كلمات ليها معنى بس ملهاش لازمه

**memaro** · 28-03-2009 01:55 AM

السلام عليكم ورحمة الله وبركاتة
إزيكوا؟
عاملين إيه؟
إيه الأخبار؟
إن شاء الله تكونوا بخير
حبيت أعمل الموضوع دة علشان بصراحة زهقت من العالم اللي إحنا عايشين فيه
أستغفر الله العظيم مزهقتش من الحياة بس زهقت من طريقة الحياة
طبعاً شوفتوا في أول الموضوع فضلت أسأل
إزيكوا؟
عاملين إيه؟
إيه الأخبار؟
وفي كلمات من النوع دة كتير عندك مثلا
كيف الحال؟
How are you?
How do you do?
Comment vas-tu؟
Come stai؟
Nasılsın؟
Как дела؟
¿Cómo estás
Wie geht es dir؟
وفي بلغات تانية وبطرق تانية متعدش
نفسي ألاقي سبب عشان نقول الكلام دة في أي بلد وبأي لغة أنا بصراحة لما حد بيسألني عامل إيه ولا إزيك ولا كيف الحال وكدة بصراحة بشعر بالإشمئزاز وبضايق لدرجة إني بتخانق مع إصحابي لما بيقولولي الكلام دة زهقت ملقيتش ليه معني عندك مثلاً لما حد يقولك عامل إيه ولا إزيك هتقولة إيه؟
طبعاً هتقولة كويس الحمد لله حتي لو مكانش حالك خير في ناس هتقول المفروض نحمد ربنا علطول
ونعم بالله المفروض نحمد ربنا ونشكرة علي كل حاجة بس هو مش المفروض الواحد يحمد ربنا مع نفسة بصراحة أنا حاسس إن قليليين جداً والله أعلم اللي بيحمدو ربنا دلوقتي والناس بقت تقول جملة كويسين الحمد لله رد بس مش الحمد لله من القلب يبقي كدة إحنا بعدنا عن ديننا وأنا بصراحة مش لاقي ليها أي لزمة لأنها بتضيع الوقت وبتخللي الناس حتي لما تقول إنها مش كويسة متقولش الحمد لله وأنا بتكلم علي اللي بشوفة الله أعلم بقي أكيد يعني في حد بيحمد ربنا من قلبة إحنا كمسلمين إتعدينا المليار نسمة واكلمة دي بتدخلك في موضوعات بصراحة بتضيع الوقت ودة اللي بيسموه الجهلة فضفضة ياتري لو كل واحد سأل التاني إزيك وقالة مش حلو وفضل يفضفض معاه الحياة هتشتغل؟
عن نفسي معتقدش ((علي فكرة أنا مبقللش من قيمة الدكاترة النفسيين دول دكاترة بيأدوا واجبهم وعلي راسنا من فوق بس أنا عن نفسي مش بحس إني عايز أتكلم مع حد (((غير ربنا))) هو اللي هيحللنا المشاكل وهو اللي نتكلم معاه بجد لكن لما تحكيها لإنسان زيك هتفضل تتكلم وتضيع وقتك الحياة مش هتشتغل وكل واحد يتفلسف زي الإنجليز كنا بناخد في الجرامر بتاع الإنجليزي إن كلمة
How are you? بتتقال لما يكون اللي بتكلمة صاحبك مثلاً أو كدة و How do you do? بتتقال لما تكون بتقابل حد للمرة الأولي !!!!!! بالله عليكم مش حاجة تضحك ؟
:icon-mos:
أنا بصراحة مش قادر أكمل الموضوع هبقي أكملة بعدين بس ياريت كلة يحط رأية مش حكاية تقييم وبس ولو في فكرة غلط في الموضوع قولولي إيه الغلط وأنا هتقبلة
والسلام عليكم ورحمة الله وبركاتة

**النجوم** · 30-03-2009 01:05 PM

انا شايفة انك مبالغ شوية في موضوعك
يمكن لما كتبت الموضوع ده كنت مضايق شوية فعبرت عن ذللك بالكتابة او بمعني اخر
فضفضة مع القلم والكتابة
بس انا شايفة الدنيا ابسط من كده
وانت في ايدك السعاده والشقاء حتي مع الفقر ممكن تكون سعيد
وكمان كلمة عامل ايه ؟ الحمد لله
المفروض الحمد لله بتكون علي السراء والضراء
ويكفي انك تحمد الله علي انك لسه علي قيد الحياة مثلا
ولو نظرت الي الاقل منك (في الصحة مثلا ) ستقول لوحدك الحمد لله
اتمني ان تتقبل مروري
وكمان فضفض كل ما تكون مضايق اكيد حتلاقي حد يسمعك
شكرررررررررررررررررررا