لو فكك مني واحد صاحبك , هتقوله ايه؟

السلام عليكم
كلنا الحمدلله خلاص اخدنا الاجازة
وفينا ناس بدأت تطلع رحلات و مصايف و العملية بقت هيصة خالص
محدش ليه حجة , كلنا بقينا فاضيين للسايت
و مع ذلك , معظم الناس بما فيهم انا لازلنا حاسسين بملل داخل الموقع
انا عن نفسي محبط من اداء الموقع الى حد ما (في بعض النقط)
للسنة الرابعة , اظن الموقع مشي مع تواقعاتنا في حاجات كتير , لكن بالنسبة للحالة المعنوية بين الاعضاء
اظن ان من تلات سنين كان الترابط اكتر من كده بكتير

عايزين نرجع الحالة دي من تاني
عايزين نحس ان فكك ده بيتنا التاني بجد زي زمان

زي اول كل اجازة , بيكون في حركة تجديد في الموقع
من ضمنها تجديد في المشرفين و الشكل و اذا كان في اقسام جديدة او او او او الخ
حركة التجديد السنة ابتدت بدري شوية , من اول ما رقينا للنسخة الرابعة من كام شهر
و لكنها لازلت مستمرة, بس هتنتهي قريب ان شاء الله
و اللي كان من افضل نتايجها المدونات و الاقبال المتزايد عليها
المهم

التجديد القادم هيكون اول الاسبوع الجاي ان شاء الله
و هيكون قائم في الاساس على 3 نقط
الاولانية : المجلة

للاسف المجلة متصممة على ابعاد للشاشة 1280 و للاسف اكتر من 90% من الشاشات في مصر متصممة على ابعاد 1024 و عشان كده المواضيع بتظهر ضيقة جدا خصوصا المواضيع اللي في وسط الصفحة
نفس المشكلة بتظهر لكن بشكل سهل التأقلم معاه في الصفحة الرئيسية بسبب القائمة الجانبية , الا انها مش بتاكل كتير من الصفحة عشان كده بنعرف نتعامل معاها
فموضوع المجلة ده , ان لم نجد له حل في اخر الاسبوع , في الاغلب هيتم تغييرها و استبدالها بمجلة اخرى (مبرمجة مسبقا , يعني ممكن تكونوا شوفتوها في مواقع تانية بس باستخدامات اخرى)
المجلة هتكون وظيفتها , عرض المواضيع الجديدة المميزة بشكل افضل في الصفحة الرئيسية للموقع , لشد الزائر او الاعضاء الحاليين و و جذبهم للمشاركة و التفاعل مع الموقع
و ان شاء الله التفاعل يبقى اكتر من كده

النقطة التانية : الاستايل
و ان كان الاستايل الحالي عاجب ناس كتير جدا , الا انه مش عاجبني انا , و السبب ان الالوان الكلام مؤذي جدا للعين , و بسبب ذغللة لبعض الناس
و السبب اللي خلاني اسيبه , اني بجد بحبه , لانه اول استايل فكك مني ظهر بيه للناس
و ليه معانا كلنا "الفكاكوية الاصليين" ذكريات اكتر بكتير من كلمة "رائعة"
باذن الله هيتم استبداله باستايل جديد
و ان شاء الله هنراعي فيه ان الخطوط و الصور هتكون واضحة من حيث الالوان و الاحجام
و ممكن برده يكون الاستايل ده متاح للناس لو حد زيي بيحبه و عايز يتعامل بيه

التالتة : الوان المجموعات
مش عايزين تبقى فكرتنا عن المنتدى
انه شوية مواضيع و مشاركات و اقسام , و ادارة ملونة و خلاص
و عشان كده هنشيل الالوان عن مجموعات الاعضاء
المشرفين و السوبرات و المديرين و النواب
و انا الوحيد اللي هيفضل لونه بالاسود . مش عشان انا صاحب الموقع , بس عشان ده مريحني و طلب صغير منكم
و اي الوان تانية للاعضاء هيتم اختيارها عن طريق خيارات البنك قريب ان شاء الله

دلوقتي انا عايز ردودكم تكون على الشكل التالي
هنتخيل فكك مني ده واحد صاحبك
هو هيسألك الاول شوية اسئلة , هتجاوب عليها
و بعدين تقوله على اي حاجة في نفسك
لو في حاجة في نفسك عايز تقولهاله

الاسئلة :-

1- عرفت فكك مني منين؟
2- ايه الحاجات اللي عجبتك في فكك مني و بسببها انت لسه مستمر معانا لحد دلوقتي؟
3- شوفت ايه في مواقع تانية و نفسك تشوفه في فكك؟
4- راضي عن اداء الموقع؟
5- دعيت كام واحد من اصحابك للموقع؟
6- طيب لو لسه مدعيتش حد , يا ترى هتدعيهم و اللاه لا؟ و ليه؟
و خد بالك هاجي (انا فكك مني) كمان اسبوع و اسألك اقولك فين اصحابك اللي انت دعيتهم ليا
7- اكتر شكل استايل عجبك في فكك مني قبل كده؟ و لو مفيش نفسك الشكل يكون عامل ازاي؟
8- ترتيب فكك ايه بالنسبة ليك من ناحية المواقع اللي بتدخلها؟
9- اكتر حاجة مزعلاك من فكك و نفسك تتغير؟
10- الفترة المفتوحة , لو فكك مني صاحبك , هتقوله ايه بكل صراحة و عفوية و من غير اي تفكير

منتظر ردودكم على احر من الجمر
لانها اكيد هتفرق معايا كتير جدا في الاختيارات الجاية
التجديدات دي طبعا "مصلحتك اولا" زي ما اعلانات الضرائب بتقول :p
عايزين نخلي فكك مني على احسن ما يكون
و زي ما فكك ساعد ناس كتير مننا على انهم يلاقوا حاجات كتير ناقصة في حياتهم
عايزين احنا مكان نساعده باننا نخليه احسن موقع في الدنيا
منتظر ردودكم
السلام عليكم

- عرفت فكك مني منين؟

منك أنت يا احلى درش

2- ايه الحاجات اللي عجبتك في فكك مني و بسببها انت لسه مستمر معانا لحد دلوقتي؟

اممممممممممم انا عشان لسة فى الاول مش لفيت بس اسمع انكوا بتعملوا شغل حلو اوى بجد واللى عاجبنى بجد اليوم بتاع اليتيم دة روعة ربنا يجعلة فى ميزان حسناتكوا يا حبى

3- شوفت ايه في مواقع تانية و نفسك تشوفه في فكك؟

انه يكون فى صفحة رئيسية للمنتدى

4- راضي عن اداء الموقع؟

مشقدرش احكم بس واضح انوكوا فريق بيشتغل من غير ما يتكلم كتير ودى حاجة كويسة اكيد

5- دعيت كام واحد من اصحابك للموقع؟

ولا واحد هههههههههه

6- طيب لو لسه مدعيتش حد , يا ترى هتدعيهم و اللاه لا؟ و ليه؟

ممكن ادعيهم ؟ عشان فعلا دا مكان يستاهل انى ادعى حد فيه

و خد بالك هاجي (انا فكك مني) كمان اسبوع و اسألك اقولك فين اصحابك اللي انت دعيتهم ليا

وان مش جم هتعمل ايه يعنى ؟ روح ياد انت العب بعيد اجرى ههههههههه

7- اكتر شكل استايل عجبك في فكك مني قبل كده؟ و لو مفيش نفسك الشكل يكون عامل ازاي؟

مشفتش استايلات لفكك قبل كده ؟ يكون لذيذ كده مش خنيق ؟ وبصراحة الاستايل دة مش عجبنى خالص

8- ترتيب فكك ايه بالنسبة ليك من ناحية المواقع اللي بتدخلها؟

والله يا درش ما بخش غيرة لما اكون فاضى

9- اكتر حاجة مزعلاك من فكك و نفسك تتغير؟

انى اشوف حد فى الشات بتاعكوا دة

10- الفترة المفتوحة , لو فكك مني صاحبك , هتقوله ايه بكل صراحة و عفوية و من غير اي تفكير


بحبك انت فين من زمان ما ترجع بقى وحشتنى ؟؟؟؟؟؟؟ مع الاعتذار للفنان احمد مكى



اى خدمة يا درش رديت على الموضوع بس يا رب يكون ردى بفائدة وسلامو عليكو

من اميرة صحبتى
كانت بتبحث فى جوجل وعرفته


فى حاجات كتير
منها معلومات اول مرة اعرفها
وفى موضوعات مميزة
وبعرف صحاب جداد
مفيش حاجة معينه فى دماغى دلوقتى
هو انا مش بقالى كتير والفترة اللى فاتت مكنتش موجوده
بس الموقع فى المجمل كويس
2

انا دعيتهم عشان بحب نكون كلنا فى مكان واحد ونستفاد مع بعض
ونحاول نفيد على قد منقدر
ههههههههههههه
اوك انا موفقه فى اى وقت

هو انا مشفتش غير الاستايل اللى قبل ده
وبصراحة الاستايل بتاع دلوقتى مش عجبنى لونه
رقم 2
لحد دلوقتى مش فى
حقوله سورى انى غيبت الفترة اللى فاتت بس والله كان غصب عنى
وان شاء الله حكون موجوده معاك ع طول

ويارب يا درش السايت يرجع زى ما انت عايزه
واحسن كمان

1-
عرفت فكك مني منين؟

قصه طويله اوى بس من قبل ما تعملو المنتدى ريرى وهمسه كانو بيحكو ليا عنك وبعدين شوفتك اخيرا فى مره من المرات من بتاع تلت اربع سنين مش فاكره وبالتالى عرفت المنتدى ولما دخلت نت بقيت مقيمه عليه

2- ايه الحاجات اللي عجبتك في فكك مني و بسببها انت لسه مستمر معانا لحد دلوقتي؟

باحس انى بالف الف الف وارجع ليه تانى باحسه انه بيتى بجد فيه اصحابى وكل اللى باحبهم لما يوحشونى بالاقيهم عليه لما نحب نتجمع بيقربنا المنتدى من الاخر المكان بتاعنا:d
3- شوفت ايه في مواقع تانية و نفسك تشوفه في فكك؟

فى اسميلى كبير كده وحلو شبه الياهو الجديده حلو اوى نفسنا منها:d
4- راضي عن اداء الموقع؟
الصراحه مش راضيه خالص حاسه مفيش حب وكل عضو بيشيل لتانى ايه ده احنا فى حر بولا ايه فين ايااااااااااااااااااااام زمان ايام الاعضاء القديمه والله مفتقدينهم بجد كنا لازم يوميا نسهر فى الاجازه ومواضيع وردود وضحك وحب عيله بجد يارب نرجع تانى ونشيل اللى جوانا

وليا رجاء تانى اللى ما يستاهلش انه يكون فى عيلتنا المحترمه مش عايزينه بجد لانه مش يشرفنا انه يبقى وسطنا

5- دعيت كام واحد من اصحابك للموقع؟
مش فاكره بس منار ومنى ومصطفى وزهراء واخواتى وابن عمى وابن عمتى وكتير من اصحابى مش فاكره
6- طيب لو لسه مدعيتش حد , يا ترى هتدعيهم و اللاه لا؟ و ليه؟
الصراحه المنتدى عيل بقى عليه كميه صغيرين كتير وطول النهار بيلعبو وشويه مواضيع متكرره كلها او مش ليها لازمه..فكل اللى بيدخل من اصحابى بيقول ده ايه ده..بس هادعيهم بردو على الاقل لما نحتاج بعض يقدرو يوصلو ليا من على المنتدى لو وحشنا بعض بنطمن على بعض من المنتدى

7- اكتر شكل استايل عجبك في فكك مني قبل كده؟ و لو مفيش نفسك الشكل يكون عامل ازاي؟
حديث كده يبقى زى المنتديات زى مصراوى او هريدى او دى فى دى فور اراب وكده
8- ترتيب فكك ايه بالنسبة ليك من ناحية المواقع اللي بتدخلها؟
الاول وبعديه الفيس هما بس اللى بادخلهم:d
حتى لو مش باعمل عليه حاجه لازم افتحه وخلاص

9- اكتر حاجة مزعلاك من فكك و نفسك تتغير؟
الاعضاء القديمه ترجع ترجع ترجع..اتصلو عليهم شوفو هما فين ليه زعلو ما تنسوش انهم من مؤسسى الموقع مفتقده رأى ورزانه ميسى مفتقده هوت ايس فى النادى الادبى فين دكتور ماتركس فين حجازى مش شويه تفاهات حصلت تزعلوهم وكمان عشان المجملات تيجو عليهم ياريت نرجع فكك الاصلى

حاجه تانيه ..عايزه بجد اللى يبقو على فكك يبقو عاقليه بجد مش شويه ناس دماغهم فاضيه وكل شويه خناقه وكل شويه شتيمه الواحد بيتأذى بجد وبيتحسر على ايام زمان عايزين نفضل زى ما كنا اكبر واحسن تجمع لاحس شباب محترم ومتدين على النت اسمنا ديما كان فوووووووووووق عايزين نحافظ عليه
10- الفترة المفتوحة , لو فكك مني صاحبك , هتقوله ايه بكل صراحة و عفوية و من غير اي تفكير

بأحبـــــــــــــــــــــ ـــــــــك ومهما اعضاء راحت ومهما اعضاء جت ليه استف كده باحبهم اوووووووووووى واصحابى اوووووووووووووى وان شاء الله اولادنا هتيكملو المسيره ان شاء الله مهما زعلتنى باحبك بردو باشبهك بمصر بلدنا مهما بيحلصنا منها ونتظلم ونشوف حاجات مش عجبنا جوانا حنين ليها وحب ماشى فى دمنا
:x:x:x

1- عرفت فكك مني منين؟
من بنت خالتى قالتلى فى موقع اسمه فكك منى حلو جدا هى دخلت عليه مرة واحدة وبعدين انا دخلت واستمريت فيه لانه بجد موقع جناااااااااان وانا بحبه جدا جدا
2- ايه الحاجات اللي عجبتك في فكك مني و بسببها انت لسه مستمر معانا لحد دلوقتي؟
حب الاعضاء وترابطهم ببعض وكانهم اخوات بالظبط وكمان روح التعاون اللى ما بنا
3- شوفت ايه في مواقع تانية و نفسك تشوفه في فكك؟
بص بقى يا درش المفروض يبقى فى قسم خاص للديكور ميكنش كل حاجة داخلة فى ازياء فكك منى ده حاجة والديكور حاجة
4- راضي عن اداء الموقع؟
اكيييييييييييد بس الاعضاء تشد حيلها شوية والموقع ساعات بيبقى فاضى كده وده طبعا لان بيبقى فى امتحانات
5- دعيت كام واحد من اصحابك للموقع؟
كتييييييييييييييييييييير بس محدش دخل مع انى قولتلهم بس هما مشتركين فى مواقع تانية
6- طيب لو لسه مدعيتش حد , يا ترى هتدعيهم و اللاه لا؟ و ليه؟
اكيد هدعيهم لان فكك منى موقع لا يعووض
و خد بالك هاجي (انا فكك مني) كمان اسبوع و اسألك اقولك فين اصحابك اللي انت دعيتهم ليا
7- اكتر شكل استايل عجبك في فكك مني قبل كده؟ و لو مفيش نفسك الشكل يكون عامل ازاي؟
والله هو الشكل ده كويس جدا استايل جامد وكفاية انه اول استايل لفكك منى
8- ترتيب فكك ايه بالنسبة ليك من ناحية المواقع اللي بتدخلها؟
اقسم بالله رقم 1 وبعدين انا مشتركة فى موقع تانى وبس واكيد فكك عندى بالدنيا
9- اكتر حاجة مزعلاك من فكك و نفسك تتغير؟
ان الاعضاء ترجع زى زمان وعلطول يكونوا موجودين ومترابطين
10- الفترة المفتوحة , لو فكك مني صاحبك , هتقوله ايه بكل صراحة و عفوية و
هقوله انت احسن موقع كفاية انه موقع محترم جدااااا ودى اهم حاجة

1- عرفت فكك مني منين؟
كنت بعمل سيرش ع جوجل بالصدفه كده ولاقيته

2- ايه الحاجات اللي عجبتك في فكك مني و بسببها انت لسه مستمر معانا لحد دلوقتي؟
الاول كان عجبنى الترابط اللى فيه دلوقتى ليا اصحاب منه خلاص مش بقيت اعرف اسيبه
وغير كده بستفيد منه كتيييييييير
3- شوفت ايه في مواقع تانية و نفسك تشوفه في فكك؟
هو المنتدى حلو اوى زى ماهو كده بس يمكن محتاج يبقى فيه اقسام تانيه جاليرى وتنميه بشريه
ونفسى اوووووووووووى فى قسم مشغولات يدويه يااااااااااااااااريت يعنى

4- راضي عن اداء الموقع؟
كويييييييس وان شاء الله يبقى احسن من كده
5- دعيت كام واحد من اصحابك للموقع؟
واحده بببببببس
6- طيب لو لسه مدعيتش حد , يا ترى هتدعيهم و اللاه لا؟ و ليه؟
ان شاء الله اقول لصحابى

و خد بالك هاجي (انا فكك مني) كمان اسبوع و اسألك اقولك فين اصحابك اللي انت دعيتهم ليا
7- اكتر شكل استايل عجبك في فكك مني قبل كده؟ و لو مفيش نفسك الشكل يكون عامل ازاي؟
ده امور وعسول اوى وعجببببببببببنى مووووووووت

8- ترتيب فكك ايه بالنسبة ليك من ناحية المواقع اللي بتدخلها؟
بصراحه التانى :">
9- اكتر حاجة مزعلاك من فكك و نفسك تتغير؟
دلوقتى مافيش
10- الفترة المفتوحة , لو فكك مني صاحبك , هتقوله ايه بكل صراحة و عفوية و من غير اي تفكير

مش عارفه بس مهما ببعد بسبب اى ظروف او بمزاجى اول لما برجع النت بدخل عليه علطوووووول

كنا خير اللهم اجعله خير قاعدين احنا ال5 زى العاده
ولقيت اميره و الاء ونوسه بيتكلموا عن فكك منى
نطيت في الحوار انا والبنت مروة و انا فكرت قصدهم علي الجروب بتاع الفيس
وبس عرفت انهم مشتركين في السايت ده وساعتها قولتلهم لا ورايا مشاغل فككوا منىB-)
لما تيجى الاجازه اشوف الحوار ده والنهارده البنت نوسه زنقتنى من يجى ساعتين بس واشتركت:-<


ان فيه اقسام كتيررررر واحلى حاجه القسم العلمى اللي تحت دهوت
وبتاع صيدله وهندسه مهتمين بكل حاجه يعنى ما شاء الله



هو انتو ليكم جروب ع الفيس باسم المنتدى ولا مطنشين؟:-?

مش عارفه والله بس هو لحد دوؤتى شكله دامد;-)

ادعى مين يا عم انا بقالي فيه ساعتين وهما اصلا مرزوعين فيه من قبلي:p

بص ادينى 3 ايام لو عجبنى الجو العام هعملك احلى تصييت ووجع دماغ ل40الياهو و 150 الفيس .. بيس بقا;-)

قول ياااااااااااااااااارب بس:-b و بلاش حبه الثقه الزايده دى انت راجل كبير زى اخويا الطويل برضو:))

بص انا بقولك بقالي ساعتين طهقتنى يا عم من نفسي بس عموما اكسب ثواب وغير لون بيض شم النسيم ده
لحسن محسسنى انى في علبه الوان او نفسي بتغوز عليا وبشرب لمون فيه حاجه غلط او النضاره عاوزة تتغير:-b

لولا ان فيه سايت كنت مدمنه عليه اتقفل كان بقا ترتيبه الخامس بس كده ترتيبه الرابع بقا
واكيد ما ينفعش يطلع اكتر من كده:d

اول ما نوسه سألتنى عن رأى قولتلها استنى علشان حاسه انه زحمه واقسامه كتير ومتلغبطه كده
وانا بتخنق وبتنفخ بسرعه:((%-(

يخربيتشك شكلى هحبك ولا ايه @};-:x:">;-) والحبه دولم كومان ليه

والسلام عليكم و رحمه الله و بركاته:-h

- عرفت فكك مني منين؟

عرفته لانك بن خالتى وانت صاحب الموقع
2- ايه الحاجات اللي عجبتك في فكك مني و بسببها انت لسه مستمر معانا لحد دلوقتي؟

الاعضاء الذى السكر والعسل برغم انى متعملتش معاهم بس من خلال الردود حباهم وكمان التويبكات انا بستفيد منها
3- شوفت ايه في مواقع تانية و نفسك تشوفه في فكك؟

لا انا شايفه ان ده احسن شويه بس فى اقسام نفسى تتعمل بس دى هبقى اقولك عليها بعدين لانها محتاجه مناقشه كتير




4- راضي عن اداء الموقع؟

بصراحه انت بتعمل العليك وذياده
5- دعيت كام واحد من اصحابك للموقع؟

انا دعيت حوالى 4 اخواتى البنات الكبار النا اتعرفت عليهم من خلال متندى تانى
6- طيب لو لسه مدعيتش حد , يا ترى هتدعيهم و اللاه لا؟ و ليه؟
ليه دى بقى الهجاوب عليها علشان انا بحبهم اوى وبحب المنتدى فكك منى جاااااااااامد جداااااااااااااااااااااا
ونفسى اوى يكبر وخصوصا ان البنات دول شغالين جااااااااااااامد فياعنى هيفيدو المنتدى جااااااااااامد
و خد بالك هاجي (انا فكك مني) كمان اسبوع و اسألك اقولك فين اصحابك اللي انت دعيتهم ليا
هما مشغولين جامد الفتره دى علشان فى مشاكل وشويه مشاحنات فى المنتدى فلسه محدش فاضى بس هفضل وراهم

انشاء الله لحد مجبهم
7- اكتر شكل استايل عجبك في فكك مني قبل كده؟ و لو مفيش نفسك الشكل يكون عامل ازاي؟

لا ده العجبنى اوووووووووووووووووووووووو ووووووووووووووووووووووووو وووووووووووووووووووووى
8- ترتيب فكك ايه بالنسبة ليك من ناحية المواقع اللي بتدخلها؟

كان الاول 2 دلوقتى بقى 1 خاصه لما عملتى قسم بوليود :x

9- اكتر حاجة مزعلاك من فكك و نفسك تتغير؟
نفسى الترابط بتاع زمان بين الاعضاء يرجع تانى علشان انا نفسى جداااااااااااااااااا اتعرف عليهم واتعامل معاهم
10- الفترة المفتوحة , لو فكك مني صاحبك , هتقوله ايه بكل صراحة و عفوية و من غير اي تفكي
هقوله انا بمووووووووووووووووووووووو ووووووووووووووووووووووووو ووووووووووووووووووووووووو ووووووووووووووووووت فيييييييييييييييك :-*:-*:-*:-*

1- عرفت فكك مني منين؟
من العضوبركان الاحزان
2- ايه الحاجات اللي عجبتك في فكك مني و بسببها انت لسه مستمر معانا لحد دلوقتي؟
فيه اقسام عجبتني الاقسام العلميه قسم الصيدله والهندسه
3- شوفت ايه في مواقع تانية و نفسك تشوفه في فكك؟
____________
4- راضي عن اداء الموقع؟
للان جدا اداءه رائع رغم ان الفتره اللي انا كنت معاكم ماكافيه عالحكم على اداءه
5- دعيت كام واحد من اصحابك للموقع؟
لاللاسف
6- طيب لو لسه مدعيتش حد , يا ترى هتدعيهم و اللاه لا؟ و ليه؟
اكيد لانه بجد يستاهل
و خد بالك هاجي (انا فكك مني) كمان اسبوع و اسألك اقولك فين اصحابك اللي انت دعيتهم ليا
انشاءالله
7- اكتر شكل استايل عجبك في فكك مني قبل كده؟ و لو مفيش نفسك الشكل يكون عامل ازاي؟
انا ما اعرف الاستايل الاول اشلوون كان بس بتمنى هدا يتغير
8- ترتيب فكك ايه بالنسبة ليك من ناحية المواقع اللي بتدخلها؟
2
9- اكتر حاجة مزعلاك من فكك و نفسك تتغير؟
_________________
10- الفترة المفتوحة , لو فكك مني صاحبك , هتقوله ايه بكل صراحة و عفوية و من غير اي تفكير

سعيده اني تعرفت بيك وبتووحشني كتير ولما بفتح النت انت اووول منتدى افتحه

الاسئلة :-

1- عرفت فكك مني منين؟
من رحاب Dr,ReRe

2- ايه الحاجات اللي عجبتك في فكك مني و بسببها انت لسه مستمر معانا لحد دلوقتي؟
ان دة المكان الى اصحابى الى بحبهم بلاقيهم فية :x

3- شوفت ايه في مواقع تانية و نفسك تشوفه في فكك؟
المعروف عن الشعب المصرى او عامة كل العالم انهم بيشتروا بعنيهم قبل مايفكروا بعقلهم وبناء علية انا اكتر حاجة واول حاجة بتلف نظرى هى الاستايل فى موقع قهوة كتكوت مثلا الاستايل بتاعة تحفة
وكان فى موقع كمان اسمة ميا مسا دة كمان كان تحفة بقى من حيث الاستايل والمحتوى وكان فى فى الصفحة الرئيسية على الجنب كدة فيديوهات من اليوتيوب وبتتغير تقريبا كل يوم حسيتها لذيذة قوى


4- راضي عن اداء الموقع؟
انا واحدة من الناس الى غابوا عن الموقع فترة كبيرة قوى ودة كان بسبب ظروف السفر والنت الى فاصل ,, بس واضح من كلامكوا لما كنت بسال عن الموقع ان الموقع بقالوا فترة نايم قوى بالرغم من ان الناس خلصت امتحنات وبجد فعلا على رايك يا مصطفى الناس زمان كانت بتخلص امتحنات وبتيجى تولع فى المنتدى حريقة من كتر النشاط

5- دعيت كام واحد من اصحابك للموقع؟
انا دعيت بس مش فاكرة كام حد



و خد بالك هاجي (انا فكك مني) كمان اسبوع و اسألك اقولك فين اصحابك اللي انت دعيتهم ليا
لا مش هتعبك انا هقولك من هنا ... hegazy , zahra, fofa,
لما هفتكرمين تانى هبقى ادخل اقول


7- اكتر شكل استايل عجبك في فكك مني قبل كده؟ و لو مفيش نفسك الشكل يكون عامل ازاي؟
دة اكتر استايل عجبنى فى فكك

8- ترتيب فكك ايه بالنسبة ليك من ناحية المواقع اللي بتدخلها؟
نمبر وان

9- اكتر حاجة مزعلاك من فكك و نفسك تتغير؟
طولة اللسان والناس الى عمالة تغلط فى بعض

10- الفترة المفتوحة , لو فكك مني صاحبك , هتقوله ايه بكل صراحة و عفوية و من غير اي تفكير
هقولة فينك .... وحشتنى =))
على راى سومة العاشق

بجد بجد وحشنى قوى المنتدى زمان

شكرا يا ادمن وادينى قلت رايى ويارب اكون افدتك بحاجة

1- عرفت فكك مني منين؟
من ميجو تقريبا وشريف ومعتز عشان صاحبى

2- ايه الحاجات اللي عجبتك في فكك مني و بسببها انت لسه مستمر معانا لحد دلوقتي؟
يعنى اغلب اللى فيه انا اعرفهم شخصيا وغير كدة كل اللى هنا محترمين

3- شوفت ايه في مواقع تانية و نفسك تشوفه في فكك؟
التفااااااااااااااااااااا ااااااااااااااااااااااااا اااعل
انا عن نفسى يمكن يمكن مكنش متفاعل اوى لكن مفيش حد بيتفاعل كتيرررررر
حتى اغلب المشرفين دلوقتى مبقوش يدخلوا

4- راضي عن اداء الموقع؟
عن الموقع نفسه راضى اما نشاط الموقع وكدة لالالالالالالالالالالا
لازم يحصل تغيير فى النشاط واولها فلا مفيش مواضيع كتير متكررة
لازم يبقى بنسبه صغيرة ولازم التفاعل

5- دعيت كام واحد من اصحابك للموقع؟
تلاتة اكيد وناس تانية دخلوا بس معجبهمش المشاركة والتشجيع ودة يعنى وخصوصا
خموووووووووووول كتير من الناس

6- طيب لو لسه مدعيتش حد , يا ترى هتدعيهم و اللاه لا؟ و ليه؟
اة اكيد لو فى فرص هدعيهم لانى بحب اللموقع دة

7- اكتر شكل استايل عجبك في فكك مني قبل كده؟ و لو مفيش نفسك الشكل يكون عامل ازاي؟
الاستيل v5 الاستايل دة انا عن راى هو استايل جميل وكل حاجة بس
تحس انه طفوووووووووووولى اوى والوانه فعلا تزغلل ياريت لو يتغير
هو v5

8- ترتيب فكك ايه بالنسبة ليك من ناحية المواقع اللي بتدخلها؟
مش هحدد بس هو فى الاوائل يعنى يالاول او التانى او التالت

9- اكتر حاجة مزعلاك من فكك و نفسك تتغير؟
نفسى كل اللى بيدخلوا يبقوا متفاعلين ينى محدش يخش يحط موضوع او يرد وبعدين
منشفهوش خالص وغير كدة لازم المشرفين بتوع الاقسام النشظة يغيروا منه شوية
يعنى ييجوا بافكار مجنونة تجذب الناس مش اى موضوع يحطوها وخلاص
لازم مواضيع تشد الاعضاء

10- الفترة المفتوحة , لو فكك مني صاحبك , هتقوله ايه بكل صراحة و عفوية و من غير اي تفكير
هقوله انت موقع فعلا هايل وجميل بس عاوز تتظبط شوية صغننه
وانا فعلا بحب ادخل الموقع دة ولازم تغير من نفسك من ناحية
النشاط بتاعك يبقى اقوى وتخلى بالك ان لو فى مشرفين نايمين تشيلهم فورا
وتجيب غيرهم لازم يحصل افكار جديددددددددددددددددة

حاجة اخيرة ممكن تكون جارحة لاغلب الاعضاء
(ياجدعان المنتدى مش للعلاقات الشخصية يعنى
محدش يدخله بغرض تانى وانتوا فهمين
غير غرض انه يتفاعل عشان مصلحة المنتدى
وياريت نبطل شتيمة ونبقى كويسين بس خلااص:d:d)

1- عرفت فكك مني منين؟

من سندباد بن خالتي
2- ايه الحاجات اللي عجبتك في فكك مني و بسببها انت لسه مستمر معانا لحد دلوقتي؟

مستريح للناس اللى فيه...و كمان فيه موضوعات بتعجبنى اوووووووى
3- شوفت ايه في مواقع تانية و نفسك تشوفه في فكك؟
الردووووووووووووود أحيانا بحط حاجات و مبلاقيش ردود عليا خااالص
4- راضي عن اداء الموقع؟
الصراحة مش اوى....
احيانا بحس ان الناس اللى عليه مش اكتيف اووى
5- دعيت كام واحد من اصحابك للموقع؟
الصراحة واحد بس النت عنده فاصل ناو
6- طيب لو لسه مدعيتش حد , يا ترى هتدعيهم و اللاه لا؟ و ليه؟
و خد بالك هاجي (انا فكك مني) كمان اسبوع و اسألك اقولك فين اصحابك اللي انت دعيتهم ليا
7- اكتر شكل استايل عجبك في فكك مني قبل كده؟ و لو مفيش نفسك الشكل يكون عامل ازاي؟
كل الاستايلات عجبتنى
8- ترتيب فكك ايه بالنسبة ليك من ناحية المواقع اللي بتدخلها؟
حوالى رقم 5
9- اكتر حاجة مزعلاك من فكك و نفسك تتغير؟
10- الفترة المفتوحة , لو فكك مني صاحبك , هتقوله ايه بكل صراحة و عفوية و من غير اي تفكير

ممممممممممم
مش عارف

يا مصطفى هوه مضمون الموضوع زى العسل ومش مهم انا ارد على الموضوع بس انا حاسس ان الناس هنا طيبه اوى وبتحب بعضها بجد وده احلى حاجه هنا ومفيش حد بيتكلم مع التانى وحش كله واحد المشرف زى العضو انا لسه مش اتعرفت على ناس كتير بس انا انشاء حابب اتعرف عليهم وانشاء الله هتعرف عليهم وهكون واحد منهم أو بمعنى تانى هكون اخوهم الصغير



طلب بقه من المشرفين او الاعضاء يا ريت ندخل على الشات ونحركه شويه لان هوه اللى هيعرفنا ببعض وهوه اللى هيخلى المنتدى احسن منتدى

1/عرفت فكك منى منين؟
من أخويا كان بيشكرلى فيه اووووى وجرجرنى وراه لحد ماشتركت وبقيت وسطيكوا
2/ ايه الحاجات اللى عاجبتك فى فكك منى ؟
بص المكان ديما بصحبته والكل هنا ناس محترمة اللى عرفتهم من خلاال ردودهم ومشاركتهم الفعالة وكفاية ان اخويا معاكوا هنا
وطبعا ده غير اقسام المنتدى المميزة اللى بتعرض قضايا ومشاركات بتفيد الواحد كتير
3/ شفت ايه ى مواقع تانية مشفتهاش فى فكك؟
بص تقريبا من خلال المواقع اللى دخلتها وهما كتير اوووووووى لقيت انهم بيبشتركوا فى نفس الاقسام بس ديما بيختلفوا فى المواضيع المعروضة فالاقسام
فاحنا بجد لازم تكون كل المواضيع هنا فى المنتدى لها سبق فى الرفع وتكون مميزة وهامة للمعرفة وللقراءة ونكون مصدر لغيرنا من المنتديات فى مدهم بالمواضيع الهامة المستحقة للرفع
4/ راضى عن اداء المنتدى؟
باللى انته بتعملوا ده ورغبتك الصارمة فى الرقى بمنتدانا وأخدك لأراء كل الاعضاء فى الابداء بافكارهم فى تنمية المنتدى ده لوحده يخلينى راض تمام الرضى عن المنتدى بناسه
ولو عن الاداء فمتزعلشى منى النسخة اللى فاتت قبل دى بتهيألى انها كانت أفضل من حيث سرعة التصفح والشكل الجمالى
5/دعيت كام واحد للمنتدى؟
للأسف نظام الدعاوى ده محمود هوا اللى قايم بيه ومش مخللى ليا فرصة ان ادعى حد من معارفنا واصحابنا بس ان شاء الله هصطاد ليكوا اعضاء وهيكونوا من اصحابى ( وعد شرف )
6/ اجابة السؤال السادس مع اجابة السؤال الخامس ولو على حكاية انك هتفتش ورانا وتسألنا عن اللى احنا دعيناهم فان شاء الله هنرفع راسك
7/ اكتر استايل عاجبك ؟
مش عارف بس زى مقولتلك اللى قبل النسخة دى كنت حاببها اووووووووى وكانت سريعة معايا فالتصفح لكن من حيث الشكل مبتفرقشى معايا الاهم المضمون
8/ ترتيب فكك منى من المنتديات الاخرى عندى؟
للامانة هوا الرقم الثالث
9/ اكتر حاجة مزعلانى ؟
بتهيألى مفيش
10/ الفترة المفتوحة وهقول ايه لفكك منى كصاحب؟
ربنا يوفقك وتحتل مرتبة أعلى واعلى بين نظائرك من المنتديات الاخرى

تصدق نسيت حاجة مهمة
انا اتمنى ان يكون فالمنتدى قسم لكلمات الاغانى القديمة والجميلة قسم نكتب فيهم اجمل الكلمات للاغانى المحببة لدى كل عضو
وبعدين فى اغانى كلماتها شاعرية جدا ،،، ده غير القصائد التى غناها عبد الحليم و الاطرش ونجاة و فايزة احمد
كرسالة من تحت الماء و قارئ الفنجان و رسالة من امرأة مجهولة لفايزة احمد وايظن لنجاة و عش انته للاطرش
وطبعا ده غير ام كلثوم واغانيها الغنية عن التعريف و عمرو دياب ريحة الحبايب وخلينا نشوف
لان كلمات الاغانى دى المفروض تُدون فى منتدى فكك منى
وشكرا

على فكره يا لست قلبى

ممكن تكتب اللى انت عايزه فى النادى الادبى من بره

هتتدخل عليه هتلاقى قسم الشعر والقصص والشعر المرئى وده جديد..تحتيهم مواضيع ادبيه عامه كلمات اغانى مقالات قصايد لشعراء تانين وكده كل الادب بفنونه ولو عايز تحط احنا منتظرين الكلمات الجميله اللى هتحطها

انتى برده مفهمتنيش
انا قصدى يبقى قسم خاص من ضمن اقسام المنتديات الادبية
مش مختلط مع قصائد او قصص او غيره من فنون الادب
وعلى العموم انا أبديت رايى وسواء ان عُمل بيه او لأ
فعادى مش اشكال
وشكرا لردك يا منورة ولتوضيح الامر بالنسبالى

ياااااااااااااااااااااااا ااااه
حكايه فكك منى دى قصه طويله

اها الفكره وصلت... وبنتمنى وربنا يسهل يعنى

1- عرفت فكك مني منين؟

من اصحابى
ببالأخص
عن طريق محمد مجدى
هو الى دخلنى عليه واللى سجلى عليه

2- ايه الحاجات اللي عجبتك في فكك مني و بسببها انت لسه مستمر معانا لحد دلوقتي؟

مش حاجة معينـة
بس لو على حكاية انى لسة مستمر
فده لأنـى بحس انى ما ينفعش أسيبه
بحس انى مسئول فيه
وما ينفعش أسيبه
3- شوفت ايه في مواقع تانية و نفسك تشوفه في فكك؟

الحيادية

4- راضي عن اداء الموقع؟

لأ
او بمعنى أصح
نفسى يرجع زى أول ما دخلته
الترابط اللى فيه

5- دعيت كام واحد من اصحابك للموقع؟

كتير

6- طيب لو لسه مدعيتش حد , يا ترى هتدعيهم و اللاه لا؟ و ليه؟

انا دعيت
ولسة بدعـى
ليـه؟؟
لأنى عاوز اشوف فكك مية مية
وفيه شغل كتير

7- اكتر شكل استايل عجبك في فكك مني قبل كده؟ و لو مفيش نفسك الشكل يكون عامل ازاي؟

انا ما بحبش استايلات الانمى دى
بحب استايلات الفلاش
واحب أوى يكون لون الاستايل اسمر فلاش

8- ترتيب فكك ايه بالنسبة ليك من ناحية المواقع اللي بتدخلها؟

هو مش الأول
هو الأول مشترك مع موقع فى الفن
دايما أول موقعين بدخلهم هما دول

9- اكتر حاجة مزعلاك من فكك و نفسك تتغير؟

ان الناس بتاعة زمان اللى قلبها على الموقع ترجع تانى
الناس الحلوة بتاعة زمان ترجع
وشويه اهتمام من الحاليين
مش يبقــى فى ناس الاسم مشرفين او سوبرات
وداخلين يهزروا ويضحكوا وخلااص
لأ الاشراف مسئولية مش سلطـة وهزار وضحك
عضو عادى عامل لنفسه احترام وهيبة
احسن من مشرف كل اللى فى حياته يدخل ويضحك وبس

10- الفترة المفتوحة , لو فكك مني صاحبك , هتقوله ايه بكل صراحة و عفوية و من غير اي تفكير

ماكنتش اتمنى يوم من الأيام انك تبقــى كدا
ارجع زى زمان
حب اعضاءك علشان يحبوك
غير من نفسك وطور من نفسك
خليك محايد
اهتم بناسك اللى باقيين عليك
وحاول ترجع ناسك اللى فاتوك
مش هيتعوضوا
واستمر فى الأعمال الخيرية اللى بتعملها

1- عرفت فكك مني منين؟
من محمود اخويا amino
2- ايه الحاجات اللي عجبتك في فكك مني و بسببها انت لسه مستمر معانا لحد دلوقتي؟
ان اغلب اللى فيه اصحابى وغير كده لو فى حد معرفوش ممكن بنتعرف على بعض بسهوله وبلاقى نفسى فيه بصراحه وحاسس ان بقى حاجه اساسيه تقريبا بفتحه يوميا ومتابع اى موضوع بينزل فيه
3- شوفت ايه في مواقع تانية و نفسك تشوفه في فكك؟
يعنى ممكن شويه ترابط اكثر من كده وتنسيق للمنتدى ونفسى طبعا ترتيبه يزيد
4- راضي عن اداء الموقع؟
هو كويس مش وحش بس اكيد ممكن يبقى احسن من كده لو اشتغلنا صح شويه عليه
5- دعيت كام واحد من اصحابك للموقع؟
بصراحها انا دعيت ناس قليليه بس الفتره الجايه انا ناوى ادعى ناس كتير
6- طيب لو لسه مدعيتش حد , يا ترى هتدعيهم و اللاه لا؟ و ليه؟
هدعيهم عشان نحاول كلنا نفيد المنتدى
و خد بالك هاجي (انا فكك مني) كمان اسبوع و اسألك اقولك فين اصحابك اللي انت دعيتهم ليا
7- اكتر شكل استايل عجبك في فكك مني قبل كده؟ و لو مفيش نفسك الشكل يكون عامل ازاي؟
تقريبا ده اجمل واحد بس عاوز تظبيط بسيط زى الالوان وحجم الخط فى الصفحه لانه بيبقى مش واضح شويه

8- ترتيب فكك ايه بالنسبة ليك من ناحية المواقع اللي بتدخلها؟
يعنى هو انا نمبر وان يالاكوره وبعديه مصراوى عشان الاخبار غير كده فكك اساسى طبعا معاهم
9- اكتر حاجة مزعلاك من فكك و نفسك تتغير؟
يعنى ان الناس تركز فى المنتدى شويه مش يدخلوا مثلا كل اسوبع يحطوا مواضيع وخلاص عشان المشاركات وعاوزين نعمل مواضيع هادفه وحاجات ينفع نتناقش فيها ونفكنا شويه من مصالحنا الشخصيه او التعارف اللى الغرض منه بنات
10- الفترة المفتوحة , لو فكك مني صاحبك , هتقوله ايه بكل صراحة و عفوية و من غير اي تفكير

يعنى منوري ياكبير
لا طبعا هقوله ان انت بقيت حاجه اساسيه فى حياتى وبحاول اعمل اللى اقدر عليه عشان اخليك الى الامام دايما وربنا يديمها علينا نعمه

1- عرفت فكك مني منين؟
من mannora
2- ايه الحاجات اللي عجبتك في فكك مني و بسببها انت لسه مستمر معانا لحد دلوقتي؟
انى اول مره اجرب حكايه المنتديات دى وخاصه الاشراف
3- شوفت ايه في مواقع تانية و نفسك تشوفه في فكك؟
بصراحه من كترهم مش بدخل مواقع تانيه
انا بحب اريح دماغى
4- راضي عن اداء الموقع؟
نص نص
5- دعيت كام واحد من اصحابك للموقع؟
تلاته
6- طيب لو لسه مدعيتش حد , يا ترى هتدعيهم و اللاه لا؟ و ليه؟
و خد بالك هاجي (انا فكك مني) كمان اسبوع و اسألك اقولك فين اصحابك اللي انت دعيتهم ليا
اكييييييييد هدعيهم
بس فى بعضهم اللى مش بيحب المنتديات خالص فمش بيسجل
7- اكتر شكل استايل عجبك في فكك مني قبل كده؟ و لو مفيش نفسك الشكل يكون عامل ازاي؟
بصراحه انا مش بحب الاستايل الموجود حاليا اللى هو اللون الاخضر ده
كان عاجبنى قوى الاستايل اول ما رقيت الموقع للجيل الرابع
اللى هو اللون الرصاصى الهادى ده
8- ترتيب فكك ايه بالنسبة ليك من ناحية المواقع اللي بتدخلها؟
مش بدخل مواقع كتير ...
بس فيه موقع جميل قوى عاجبنى فيه التخصص
يعنى انه متخصص فى مجال واحده وهو مجال الصيادله
وطبعا ده موقع شامل وموجوده فيه كل حاجه انت عايزها
بس طبعا ده مش ينفع مع فكك
9- اكتر حاجة مزعلاك من فكك و نفسك تتغير؟
انه فيه خلافات بين الاعضاء بتأثر بالسلب على الناس
10- الفترة المفتوحة , لو فكك مني صاحبك , هتقوله ايه بكل صراحة و عفوية و من غير اي تفكير
بصراحه لو واحد صاحبى ... مش بحب اواجهه بعيوبه
بتقبله زى ماهو لو فعلا عايز اكون صاحبه
ولو مش هقدر اتقبله .. ابعد احسن

شكرا جزيلا لكل واحد رد على الموضوع
ارائكم كلها فوق دماغنا
هيتم النظر فيها و بحث افضل الطرق لتطوير الموقع