عرض للطباعة
احممممممممممممممم يارب يا ساتر:d
بقالى كتير مجيتش هنا
المهم
الموضوع باختصار كده
ايه هى الرجوله فى نظرك؟
عاوز كل واحده من بنات المنتدى تقولى يعنى ايه رجوله ؟
يعنى مثلا الواد اللى بيسقط البنطلون ؟وللا اللى يعرف بنات اكتر ؟ووللا اللى صوته حلو؟ وللا اللى بيشرب سجاير ؟
انهى واحده فى دول بتوصلك للى ان اللى قادمك راجل؟
مستنى كلامكم
ايه هى الرجوله فى نظرك؟
سؤال صعب ...!
بس هحاول أوضح وجهة نظرى المتواضعه جدا عن الرجل .... الشرقى
اللى ممكن يكون بئا نادر فى الوقت ده .. بس أكيييييد موجود !!
بعيدا دلوقتى عن الكلام عن مظهر الرجل .. أهم حاجه الجوهر ..
شخصيته .. تدينه ..ثقافته .. تعاملاته .. إنسانيته .. سعة آفقه .. حسن
تصرفه .. لباقته ....
حاجات كتييييييير وأكيد مفيش إنسان كامل
بس الشخص بيبان من مواقفه إذا كـــــــان راجل فعلا أو .... لا يستحق
اللقب ..!
الإنسان مواقف ،،
ممكن أكمل بعدين إن شاء الله ... مش مركزه دلوقتى ..
تقبل مرورى
=d>=d>
محدش هيرد بعدك
اخلاق واحترام وتحمل مسؤولية
مافيش مانع يكون صوته حلو[-o<[-o<[-o<
سؤالك جميل يا ميسى
بص انا هقولك الراجل اعرف انه راجل من خوفه عليا ومن غيرته عليا ومن اسلوبه
فى الكلام بيبان اللى قدامك ده راجل ولا لاء على العموم انا بحب الراجل اللى يحترم المراة ويكون كويس ويعاملها بكل احترام وشكرا لموضوعك ميسى وبيبقى له تحكمات بيبان منها انه راجل وبمعنى الكلمة
الرجل من احترامه لنفسه اولا
مقياسي انا بقه
اولا ميكنش بيقف يتسبسب ويتحط على شعره جل والقرف ده
ولابسه لازم يكون محترم لان لبس الولاد بقه مقرف زي شعرهم
ده بالنسبة للمظهر
اما بالنسبة للشخص لازم يكون متدين وعارف ربنا
وشجاع وقوي وذكي (زي كده)
وفيه كل الصفات الحلوة عايزة ميكس من ناس معينة
يكون الرجل رجلا اذا لم ينظر الى المراه من منظور الاستهلاك واشباع الرغبات فقط
بل ان يعاملها بكل احترام وتقدير وبعض من الحنان
اما ان يكون ماشى مع نص بنات البلد على راى وهم فاكر نفسه شهريار
يكون رجلا بحكمته ورزانته وثقافته
وابتعاده عما يمتاز به شباب عصره
هكذا هو الجل فى نظرى
اتمنى ان تتقبل مرورى
فى الحقيقة السؤال دة جامدقوى و[جرىء بس اولا اللبس مش هوة اللى هيحدد شخصية الرجل بس المهم التفكير والعقل والذكاء والجرئة والحنان وحاجات كتييييييير بس مفيش حد كامل طبعا بس المهم انة يحاول على قدر الامكان انة يكون انسان لة قيمة
كنت عايزه اقول حاجه تانيه .. بس كفايه اللى قولته ،،
الفكره حلوه
والاحلى انه توبيك للبنات كل واحده تقول رأيها من وجهة نظرها
طبعا انت فى التوبيك سألت كام سؤال كده على الماشى اللى هما الشكل ولا البنطلون الساقط ولا انه يعرف بنات اكييييييييييد مش هى دى الرجوله اكيد انك تكون راجل حاجه غير كده خالص
راجل = مسؤليه
(( كلكم راع وكلكم مسؤل عن رعيته))
لما تكون مسؤل لازم تبقى قوى
والراجل القوى هو اللى بيدافع عن نفسه وقت الخطر والراجل الاقوى هو اللى بيدافع عن نفسه وعن الاخرين
بمعنى انك اكيد وانت مسؤل هتتعامل مع اشخاص غيرك طباع مختلفه وشخصيات مختلفه انك تحتوى كل واحد على حده وتلبى طلباته وتوجد للسعاده مكان فى حياته يبقى هى دى الرجوله
وانك تبقى حنين مع العلم ان الحنيه مش ضعف بس ده دليل قوى على التراحم فيما بينك وبين الغير تبقى هى دى الرجوله
وانك تكون كريم فى المشاعر فى احساسك بالاخرين كريم الطباع والشيم تبقى هى دى الرجوله
انك تبقى سيد موقفك لا تتعالى عند الخطأ فا سرعان ما تقر وتعترف باى خطأ اقترفته تبقى هى دى الرجوله
انك تكون غيور على دينك ونفسك واهلك بمعنى يكون عندك (نخوه) يبقى هى دى الرجوله
انك تكون قوى اقوى من نفسك انت اللى مطوعها لامرك مش هى اللى بتقودك قوى فى تصرفك حازم مع نفسك قبل ما تكون مع غيرك يبقى هى دى الرجوله
الشهامه والمرؤه والقوه والجدعنه والصدق والصلاح والتقوى كلها مرادفات لكلمة راجل
اتمنى مكونش طولت فى ردى
بس السؤال حلو و عجبنى
تقبل مرورى
الراجل الحاجه الوحيده اللى بتفرقه هى الشخصيه ولا بنطلون ولا شراب