب قلة الدم و النخوة و الرجوله و نرمى الحجات إللى بتباها بيها
شكرا يا أحمد على طرح الموضوع

[Messi]

شكرااااااااااااااااااااا يا اسبايدر على مرورك وتعليقك
شكرااااااااا ليكىيا اسنو وايت ع التعليق
شكرااااااااااااااااااا يا منتوسه يارب الموضوع يكون عجبك

[| سندباد ●]

والله يا أحمد اللى أنا شايفه ان ده غضب من ربنا

جعل الناس أموات فى ثياب الأحياء
لا يعرفون معنى لعزة أو حتى حياة كريمة
وماتت بقلوبهم النخوة
ولا يسعون الا لأجل ملئ بطونهم أو لسد جوعهم فحسب

يعيشون كأنهم ميتون .... ثم يموتوا دون أن يعيشوا...
!!!!!!!


أما بخصوص حكايتك الأولى انا لسه مش متصور انها تحصل
ولو على الأقل قدامى

أما عن الثانية فأهلها معذورون مع الكراهة ،،،
لأنك تعرف قانون بلدك هيشيلهم الليلة كلها


أشكرك لطرحك الموضوع،،
بس بصراحة انا لس ماسمعتش مسمى
اعمل نفسك ميت........
جايز تكون فى الطريق..

ربنا يعيننا ونفوق من ها الغفلة الملعونة..
اكرر شكرى ليك ميسى ،،،

[Messi]

يا اسنو انا بختلف مع جنابك فى بوينت يعنى نقطه اللى هى ايه بقى ؟
ان احنا اخد الصفه دى من الغرب ده مش صح
الصفه دى اللى هى اعمل نفسك ميت بداءت تدخل علينا عشان الناس مش عاوزه مشاكل
يعنى الواحد بيروح الشغل يلاقى مشاكل يرجع البيت يلاقى مشاكل يفتح التلفزيون يلاقى مشاكل
فبيكبر دماغه بس ماعتقدش انها حاجه دخيله علينا من الغرب

[Messi]

شكرااااااااااااااااا يا سندباد على مرورك وبجد كلامك زى الفل
بس انا برضه بختلف معاك فى حته اللى هى الحكايه التانيه
يعنى ايه انا اشوف واحد بيموت قدامى ومساعدهوش؟!!!!
حتى لو الحكومه هتقول عليا ارهابى يا جدع كفايه ان ربنا معاك وعارف نيتك واكيد هيساعدك

شكراااااااااااا يا معلم مره تانيه

[● Moataz FoKak Meny Shoman ●]

والله يااحمد
انا شايف ان فى ناس عندها ظروف بس الظروف دى برضو ماتخلكش تساعد الناس
اللى عايزين مساعدة
وفى برضو ناس ولا بتساعد ولا بتعمل حاجة دول ناس ماعنددوهش دم ولا احساس
شكراااااااااااااااااا يا ا حمد على الموضوع