|•| النقاب بقي موضة .... وياعينى على اللى ورا النقاب دة |•|

كتير اليومين دول نشوف ناس

الحقيقة مش عارف اوصفها بأية



تدين..... سنة ..... يدي مواعظ

مش عارف و الله
؟؟!!

اليوومين دول موضة النقاب نازلة بقي

تلاقي الست اتنقبت

وبعديها بيومين جوزها عملة ذقـن



ويقعدوا للناس بقي زى الشيوخ

حراااااااااااااااام
مش حرااااااااااااااام
عيييييييييييييييييب
ومش عيييييييييييب

وهما بيعملوا كل حرام

وكل عيب

عشان منظلمش حد بس

الحقيقة مش كلهم

بس انا هتكلم عن الناس دى

اللى هى جزء معين من المنقبات والشيوخ

انا اعرف واحدة

بدون ذكر هى مين يعنى
وهى مش من اللفرز

دى منقبة وجوزها مربيي ذقنة وماسك سبحة

وابقي قاعدة فى شقتى

واسمع كل ضحكة وضحكة منها
ضحكة لاتعليق عليها



واقول لاحول ولا قوة الا بالله

وعمالة تشتم العيال

شتيمة محترمة بقي

مرة كنت قاعدة وبتاع

لقيتها طلعتلى مرة واحدة كدة انتى لية مش محجبة

المفروض تتحجبي كفاية عليكي بقي

كدة حرام

قولتلها ماشاء الله

هى الناس كلها بقيت تقول حرام ومش حرام

تقولى لا لازم

قلتلها دى حرية شخصية انا ملبسهوش وماليش نية انى البسة

يبقي حرام عليا بجد

بتقولى حرام ومش حرام وهى مش شايفة نفسها بتعمل اية

وحاجة تانية برضة

شفت بنت هى 22 او 24 سنة كدة

منقبة بس راسمة عينيها

وعينيها لوحدها بتتكلم


ونقول برضة ربنا يهدى

عايز اعرف رأيكم فى الموضوع دة.

وناقشونى فية

وقولولى اية رد فعلكم

لو شوفتوا المواقف دى

هو فى ناس لابسة نقاب عن اقتناع وومترمة
مش الكل سئ زى ما انت قلت

وفى اللى بيلبس النقاب عشان يستخبى وراه
والكل دلوقتى بقا بيقول دة حلال ودة حرام من غير مايبقى عارف

ربنا يهدينا يارب

هو تقريباً حضرتك male .. الظاهر إن فى واحده تانية دخلت فى

الموضوع !!


المهم

لو إتكلمنا عن ( الحرية الشخصية فى الحجاب )


دى مش حرية شخصية ولا (نيله) معلش فى الكلمة


ده إسمه نقصان دين ..


اللى هيقول هو عدم الحجاب يبقى نقصان دين ؟؟


هقوله اه وألف اه


ده فرض عين .. على كل مسلمه بالغه


واحده هتقول انا بصلى وبقرأ قرآن وبصوم و .. و... و..... بس مش محجبه


طيب ليه ؟؟

وبالنسبه للنوع اللى ذكرته من المنتقبات


اولا : ربنا أعلم بقلوب عباده


ثانياً : النوع ده من المنتقبات ف دول اللى اسمهم (منقبات على ما تفرج) !!


ربنا يهدى بنات ونساء المسلمين ..

................

شكرا على الموضوع
بس فعلا فى مشكله ان الناس بتحاسب اللى بره ومبتشوفشى نفسها بتعمل ايه
ربنا قال فى كتابه العزيز
حاسبوا أنفسكم قبل ان تحاسبوا
يعنى كل واحد يشوف نفسه الاول ويغير نفسه ويعمل الصح اللى بينصح بيه الناس وبعدين يتكلم مع الناس
مش هيكون هو بيعمل حاجه غلط وييجى ينصح حد انه ميعملهاش
طبعا محدش هيسمع كلامه لانه متناقض عنده ازدواجيه فى الشخصيه
لايغير الله ما بقوم حتى يغيروا ما بأنفسهم
وكمان هى نصحت بالحجاب دى مش حاجه وحشه
حتى هى لو بتعمل حاجه غلط ليه الكل يبقى كده
وليه الناس ميكونشى عندها نيه انها تلبسه هو لا حرام ولا عيب يعنى اللى معندهوش نيه ايه السبب من عدم وجودها لسه بدرى عليه ولا ايه
دا كله بيكون من الشيطان
زى واحد بيتصل على شيخ فى مره وبيقوله انا نفسى اصلى ومش عارف كل ما اصلى مش قادر
ايه السبب فى كده
ان الشيطان اقوى منه منمكن منه
عمال يزن عليه يااااه دا لسه بدرى استنى يا جدع
اليوم طويل فاتتك صلاه ربنا هيراعى ظروفك انت كنت تعبان
بكده والله محد ممكن يعمل حاجه
اللى عاوز يتغير يتغير هو الاول قبل ما يتكلم عن حد دا اللى انا اعرفه
بس هى عامله اللى عليها على الاقل ومحجبه
دا له حساب عند ربنا
واللى بيحصل اذا كانت بتضحك بصوت عالى او اى حاجه شبيه بكده ليها حساب هى كمان
بس على فكره ربنا بيقبل التوبة عن عباده
يعنى هى لو اخلصت نيتها فى التوبه ربنا بيغفر
انت بتتكلم عن دول
طيب والشباب اللى موجودين فى الشوارع سورى مفيش وراهم شغلانه الا الشوارع
لا بيعرف يفيد نفسه ولا دينه
دول بقى الواحد يقول عنهم ايه
ماشيين يعاكسوا فى خلق الله لاسيبين محجبه ولا غير
ممكن تعرفونى التعامل معاهم يكون ازاى
الامه فى ضياع وانت بتتكلم عن واحده بتضحك ولا بتعمل ايه
شوف انت ولا انتى صراحه الشخصيه مبقتشى واضحه
فى جمل بتقول انك ولد وجمل بتقول انك بنت
ما علينا
الكلام للجميع
كل واحد يبدأ بنفسه اولا ثم بعد ذلك عليه غيره
مش اصلح الناس وانا اللى محتاج اصلاح
معلشى انا طولت عليكم
بس لو فى حاجه غلط فى كلامى او محدش مقتنع بيه بلغونى
انا بقبل النقض بس اذا كنت انت على حق
يعنى مكونشى صح وتقولى غلط

انا بشوف من النوعية دى كتير بجد بجد كرهونى فى النقاب واللى لابسينه بس برضو مش كلهم اه فى ناس بتبقى لبساه وتتمكيج وتبان جدا من رسمة عنيها زى ما قولت الناس اصبحت تستغل النقاب فى حاجات وحشة كتير وبرضو مش كلهم فى منهم المؤمنات اللى عارفين دينهم كويس وفى اللى لابسينه بيتمنظروا بيه
شكرا لموضوعك وعلى فكرة الحجاب فرض على اى بنت وانا عن نفسى لو شوفت بنت مش محجبة علطول بقول انها مش مسلمة لان كل بنات المسلمين متحجبات
وربنا يهدينا جميعا ويهدى بنات المسلمين يا رب العالمين

شكرا على الردود

طيب والشباب اللى موجودين فى الشوارع سورى مفيش وراهم شغلانه الا الشوارع
لا بيعرف يفيد نفسه ولا دينه
دول بقى الواحد يقول عنهم ايه
ماشيين يعاكسوا فى خلق الله لاسيبين محجبه ولا غير
ممكن تعرفونى التعامل معاهم يكون ازاى
الامه فى ضياع وانت بتتكلم عن واحده بتضحك ولا بتعمل ايه
.
.
قلتي لو حد عندو اعتراض يتكلم
الامه هتضيع لو واحده ضحكت كده فعلا
طيب انتي عملتي ايه ؟
زي مهو
-وهو ولد ع فكره باين من المعلومات الشخصيه
الموضوع ممكن يكون منقول او زله في الكتابه-
حضرتك عملتي زيو
والاولاد مش كلهم كده هو بيتكلم ع فئه مش كلها وانتي كمان قصدك ع فئه برضو
مش كل اللي لابسين نقاب ومش كل اللي قاعدين في الشارع
وعاوزه تعرفي تعملي ايه
متعبرهوش طول ما الولد ده بيتكلم او بيعاكسك بالكلام
ولو في ولد زودها صوتي
وهتشوفي
لسه الامه بخير ولا لا
وطبعا الي هنستخلصو في كده وفي كده
في ناس بتلس النقاب غصب عنها وبلدان بتفرضها وكده
المهم الشخصيه
واكيد لا تزر وازره وزر اخرى زي مقلتي
يعني مش لازم علشان
انا محجبه او منقبه يبقى اني مش بعمل حاجه غلط

طبعا وقطعا مع وهم ان الحجاب فريضه مش حريه شخصيه ده اذا كان قصدو الحجاب
مش النقاب
انا واحد من الناس مش بحبو ولا اقبل لمراتي او اخواتي انهم يلبسوه
لو وصلو للخمار يبقى كويس
عوره المراه كل جسدها ما عدا الوجه والكفين
ولو انا حافظت على بنات الناس ربنا هيحافظ ع بناتي واخواتي
كما تدين تدان ..بس وده من وجهه نظري الصغنطوطه
بس بجد المنقبات اللي مش محترمين مثال سيء وواجهه سيئه للاسلام

بجد شكراً على التفاعل ......... !!

كلامك مظبوط وهم بس ما هى مش تلبس الحجاب وهى مش مقتنعه بيه والا هتزهق وتقلعه اما اذا هى جت من نفسها وفالت انا عايزه اتحجب عمرها ما هتقلعه وشكرا على الموضوع الجميل ده

عند حق والله

طيب اللى مش مقتنعه بالحجاب .. تفرض إنها ماتت فجأة


هتقول لربنا ايه ؟؟


انا مش مقتنعه بتكليفك ليّا (الحجاب) .. ؟؟!!


ما انا نفسى أفهم بصراحه


اللى لسه مش محجبة دى مش محجبة ليه ؟؟


على فكرة ليّا بعض الصديقات مش محجبات


بس سبب عدم حجابهم مش مقنع نهااااااائى


وفى سيدات اعرفهم لسه برضه مش محجبات


وللأسف مش كنت بعرفهم هما إيه !!


فى حاجات فى الدين مش محتاجه تفكير


لأنها مُسَلمات ..


ربنا يهديهم ويهدينا

...........

[quote=TaFaTeFe;126612]

قلتي لو حد عندو اعتراض يتكلم
انا موافقه على الاعتراض
الامه هتضيع لو واحده ضحكت كده فعلا
طيب انتي عملتي ايه ؟
زي مهو
-وهو ولد ع فكره باين من المعلومات الشخصيه
شوفتها علشان كده استغربت
الموضوع ممكن يكون منقول او زله في الكتابه-
ما علينا
حضرتك عملتي زيو
والاولاد مش كلهم كده هو بيتكلم ع فئه مش كلها وانتي كمان قصدك ع فئه برضو
مش كل اللي لابسين نقاب ومش كل اللي قاعدين في الشارع
وعاوزه تعرفي تعملي ايه
متعبرهوش طول ما الولد ده بيتكلم او بيعاكسك بالكلام
انا مش بتكلم عن نفسى انا بتكلم عن اللى بشوفه بيحصل للبنات
الحمد لله محدش يقدر يعمل كده معايا ايا كان هو مين
انت اللى بتخلى اللى قدامك يحترمك حتى لو عمره ما شافك
ولو في ولد زودها صوتي
وهتشوفي
لسه الامه بخير ولا لا
اكيد الامه لسه فيها خير زى ما فيها شر
والخير مش هينقطع الا بقيام الساعة
واكيد لا تزر وازره وزر اخرى زي مقلتي
يعني مش لازم علشان
انا محجبه او منقبه يبقى اني مش بعمل حاجه غلط
مفيش حد معصوم من الخطأ الا الرسول عليه أفضل الصلاة والسلام
وخير الخطائين التوابون
انا واحد من الناس مش بحبو ولا اقبل لمراتي او اخواتي انهم يلبسوه
لو وصلو للخمار يبقى كويس
ربنا يسهلها لعبيده
قول ان شاء الله

بس بجد المنقبات اللي مش محترمين مثال سيء وواجهه سيئه للاسلام

[/quoto]
ربنا يعافينا جميعا ويغفر لنا ويرحمنا
اللهم استرنا فوق الارض وتحت الارض ويوم العرض عليك

شكرا على سعه صدرك

شكرا على الرد

اولا ما تخبطش فى كلامــك
ثانيا
مش اى واحدة لابسة النقاب تبقــى كــدا
فى ناس لابساه عن اقتناع وراضية بيه تماااما
انا والدتى كانت منقبــة
لحد ما الحكومة غصبوها انها تخلعه
شكرا

ياعم احمد الموضوع مش شامل كل المنقبات بدليل انا والدتى منقبه ومزعلتش وبعدين يا وهم انا بتكلم انى لو البنت مش مقتنعه هتعلع الحجاب واانا شوفت ده قدامى انما ياريت كل بنات الارض تتحجب