ازي احبك يا بلدي وانتي كرهاني

[MeEeGoOoO(•'.'•)]

ازاى احبك يا بلد وانت مش حبانى
ازاى اعيش واموت واندفن فى ارض رفضانى
بنام وأحلم ببكرة الأقي بكرة زود أحزاني
أة يا بلد لو بإيدي كنت أهدك وابنيكى من تانى
بيقولك تعديل دستوري إحنا عايزين تعديل إنساني
كل إنجازات البلد أنفاق وكباري
بلد بتموت و شعب فى حالة سكوت وكانها لعبة اتارى
من كتر الظلم والضلمة بقول ياريت ايام الملك والانجليز ترجع تانى
أة يا بلد مليت بحبك الدفاتر مع العلم أنك قتلاني
مين اللي قال أن عبارة السلام غرقت
ومين اللي قال أن ممدوح إسماعيل قاتل وجاني
اللي غرقت مصر واللي غرق ما بيطلعش حى تانى
هو يطلع من صالة كبار الزوار وأنا اتحبس
في سجن االمطار واتعرض علي البحث الجنائي
انا اللي من صغري أخترتك سكتي أتريها سكة أحزاني
أنا اللي من صغري أخترتك كلمتي ألاقيكي مقيداني
أه يا بلد نفسي قبل ما أموت الاقي زمانك وزمانى
إتغربت أكتر من سبع سنين ورجعت لاقيت الغربة هنا شكل تانى

بلد بتعاني بكل المعاني بكياني وانا املى احس بكيانى
عشرين سنة مخلص محبوس بين جدران دكاني
نفسي أعيش من غير ما أنافق السلطان والسلطاني
نفسي أعيش من غير ما أنافق ولا حتي أبويا اللي رباني
بكرة نتحاسبو علي السكوت وعلي العيشة العميانى
إبني مكملش سنتين نايم جنب مني
بيشد في شعري ويحط صبعة في وداني
ويضربني بالقلم ولسان حالة بيقول لية يابا خلفت تاني
وأنا في سري بأقول ياريتك يا أحمد يابني ياباني إبن ياباني
مع إن وجودك في الدنيا عمل فيا وخلاني
أحب البلد أكتر وأهد جدران دكانى
شيخ الازهر بيقول المعارضة حرام وانا نفسى
اعرف اية الحلال فى بلد المليون حرامى
وحياة عمتك البيضة وكاكولاتك البدنجانى
قولنا ريك بالمرة فى التعذيب فى السجون
والغش والنهب والتز وير فى الانتخابات والمعونة الامريكانى

[امير القلوب]

[Miss Cute]

جميله شكرااا

[ELwAd ELsHa2Y]

جامدة اوى
تسلم الايادى

[NHP]

thanks memo

[| لولا ●]

كلااااااااااااااااااااااا اااام جميل جدااااااااااااااااااا تسلم ايدك ميموووووووووووووو

[MeEeGoOoO(•'.'•)]

نورتوا التوبيك ياجماعه وشكرا لمروركم

[MeEeGoOoO(•'.'•)]

شكرااا لمرورك لولا ونورتى المووضووووووع

[| Tears Of The Moon ●]

تسلم يا محمد
جامد جدا

[مـيــلانـــو]

وهى ناقصة كمان ؟


-------------------

عن نفسى كرهتها خلاص

بس بحس ان فى حاجة بتشدنى ليها