تموره بلا همزات!!!!!

قبل ما اجيب الفيديو انا عارفه ان

فى ناس كتير هتعترض

من منطلق حبهم لتامر ...

بس باتمنى يسمعو كويس لصحفى كبير

زى احمد المسلمانى وبرنامجه

من احسن البرامج

بجد مهزله بجد....الصحافه ليها ناسها

وكمان لو موهوب وجايب حاجه مبدعه

وحاجات اخر حاجه

وهيضيف مش هنتكلم.....يلا اسيبكم مع

الاستاذ احمد المسلمانى:-b

اذا لم يعمل مع هذا الفيديو فانت تحتاج الى Adobe Flash Player
حمل أحدث نسخة من هنا
http://get.adobe.com/flashplayer/

استفزتنى حتته ان البيوت بتتهدم بسببه

ولا التحذير اللى ع الشريط

فى حاجات تغيظ بردو(:|

هههههههههههههههههههههه
برغم انى مش حابه النقد الشديد من المسلمانى ع تامر
بس فعلا تامر غلط غلطه كبير اوى والاهرام غلطانه اكتر من تامر كمان
وبصراحه يستاهل كل حاجه وليها ناسها اللى فاهمين فيها
انا مش عارفه هو تامر ممثل ولا مغنى ولا مؤلف ولا ملحن ولا صحفى ولا هو بتاع كله

الأهرام أخطأ .. ومن إمتى كان صح ؟

وبعدين المصلح الإجتماعي أفلامه كلها خارجه عن الأدب يبقى مش هيكون بلا همزات ؟!

وكلمة أخيرة .. إحنا مش ضده كإنسان بس ضد اللي بيقدمه من تفاهات

وفي النهاية

(يُحشر المرء مع من يُحب )

عندك حق هو ايه بالظبط:-":-"

منوره يا قمر:)

من ناحيه الالفاظ اللى فى الافلام اه صح

وفى الاخر يحشر المرء مع من يحب يارب حببنا فى القدوه الحسنه لينا رسولنا الكريم لنحشر معه

منوره يا قمر التوبيك

ههههههههههه
شفتها لايف
وكنت بموت على نفسي
بس مدايق من طريقه المسلماني الشديده وخاصه تيمو دي
وطريقتو الهاديه الجباره
الدنيا فيها كل حاجه
ومبقاش ينفع نمنع
بس بادينا منسمعش منشوفش منتفرجش

منور يا مصطفى بس هو تحس بما انه صحفى كبير انه مفقوع شويه

عشان كده تحسه جاى او ى عليه

احب اقولك يامنار ان طبعا العيب مش على تامر
العيب على الاهرام ازاى سرح كبير زى ده يسمح اصلا ان حد يكتب مضمون اغنيه كده ولك الشهره هى السبب عشان الوسايط والكوسه طبعا
والناس كانت مبسوطه اوى بالمقاله دى بس المسلمانى راجل فاهم قواعد نحويه ولغويه وعارف كون ان انت تكتب فى جريده لازم تبقى مؤهل كان ممكن تامر يكتب ةوحد يبيضله الموضوع صح لكن اهو اللى حصل
ثانكس ياميرو

بردو فى غلط كبير ع الاهرام ع الاقل حد يراجع المقال قبل ما يتكتب

منور يا محمد@};-

والله انا شايف ان حضرتك ظريف جدا وتافه جدا
ممكن يكون عندك حق فى ان تامر غلط انه كتب مقالة فى الأهرام من غير همزات زى ما بتقول ولخبط فى القواعد
بس برضو ان مش شايف انه أقل من انه انسان علشان ما يكتبش مقال يوضح فيه فكرة أغنية
ممكن فعلا الأغنية تكون عملت زى ماهو بيحكـى ويقول ان الزوجة سمعتها وحست باحساس الأغنية
وده شئ وارد مش حاجة صعبــة
كمان شايف ان حضرتك تافه وظريف فى انك تقول من نجيب محفوظ لتمورة
لأن مش أى حد بيكتب مقال لازم يكون نجيب محفوظ
بدليل ان واحد زيك قاعد فى مكانك
والراجل ما غلطش ان ممكن تكون فعلا واحدة عيطت لما سمعت الأغنية
الأغنية أثرت فى ناس كتيرة انا اعرفهم
والحياة مش كلها ابن خلدون
وأحب أعرفك ان اى حاجة فى الدنيا ملحمـة
بس فى فرق بين جانب عاطفـى وجانب سياسى وجانب فنى يا عم الخفيف
الناس بقت كافرة ولا سودا من جوة انا مش عارف
كأن مافيش مشاعر خالص
هاتلى واحد فى الدنيا دى ما بيتأثرش بأغنية لأى حد
ايا كان الحد ده
وخصوصا قرار مصيرى زى ده
انها تتجوز جواز تقليدى وقلبها مع حد تانـى

فى زمن الرويبضة-حيث يخرج التافه يتحدث فى امور العامة-
لا تعجب من أن تنشر الاهرام مقالة لتيمو
سواء بهمزات او بدون
فعندما يطل علينا تيمو بمقاله الصحفى -الركيك ضعيف الاسلوب- فى واحدة من اكبر الجرائد المصرية
لتحقق نسبة مبيعات كبيرة من جراء شراء محبى تيمو الجريدة
اعجاباً بتمورة الصحفى الكبييير
الذى اتى بسيف المسيح ليتحدث عن العائلة و مسئولياتها
لا عليك حينئذ الا أن تترحم على صحافة هذا البلد
و لكن فيما العجب؟!!!!!!
الاهرام ف الفترة الاخيرة هى اسوأ الجرائد
و البعض يتذكر واقعة سرقة مقال كامل من جريدة الشرق الاوسط
و لكن سأقول
اذا وسد الامر لغير اهله فانتظر الساعة


و ايضاً:
لو كل كلب عوى القمته حجرا...لاصبح الصخر مثقال بدينار


ولا عزاء للحبسجى

بلا نيلة
يعنى هى جت عليه
كان حلمى اشتغل فى الأهرام (يلا ماعلينا )
أزاى يعنى دة
الأهرام فقعت لى مراراتى أساسا الجريدة عاملة مساحات أعلانات فوق الطبيعية بمراحل بجد عبارة عن جريدة للأعلانات وطبعا مقال تامر جزء من الأعلانات
وبعدين مش ملاحظة ان تامر او اى حد غيره من المغنيين دول أساسا بيقدم حاجة مفيدة عشان يكتب مقال يتكلم فيه عن مشاكلنا
يعرفوا هما اية أصلا عننا



والله ضحكتنى اوى المعجبة اللى عيطت دى بجد حساسة اوى ( بس جوزها الى غلطان انه سمح لها من الأول تسمع تامر دة ) منتهى التفاهه

تامر بيتكب فى جريدة قومية
تامر اللى كل كليبات مقرفة
وكلمات افلامه وقحة
نستنى لما نشوف المقال الجاى اكيد هيضيف لينا مجموعة منتقاه من الكلمات الساذجة الوقحة زى ماعودنا دايما مع مزيد طبعا من التحرر من قيود اللغة العربية ماهو متعود انه دايما متحرر من كل حاجة كويسة اشمعنا دى اللى هيظبطها
بكرة ان شاء الله هنلاقى لغة جديدة من غير قواعد اوصلا لمتعدد المواهب تموووووورا


كلمة أخيرة بعد أذنك يا منار ..لأحمد جمال
حبه زى ما انت عاوز بس خلى حدود لحبك دة مش حياتك
ومش معنى انك بتحبه انك تفقد حياديتك وتأيد انه يكون صحفى وتعجب بكلامه رغم ان دة حرية شخصية

لكن مش من حقك بكل المقاييس تستهزأ بإنسان محترم بيأقدم برنامج محترم وراقى بينشر حقائق بيحب بلده عشان كدة عايز يشوفها أجمل بلد فبيهاجم كل مساؤها
الأستاذ احمد المسلمانى من أفضل وأشرف الصحافيين فى الأعلام

بجد لا اشكركم يا جماعه لمشاركتكم بالرأى

ومحبه المغنى او المطرب دى حريه شخصيه

عادى لكل الناس بس لكل مجال مجاله

وانا عندى رأى الصحافه ليها ناسها بجد

منور احمد وخيرى وامانى شكرا ليكو اوى ولأرائكو وان كانت مختلفه

انا كنت داخلة اكتب التوبيك ددة

طب كويس انى لقيتة ومحطيتوش مكرر

وانا من رايى ان ممكن واحد ينجح فى كذا مجال بس بردة بلاش تاخدة الجلالة ويتغر ويسرح قوى فى المجالات براحتة

واذا كان تامر عايز يوصل رسالة او يدى تنبية فا كان يقولة على لسان محرر صحفى اهو على الاقل هيكون ملتزم بالقواعد الاساسية لكتابة اى مقال

ودى طبعا غلطة الاهرام كان على الاقل المفروض يعملوا مراجعة على المقال وينزلوة بطريقة افضل من كدة

وعامة الف شكر يا عم تامر على التنبية

وزى مانت قلت اى حد سواء هيفكر بقلبة ولا عقلة كدة او كدة هو خسران

بلا نيلة

انا ولا بحب تامر
ولا بحب اللي بيحبوا تامر
و لا بحب اللي بيدافعوا عن تامر
و لا بحب اي حد بيربط تامر حسني باي حاجة ليها لازمة
لانه من الاخر عيل تافه
و اللي بيحبوا اتفه منه
و اللي بيدافعوا عنه اتفه من التفاهة نفسها
و فوقوا بقى
و مفيش واحد قابلته من معجبين تامر (الطمبوريين) طلع عدل
ولاد او بنات :)
كلهم طلعوا طمبوريين فعلا ....
حاولت اعمل بينهم استثنائات بس محصلش :)
بلا تامر بلا ني#ة
و دي مش بلا نيلة

نقطة تانية
في ناس بتلوم الاهرام انها مراجعتش المقال؟
بقى ده سبب و النبي؟
اللوم على انها نزلته من الاساس!!
و لان مراجعة المقال و تنزيله يبقى المفروض يتكتب تحته كده
كتابة تامر حسني - مراجعة املائية و نحوية فلان الفلاني!
و بعدين انا مش مستني من واحد مزور اي حاجة حلوة
ولا مستني من معجبين واحد مزور محكوم عليه بسنة سجن حاجة كويسة برده
المرء على دين خليله

ههههههههههههههههههههههههه ههه
والله وعنده حق اصل تامر يعنى زودها على الاخر مش كفايه الاغانى
جاى يعمل فيها نجيب محفوظ
بس بصراحه تامر قال نصيحه جامده اوعى حد مش يعمل بيها:)

طب كويس انك مش كررتيه

منوره يا قمر...الصراحه موضوع يغيظ

ده رأيك يا شومان المشكله مش فى مين بيحبه

كل واحد حر المشكله فى انه بالكوسه بقى بيدخل فى اى حاجه :)

هههههههههههههه

حلوه مراجعه املائيه ونحويه دى:))

يوم ما يكون عايز يكتب ع الاقل مجله فنيه مش فى الاهرام

وزى ما قولت ليك بالوسطه كله بيمشى مش فاهمين اى حاجه فى اى حاجه وعاملين نفسهم فاهمين

منورنى يا شومان

منور يا ويزو....ومش هنعمل بيها:))

الناس قالت كل الكلام اللى كنت هقوله لو كنت رديت
انا مش هزود حاجه وانا فعلا سمعت الاغنيه دى النهارده فى الشغل واتعجبت اوى منها والله لانه بيقول فيها انه فيما معناه يعنى انه لازم تتجوز عن حب وتكون لافف مع البنت اللى هتتجوزها متتجوزش واحده بنت ناس محترمه محبتش ولاد قبل كده لان ده ممكن يعمل مشاكل وتقوم اما تنادى عليك بدل ماتقولك يا سيد تقوم قايله يا حسين مثلا.
وبعدين ايه التحذير الغريب اللى محطوط ع الالبوم ده او على الاغنيه؟يعنى هو هيسمع الناس بشروط؟!

نسيبنا من موضوع تامر واخش على موضوع تانى خالص وهو رد احمد على الموضوع
استعنا على الشقى بالله
عيب ياحمد اما تكلم عن راجل اعلامى من الاعلامين القلائل اوى فى مصر المحترمين ومن الناس اللى انت كنت ببتمنى تشوف زيهم فى موضوع ضل مصر وللا ضل حيطه كده الراجل ده وبشهاده الجميع شخصيه محترمه وبيكلم فى الصح ومش معنى انه ينتقد واحد انك تتكلم عليه كده المفروض ان كل واحد يقول رايه بصراحه والتانى يقبله او يرفضه او يحاول يصحح الوجه الغلط اللى بيتكلم عليها الطرف الاول انما الرد ميكونش كده
شكلى كده حاطك فى دماغىd: O:-)
شكرا يا منار

نصيحه ايه دى بقى يا فيلسوف عصر و اوانك؟:-b
انت عيل خايب

منور برأيك يا احمد.....وبجد محسسنى فى حتته التنبيه اللى ع الشريط دى

انه ايه معدى اوىاوى او كانه زى علبه السجاير لما بيكتبو عليها ضار جدا بالصحه:-":-"

الله يقطعه ويقطع سنينه وسنين الاهرام

هذا المقال من شخص تافه من فضلك لا تحاول قراءه هذا المقال يا ..... تيت يتي تيت تيت

فين رفاعه الطهطاوى وقاسم امين وعلى مبارك --------> وزكى جمعه :)

قال ايه هوا جاب الديب من ديله وعرفنا ان الراجل بعد الجواز حياته بتتغير ويكون قد المسؤليه

ما احنا عارفين الكلام ده من زمااااااااااااااااااااااا اااااااان

ههههههههههههههههههههههه واللى عجبنى ان ساقط املاء هاهاهاهاهاهاهاهاهاها

يلا مبقتش تفرق سينا من صونيا

وحمرا

ما بقتش تفرق سينا من سونيا

جامد يا شرشر:p:p

على عيننا وعلى راسنا
بس اللى يشوفه بيتكلم
كأنه بيتكلم عن خنزير
او بيتكلم عن واحد كافر مثلا
وبعين فى بداية كلامى
قولت ان الراجل غلطان
ما قولتش انه مش غلطان

بس الكل هنا بيكره تامر
وأكيد هتفضلوا تنهشوا فى لحمـه
زى ما حصل بالظبط
والكلام جاى على الطبطاب أوى
والكل عمال
يشبع لطم فى الزفـة

صدق اللى قال
الاحترم حلو
شكرا

ههههههههههههههههههههههههه هههههههه
يا متابعنى انت فى التوبيك اللى قارفنى ده
بس المشكلة مش فى ان يكون فى ناس كدا
لأ المشكلـة فى الكبار المسئولين عن الدولـة ياخدوا بانتقاداته
لأن كلامه ولا هيزود ولا هيأخر
المهم ما علينا
نرجع لكلامك ده
كبيرة اوى كلمة عيب ياحمد لمجرد انى قولت رأيــى فى حد بصرف النظر عن انه محترم او غير محترم
ومع ذلك
ما شوفتكش كاتب رأيك او كاتب عيب لحد من اللى طلعوا عين ام تامر ودخلوا فيه شمال زى مانا عملت كدا
مع انى لما شتمت الراجل مش شتمته علشان هو شتم تامر
لأ علشان تفاهة كلامه لما بيقول ان مقدمة ابن خلدون وان من ننجيب محفوظ لتمورة
صح ولا انا غلطان؟؟
ماهو مش كل اللى يكتب كلام فى جريدة يبقــى يا إما نجيب محفوظ او يكتب مقدمة ابن خلدون
ده غير انى زى ما قولت أى حاجة فى الدنيا ملحمة
فى ملحمة عاطفية وفنية وسياسية
والراجل كتر خيره انه حاول يعطى نصيحة
ويوضح أمر
مع انه مكبر الموضوع اوى برضو
بس كتر خيره
أكيد فهمت وجهــة نظرى

تامر حسني اخره يكتب في مجلة ميكي
و لما اتكلمت على مين اللي بيحبه و مين اللي مبيحبوش
ان تفاهة جمهور تامر حسني , هي اللي عملته نجم
فهو نجم التفاهة و ليس نجم الجيل
جاتهم ستين عفرة

يا جدعان الاستاذ الاعلامى تامر حسنى بقى مش عارف يعمل ايه
فقال انه يجرب حظة
عشان هو عارف ان البلد ماشية بالكوسة
فجرب
وادى النتيجة
واصلا تامر ده اخرة ان يمسح جزم مش اى حاجة تانية
ده راى
وربنا يخلية لمصر :D:d
وانا مع مصطفى ف كلامة

لاء على فكره كلام الراجل ده وغيره وغيره هيقدم ومش هياخر على الاقل بيحلل الاحداث اللى بتحصل فى البلد وبيدنا خلفيه وبيوعينا شويه ازاى بقى كلامه مش هيقدم وللا ياخر؟وقعت منك دى;-)
بص يا حبيبى موضوع انك تقول رايك فى اى حد فده طبعا مش عيب ودى حريه ليك بس المفروض انك تقول وجهة نظرك من غير ماتغلط فى حد خصوصا لو كان حد محترم. انت فاهمنى؟ يعنى قول زى ماتحب بس من غير متقول كلام يتحسب عليك عشان كده انت بتوقع نفسك فى الغلط وكلامك ده مش هيخليك تقدر توضح فكرتك او وجهة نظرك

يا شومان انت راجل كبير وعاقل وكبير منتدى ومن احسن الناس فى الدنيا مشاء الله يعنى;-)
مش المفروض ان دى تكون ردودك فى موضوع زى ده!!!
المفروض انك قدوه لكل الاعضاء اللى اكبر واللى اصغر منك
فرد بحنكه(حلوه حنكه دى)عشان متزعلش حد منك وانت كبيرنا هنا(حته تثبيت اهوه) وكل كلمه بتطلع منك المفروض انها محسوبه عليك

وانت ياض يا معتز اكلم عوج واقف عدل احسنلك/:)

حقه يعمل كده بعد اللى قراه فى الجريدة الحكومية العريقة مؤسسة الاهرام اللى كانت بتنشر اهم المقالات لاهم الادباء
ورسيت على تامر حسنى
التخصص ياجماعة
مش كفاية عليه اللى بيعمله لسه الصحافة كمان

طبعااااااااااااا فيلسوف عصرى يا حبيبى
وبعدين انت تانى
انت لسه برده مش حرمت على العموم
يابنى دى نصيحه تامر يا ذكى

مفهوم يا احمد
بس كالعادة
في حاجة في دماغي
مش كل الناس عارفاها

جاااااااااااااااااااااااا ااااااااااااامد
بجد ملوش حل
تسلم ايدك بجد على المقطع ده
هو ده الكلام

قبل اى شئ الموضوع رائع جدا جدا يا منار تسلم ايدك بجد على الطرح الجميل

انا رأيى وشايف ان الهيافه والتفاهه وقله العقل والدين همه ورا معبودين تامر للاسف

للكلمه الكبيره دى بس دى بقت حقيقه مش ممكن تلاقى حد بيصلى ويعرف ربنا

وبيعشق تامر مستحيل ... لان اللى بيحب قوم حشر معهم وطبعا محدش يعرف ربنا

ممكن يحشر فى النار .. هتقولو وايه عرفك انو هيدخل الناس اقول المسأله واضحه

انسان تافه جدا فى كلامو وافلامو كل اعمالو اسف قله ادب وقله قيمه

على فكره انا مش بهاجمو بس بوضح حقايق واضحه للناس كلها وبرجع اقول

معشوقين تامر مش ممكن يكون فيهم حد واعى او بيصلى او بيعرف ربنا

ومسأله مقالو فى الاهرام فدى مصيبه تانيه هوه كل شئ اساسا غلط فى البلد

فطبيعى ان تامر يكتب فى الاهرام من ضمن المصايب ومن ضمن الغلط

الاسر المصريه للناس اللى هتهاجمنى انا على كلامى على تموره

كانت عايشه بكل حب وادب واخلاق قبل تامر وغيرو وغيرو

اخيرا عاوز اقول حاجه اسف للاطاله .. قلى صلى الله عليه وسلم

تكرت فيكم ما ان تمسكتم به لن تضلو بعدى ابدا كتاب الله وسنتى

اعتقد واضح اوى من كلام اشرف الخلق ايه اللى ممكن يخلينا احسن ناس

واهدى بيت واسره وشعب متقدم ومتحضر ... ياريت بقى قبل ما حد يقاوح

يعرف كلام الله كويس ويفهم حديث النبى الشريف

اسف جدا للاطاله عليكو دمتم جميعا بكل خير وعافيه

يا جماعه معلش فيه اخطاء فى كلمتين تقريبا بس عاوز اعدلهم ومش لاقي ايقونه التعديل

فين الاداره يا جماعه ازاى اعدل المشاركه .. اسف للخطأ

شكرا لكل اللى ردو وناقشونا وشاركونا شكرا ليكو اوى

قلب صادق ايقونه التعديل بتختفى بعد مرور وقت طويل ع المشاركه