مش البنات بس اللى هيكتبوا فالمنتدى ده

**sheriwolf** · 01-09-2007 07:16 PM

مساء العسل
طبعا فى ناس كتير هتستغرب مين الواد اللى كاتب فمنتدى الاطباق.
الحقيقه يا جماعه انا مش جاى اعمل طبق...لا...انا جاى اعمل ماااااج...(الكوبايه امو ودن دى) عارفنها طبعا.
بتحبوا الكابتشينو....اكيييد...بتحبو� � بكريمه زياده....الرغوه ...اللى بتعمل شنبه.
انا عارف ان فى ناس لحد انهارده مبتشربش كابتشينو...او بتشربه لما بتقعد على كافيه بس.
لكن افرض طلع فدماغك تعمله بليل عشان تمخمخ وانت قاعد بتكتب على منتدى فكك منى الزيز ده.
ايه الحل؟!!!
واحد هيقول بسيطه...انزل اشترى باكيت كابتشينو من عند السوبر ماركت ب1.5 جنيه.
هقوله..افرض وقعت وانت نازل رقبتك اتكسرت...هتبقى خساره كبيره...مش تفرح اوى..
انت فداهيه...المهم انك مش هتكون كملت الموضوع اللى بتكتبه على منتدى فكك منى اللزيز ده.
عشان كده انا هقولكم ازاى تعملوه بسهوله..
عارفين النسكافيه العادى..اللى محطوط عندكم فالبرطمان فالنمليه ده..طبعا عارفينه
الماج اياه ابو ودان...طبعا عارفينة.
السكر الابيض اللى بيطلع من القصب...طبعا عارفينه.
اللبن..اللى بنجيبه من الجاموسه...طبعا عارفينه.
1- تجيب الماااج
2- تحط فيه معلقه كبيره نسكافيه
3- تحط عليه 4 معالق سكر من الصغيرين دول.
4-تحط عليهم 4 معالق مايه من الصغرين دول
5- تفضل تقلب بالمعلقه لما ايدك توجعك كده..وتلاقى الخليط بقه عامل زى الكريم بالظبط..
6- تسخن اللبن لحد ما يفور.
7- تصب اللبن فالمج بشووووووويش...واوعى تصبه بسرعه..عشان الرغوه تزيييد.
8- تقلب براحه برده..وتدوق..وتزود قبه سكر زى منت عايزه..انا عمتا بعد ما بخلص بحط عليه كمان معلقتين سكر..لانى بحبه مسكر اوى.
خلاااص كده...
لا طبعا...هقولك متنساااااااش يا بنى ادم تكمل الموضوع اللى كنت بتكتبه على
(((منتدى فكك منى اللزيز ده))))
ملحوظه:
اى بنى ادم بيشرب كابتشينو من النوع التانى بتاع احمد حلمى

....يبقى يقولى ..
وانا هبلغ عنه على طول

**| **Alyaa** ●** · 01-09-2007 07:56 PM

ههههههههههههههههههه
4 معالق سكر مش كتير شويتين
بس على العموم ميرسى يا شريف
وبالهنا والشفا 4 معالق سكر

**| **Silent Guardian** ●** · 01-09-2007 08:07 PM

ههههههههه
حلوة قوي الفكرة دي يا شريف
بس انا بقى عايز منك حاجة تانية خالص
ده انا عايزك تبلغلي عن اي حد بيشرب الكابيتشينو غير بتاع احمد حلمي عشان نبلغ عنه

**ERIKA** · 01-09-2007 08:21 PM

هههههههههههههههههه حلوه فكره الكابتشيتو دى اوى ميرسى ياباشمهندس شريف على المواضيع اللى دايما مميزه دى

**sheriwolf** · 01-09-2007 08:22 PM

ميرسى يا علياء......واه يا بنتى....بشربه ب6 معالق سكر
اماال انا دمى خفيف كده ازاى...من كتر السكر.
ويا ماجيشن....على رايك....بقت كل الناس بتشرب كابتشينو ..على الريق...عشان تعمل احلى اصطباحه..
والله يخرب بيت وزاره الداخليه بتاعتنا...اللى خلت تمن حشيش وسجاره بانجو لكل مواطن

**● **همسة** ●** · 02-09-2007 01:58 AM

جاااااااااااااااااااااااا امد من يومك يا بشمهندس
ايه اللذاذه دى كلها
فعلا موضوع مميز ودمه خفيف زى دمك كده تمام
ونورت بمشاركتك قسم اطباق جامعتنا
منتظرين المزيد