محاوله لتغيير الادوار..

مش عارفه انا ايه اللي بيجرالي
مش عارفه انا بعمل كده ليه

وليه كل مقول انا هعمل نفسي مش شايفاه
وهقابلو واسيبو يعدي قصادي ومش نادهاه
الاقيني ضعفت واقرب منو
ميهونش عليا اسيبو لوحدو او ابعد عنو

والاقي بحبك
عيوني تقولها
بحركه ايدي...بهزه رجلي
كلامي فضاحيني مش عارفه اصدو
دي حاجه غريبه اللي بتحصلي

مش عارفه انا حتى
ازعل منو او الومو واعاتبو واقولو حرام
حس شويه او حن شويه
يا سيدي
تعالى ع نفسك وقولي بحبك

ومع اني متفقه معايا
هنبطل بقى لعب عيال
هنفكر بالعقل شويه
وانا هضغط ع قلبي شويه

بس اعمل ايه ده غصبن عني
كل شويه اشوفو في وشي
دايما جنبي قريب مني

بس
ده ياما جرحني وياما بكاني
وياما سهرني لوحدي ليالي
بفكر فيه
وده ولا حن عليا بكلمه رقيقه يطيب خاطري
او نظره بريئه وضحكه جريئه

كفايا يا قلبي
مش عاوزاه
مش حباه
ولا اقبل ع نفسي اني اكمل عمري معاه
تعبت معاه وغلبت معاه
خلاص يا قلبي مش عاوزينو
مش ناقصينو وعشان ايه
انا احب في واحد.....

اسكت خالص هس يا قلبي
اوعك مره تغلط فيه
~X(
اكيد انا فيا حاجه مش عاجباه
اكيد انا الغلطانه ومش هنساه
مهو عندو ظروفو وعندو همومو
يعني ده ذنبو ولا اهو ذنبي
والله احترت معاه
يلا خلاصتو
..................................
يبقى الحال ع ما هو عليه ويقيد المحضر ضد مجهول
وده المحضر رقم مالا نهايه
TaFaTeFe
22/12/09
12:15
PM
.................................
عملت كل حاجه حب اديتو
ووعد اديتو
مش هبعد عنو
ولا عمري هسيبو
هتحدى الدنيا عشانو
................................
فيه حاجه ناقصه دي علاقه حب كامله من اروع العلاقات اللي شفتها
بس ناقصه حاجه
تخيلو معايا ناقصها ايه
فيها حب وفيها وعوود وفيها حساب وفيها عيون وفيها مستقبل
بس
مفهاش حاجه واحده مش مهمه اوي
مفهاش
الطرف التاني

حب من طرف واحد ياعنى
فين بقا المشكلة
8->
ههههههههههههههههههههههههه هه
مشكور ياتفاتيفى

اللي فوق الانقاض لا يمكن
يفهمو اللي تحت الانقاض
شكرا لمرورك يا نرمين

نعم
الكلام ده مش ليا حبيبي


المهم انه عاجبني قوي
ثم مهجه قلبي وحب حياتي
اللي هو
قلبي وروحي وعمري
ميكتبش غير الكلام الجامد
@};-

مافيهاش أهم حاجة فى أى قصة حب
الطرف التانى
اللى لازم يعيش معاك وتعيش معاه
وحس بيه ويحس بيك
اللى يحسسك بالأمان
والحب
والحنية
*********
أول مرة قرأتها يا تيفــا
مش هقولك ما حسيتهاش
حسيتها
بس حبيت أعيشها
وتانى مرة قرأتها
عيشت فيها
وحسيت فيها بجد
كأنى شايف فيلم أدامــى
تسلم ايدك بجد بجد بجد
بحب أقرى كتاباتك جدا جدا جدا
بحس بيها أوى
@};-@};-

منتهى الظُلم إن مفيهاش غير طرف واحد

منتهى الظُلم إنه يفضل يحلم لوحده

و منتهى الظُلم إنه يعيش عمره كله

مستني اللحظة اللي حِلمه هيتحقق فيها

وحِلمه مستكتر عليه يفرّحه !!

..

ع فكره يا وهم
قصدت اعرف رايكم
انا الطرف التاني اللي مش موجود مش هيا
...........................................

شكرا يا احمد ع ردك ومرورك
انته اضافه لاي موضوع ليا بجد
شكرا ليك
ورايك يهمني
علشان انته بني ادم
عندك احساس

مش يمكن هو ده رأيي في كلتا الحالتين ؟

معلش أغيّرها وأخليها للمؤنث .. مفيش مشكلة

بس يعني المضمون مش هيتغيّر ;-)

......


منتهى الظُلم إن مفيهاش غير طرف واحد

منتهى الظُلم إنها تفضل تحلم لوحدها

و منتهى الظُلم إنها تعيش عمرها كله

مستنية اللحظة اللي حِلمها هيتحقق فيها

وحِلمها مستكتر عليها يفرّحها !!


...

فرّحها علشان ربنا يفرّحك

..

حلوه اووووى فكرتك فى انك تحاول تبدل الادوار

محاوله موفقه....=d>


بس الصراحه وللامانه ما قدرتش بردو تدخل جوانا

ولو كلامى غلط البنات تصحح:-b

تحس كانك عديت على السطح بس ما تعمقتش

ودى هتفضل المشكله الازليه

بين الرجل والمرأه....

بس بجد جميله اووووى

ومحاوله كويسه....تجديد بردو....;));))

فعلا الطرف التانى ده اهم حاجه
لانه هو اللى بيكمل اى قصه
لان مفيش قصه بطرف واحد
اما بقى لو فى طرف ثالث فاده يبقى فضل ونعمه
يعنى هى بتحب واحد وهو بيحبها وانا بروح اقعد معاهم ده
هو ده الحب اللى من طرف ثالث
تسلم ايدك ياتفاتيفى

ماشي يا امينو
شكلك بتحب ظرف طارق
وانا بعشق الفيلم ده برضو
.
.
منوره شكرا لمرورك يا جميل
ومفيش مشكله
رايك ع راسي
يكفيني شرف المحاوله

فعلا الحب من طرف واحد صعب وانتحار الله يقويها

شكرا لطرحك البديع يااخى وحسن انتقاءك.

حبيبي
انت مقولتليش ليه منور زيهم ايه الظلم ده

منور يا تيفتي
هو انا اقدر بس الردود خدتني منك
وبعدين انا الف الف وارجعلك
ما اقدر اكون غيري انا
شكرا ليكي ع مرورك اللي شرفني
وشكرا عا جتهادك
بس الموضوع مش موضوع حب من طرف واحد
شكرا ليكي ع المرور الكريم

انا شايفه انك قدرت تفهم شويه اللى بيدور فى دماغ البنات ودى حاجة كويسه
بس اللى مش كويس ان فى ناس مبتحسوش او حساه وبتخبى بس فى كلتا الحالتين يبقى الحال على ما هو عليه
بجد كلام جميل جد ا
@};-@};-@};-

شكرا يانور
ع رايك اللي شرفني
وكمان صراحتك انك تقولي كلمه زي دي

@};-

شكرا كاندي دير على الورده
وتسلمي يا قمر ع المرور