تعالوا شوفوا هبل الشباب وهيا بتعاكس البنات ههههههه

يعني مش كل الشباب كدة يعني فى شباب زي مش بعملوا كدة هههههههههه

جربت تعاكس بنت قبل كدا ؟
أكيد مش حأقول عزيزتي الفتاة هل اتعاكستي قبل كده؟ لأن مفيش واحدة في مصر متعاكستش !
عامة .. خلونا نبعد عن البنات شوية ونشوف الشباب المقهور لما يحب يعاكس بيقول إيه ؟ وبيعمل إيه ؟!
تهريج .. بتباتة !
شعب مصر شعب حميمي بطبعه،
بيحب الألفة والانسجام والضحك
، لدرجة إن في أحيان كتير بتتحول عنده المعاكسة لمجرد نكتة ..
طبعا طرق المعاكسة ومستوياتها كتيرة .. منها المعاكسة التبتة اللي
بيفضل الواحد لازق زى الدبان بعد المطر بالظبط ! ودا إما لجمال البنية الباهر
– في نظر الدبان طبعاـ أو لأنه حاسس إنه حيطلع من اللزقة دي بفايده !

وفيه معاكسة التهريج، شباب مرمي على النواصي مش لاقي حاجه يعملها
غير إنه يعاكس ويهرج على الماشيين ، والمعاكسة هنا بتبقى تهريج في الأول وفي الآخر،
حاجه لتضييع الوقت، وأهوه .. يمكن تطلع بفايدة برضه .. بس الأهم .. التهريج ..

مثلا تلاقي بنتين ماشيين ووراهم تلات ولاد، واحد بس اللي بيتكلم من الولاد
ومركز مع واحدة ( تتجوزيني والعصمة تبقى في إيدك ؟؟ ... تتجوزيني وأغسلك الصحون؟؟
.. طب تتجوزيني وأرضع العيال ؟ ) وتلاقي التلاتة ماتوا على نفسهم من الضحك ..
طبعا هو لا حيتجوزها ولا حيرضع العيال ولا حيشوف خلقتها بعد كدا .. بس بيضيع وقت وبيسلي نفسه ..

أو برضه تلاقي بنتين ماشيين وواحد بيكلم صاحبه ( أحلى واحدة فيهم اللي لابسه جزمة سودا )
.. ويا ويلهم لو لمحوهم بيبصوا على جزم بعض يأخذوهم تريأة للصبح!
مامتك نحلة ؟
وفيه معاكسات مفتكسة، مثلا الشاب من دول يرمى كلمة يحاول يشد انتباه البنت،
زى واحدة ماشي في حالها لا بيها ولا عليها تلاقي واحد متعرفوش بيبصلها
وفجأة يقف قدامها ويقولها ( لازم ماما كانت نحلة )
طبعا البنت حتفكر ( هو بيجيب سيرة الأم إبن الــ .. )
أو مش حتفهم عاوز ايه .. فحترد بنعم .. أو أفندم ..أو بتقول إيه يا جدع إنت
... هنا الواد ينط ويقولها بسرعة ( عشان تجيب العسل دا كله ) وهو شطارته بقى بعد كدا..

بس مش دايما الشطارة بتنفع .. واحد جرب الموضوع دا وقال أول جملة
.. راحت البنت بصاله بمنتهى
الثقة وقالته له ( إشمعنى ؟ ) بعد ما
خلص جملته راحت قايلاله ( تصدق .. وإنت لازم ماما كانت فرخة ..
عشان تجيب البيض دا كله ) طبعا صاحبنا قعد تلات أسابيع بعدها في البيت .. لحد ما يفقس !

والمعاكسات برضه مقامات يعني معاكسة الماشيين غير معاكسة الواقفين،
وأصحاب العربيات لهم طرقهم الخاصة تلاقي واحد بعربية واقف قدام واحدة
وهات يا كلاكس وعمّا ل يشاور على تحت وعامل مجنون في العربية ..
وبعدين يرجع مارشدير وهو باصص للبنت وبيقولها وهو مخضوض ( النمرة .. النمرة )..

طبعا البنت شافت نمرته وهو بيرجع أو مشافتهاش بس فهمت إنها نمرة العربية
من إشارته لتحت فحتقوله مالها ؟ .. هنا بقى تلاقي وش جديد تماما بيقولها ( مبتجمعش ! ... متديهالي تاني ؟! ) صوت حريمي .. اقفش !
ومع عن المعاكسة في التليفون قدمت قوي إلا إنها لسه شغالة لحد دلوقتي
ولان الدنيا اتطورت والتكنولوجيا دخلت البيوت وفي ظل نظام إظهار الرقم
ظهرت خدمات المعاكسات من تليفونات ميناتل والنيل ورينجو،
يعني الشاب من دول يشتري كارت بخمسة أو بعشرة وهاتك يا نمر
وهو ونصيبه وأول ما يرد عليه صوت حريمي يقفش فيه .. كدا على طول من غير
ما يعرف مين دي ولا سنها وشكل اللي جابتها عامل إزاى ( مش بأقولكوا شعب حميمي .. )

وطبعا كل عشرتلاف مكالمة ممكن واحدة تكمل معاه عشر دقايق على الخط،،
وفي الأغلب حتبقى واحدة عندها 60 سنة فاضية هى كمان وبتشوف العيال المجانين دول بيعملوا إيه قبل ما تقفل !

وفيه معاكسة التليفونات المقصودة .. ودي عادة في المدارس .. واحد خد موبايل
واحدة معاه في الفصل ميعرفهاش من واحد صاحبه وقعد يزاولها من أى كابينة تليفون
.. أو يكون شافها مرة مع حد من صحابه وياخد تليفونها ويبتدي يظبط هو .. المهم .
. التليفونات أثبتت إنها كانت ولازالت وسيلة مهمة للمعاكسة !
من حقهم برضه !
قلت في أول الموضوع خلونا نبعد عن البنات شوية ، بس مش معنى كدا إننا ننساهم .
.لأنهم لب الموضوع يعني لو مفيش بنات الشباب هيعاكس مين؟
وفي ظل حكومة بابا حسني الرشيدة وتوجيهات ماما سوزان القوية بتمكين المرأة كان من
ضمن الحاجات اللي تمكنت منها المعاكسة طبعا لازم المرأة تساوي الرجل في كل حاجة حتى المعاكسة ..!

والجديد دلوقتي إنك تلاقي بنتين – عادة لابسين لبس المدارس الأبيض في كحلي –
ماشيين ورا واد وبيعاكسوه، والأجدد بقى إنك تلاقي الولد خايف منهم وبيبعد – هما عادة بتبقى أشكالهم تخوف
! – وهما ماشيين وراه وبيقولوا ( القطة خايفة ولا إيه ؟! ) ..

بس مش معنى كدا إن كل البنات اللي بيعاكسوا وحشين .. في بنات زى القمر وخبيرة معاكسة
.. يمكن من كتر ما سمعوا ! بس الموضوع بقى بالنسبالهم وسيلة تهريج .. just having fun) )

وبمناسبة أخينا اللي كان طالع يجري فوق دا ..
في ولاد كل مشكلتهم إنهم مبيعرفوش
يعاكسوا ! وخصوصا لو كان صحابه خبراء في الموضوع دا ..
ويا سلام بقى لو حصل تجاوب بين صاحبه والبنت اللي بيعاكسها ! حتلاقيه واقف بيضرب نفسه 100 جزمة !

ههههههههههههههههههههههههه ههههه

اهم حاجة الشباب مش تزعل ديما بحب اقول الى لينا والى علينا

موضوع بيحصل كل وقت وكل دقيقه

العيب هنا فى اتنين البنت ولبسها ومشيتها

والميكب الاوفر طبعا

والشباب فى قله العقل والهيافه طبعا

انا الحمد لله رغم انى املك الثقه فى نفسى وفى لسانى

واسلوبى .. لاكن والله العظيم عمرى ما عملتها

اولا بتقى الله فى نفسى وفى الناس وفى اى بنت

واحتراما لنفسى طبعا وللناس بس يوم ما بحب بنت

بشبعها معاكسه مشروعه طبعا ههههههه

وغزل وخواطر وشعر كلو مباح مش حبيبتى وهتبقى ام العيال طبعا

اما معاكسه ونواصى لالالالالا مش ممكن ده شغل عيال وتفاهه

اشكرك جدا

دمت بخير

تسلم ايديك

لا التوبيك طبعا اسلوبه تحفه
وفعلا كل دى حاجات بتحصل سواء من الولاد ولا البنات
ده اللى نازل جديد
ربنا يهدى الجميع

شكرا

هههههههههههه
ربنا يهديك يا روحيم

شكلك جربت كتير م اللى بتقوله

هاااااااااااهاااااااااااا ااااااى
من يتحدث روحيم هههههههههههههه
نو كومنت:p:p:p:p

انا الى مجرب انت نسيت نفسك ياض ولا اية ناسي الموقف بتاع اول امبارح ساعة انا وانت مكناش مشين مع بعض اصلا
هههههههههههههههههه

سقيم عليك الد ايها الجندي الصغير
اقتلوه يا جنود
هههههههههههه

:)):)):)):))

توبيك حلو اوى وموضوع المعكسات ده خنيق بشكل وحش..الواحده تكون راجعه من الدرس فى امان الله

ويكون واحد كبير شكله محترم ويفضل يلقح كلام والله كنت بأقول ربنا يشوفيك....لانه يكون متزوج وعنده عيال تحس انه قله عقل

المعاكسات بقت حاجه قديمه خلاص يا جماعه

ههههههههههههههههههههههههه ه
شكرا لمرورك الجميل

ربنا يهدى

ههههههههههههه
رهيب

هو الجديد معاكسة البنات للولاد
ههههههههههههههه

هههههههههههههه
فكرتنى بحد كدة
كان خايف من واحدة بتعاكسه
ههههههههههههههههه

فعلا كلام جميل جدا
ولا تعليق!!!!!!!!!!!!!!!!!!

بتحصل اة

واحب اضيف للطرق الى انت حاططها دى واحدة كمان :)):)):))

مرة كنت ماشية فى الشارع انا وبنت عمتى وفجأة ومن غير ما احس لقيت واحد متسمر قدامى ومتنح ومستغرب قووووووووووى

وبيقول ( يااااااااااة متغيرتيش كتير عن زمااااااااان )

=))=))=))=))=))=))=))=))


انا طبعا عمرى ماشفت الاخ دة ولا عمرة شافنى
لان دة حصل فى اليكس يعنى اكيد منعرفش بعض

بس انا مسكت نفسى بالعافية لحد مامشى وبعدها متت على نفسى من الضحك

الواد يخربيت عقلة طلعها بتلقائية فظيعة

يلا اى خدمة

بديكوا الجديد اهو ومش حارماكوا من حاجة

يعجز الكيبورد عن كتابة كلمة شكر واحدة يريد ان يكتب 1000 قصيدة شكر لمروركم الجميل

بصراحه انا مش بحب الناس اللى بتعاكس لانه مش بيستفيد حاجه
وساعات بتقلب غم وبيتهزق يبقى ليه من الاول ما يبعد عن الشر ويغنيله