ليه كل الناس بتحب الليل....بالكيبورد بتاعي

ياااااااااااااه الواحد بقالو كتير مكتبش
ازيكم يا اولاد
انا لقيت نفسي قاعد فاضي والليل دخل
قلت لما اغلس عليكم بقى يلا خدو وقولولي رايكم

ليه كل الناس بتحب الليل ؟
مع انو طويل وهمو تقـيل
فيه ايه الليل بيزيح الهم
غير عتمه وضلمه وغم ف غم
الناس بتخاف لتموت بالليل
سكون بيخلي القلب يدق
والثانيه تمر ساعات بالمر
ليه كل الناس بتحب الليل ؟
مع ان الليل اسود وكحيل
وقمر الليل ده صورة الشمس
بيطلع تلت ويغيب تلتين
وكل شويه الوقت يمر
برد وحده في عز الليل
وليه كل الناس بتحب الليل؟
ولا مره سمعنا خيانه الشمس
مع كل ادان للفجر تشقشق
بتطوي العالم جري في لحظه
يوري الناس طلوع الصبح
فارس بجوادو بيغزو الليل
وهو بيقتل ظلم الليل
ويرَجع دق قلوب بتموت
ده نور الصبح ده مالو مثيل
والشمس بتطلع وعصافير بتطير
ونسمه عليله تسابق النور
دي الروح بترد في اي جريح
اول مبتشرق شمس الكون
والورد يميل مع نور الشمس
عباد وقرنفل زهر وفل
بيحيي الموتى في جحر الليل
ويطمن كل الناس من بدري
تصحي تصلي الصبح و تجري
اطفال ومدارس وزحمه سير
والناس ع العيش واقفين طوابير
في المترو يا تلحق يا متلحقش
والوقت يعدي كانو صاروخ
والشمس بتحرس قلوب والوف
نرجع ع المغرب نلاقي مجاريح
قاعدين خايفين من ظلم الليل
واهي دايره تدور صبح وليل
ومع كل نهار بيموت الليل
ويا بختو العاقل من نام بليل
وصحي من الفجر وشاف الشمس وهي بتشرق
وعصافير بطير وبرضوا تزقزق وورد وفل
والنسمه بتجري وراها شعاع
بيملى القلب امال وسعاده....
to be continued by 2 half
ليه كل الناس بتحب الصبح

TafaTefe

شكرااااااااااا تيفااااااااا ومستنى الجزء التانى ضرورى;-)

شكرا على مرور يا جميل
ويا رب تكون عجبتك يا كنج
وان شاء الله اكتب النص التاني قريب ان شاء الله

بجد جميل اوى يا تيفه.....ومستنين الجزء التانى....

بس أحب اجواب على السؤال بتاعك.....

مع ان الليل كئيب وحزين وظلمه وبرد الا انه ليه سحره الخاص

الغموض اللى بيلفه وبيكون وقت التفكير والخلو بالذات ......

وكمان القمر لما يكون بدر ونور ويفضل ونيسك لصبح تفكر معاه او

تبكى معاه تشكيله او يشكيلك....

بيتهيأليا ممكن يكون علشان كده الناس بتحب الليل.....

جامد يا مصطفى

والله وهترجعنا لأيام الشعر بتاعك
-اللى ملوش ملامح ده -:p

لا بجد حلوة :-??
وكلامها ظريف

بص اولا جميلة

انا بحب الليل لانى بحس انى لوحدى وممكن اعمل اللى انا عايزة

بس اكتر بحب الوقت اللى بعد صلاة الفجر خصوصا عندنا بقا فى الفلاحين ياة الصبح كدة وكل الناس ماشية تسلم على بعض وتدعى للى رايح مدرستة ولا كليتة بجد بكون فرحان موزززززززززززز

شكرا منورا
وطبعا ان مش بهجم عالليل وهتعرفي ليه الليل حلو في النص التاني ان شاء الله
وشكرا لسندباد وانا اللي فرحان والله اني كتبت حاجه بعد انقطاع طويل
وشكرا لارموطي وهو
احنا ارياف برضزا يابا وهو ده الللي بيلهم الواحد
يلا كلو قشطه

الله ينور على كيبوردك
حلوه يا درش والله
وانا مبتفرقش معايا ليل او صبح هى كده كده الاوضه مضلمه عندى:-??

جميلة يا تفاتيفي بجد فنان
بس بجد انا بحب الليل روقان وهدوء ومافيش دوشة ونعيش بمزاجنا

ميسي حبيب قلبي شكرا لمرورك وان شاء الله الاوضه تنور يا معلم قريب ولا يهمك
وميرسي يا ميني ع الكلام الجميل
ومين مبيحبش الليل
وبعدين دي لسه نص الكلامم
والكلام له بقيه

عسول اوى شعرك يا تفاتيفى
تسلم الايادى
بس اكيد الليل احسن من الصبح
دى كفايه بس الشمس #:-s
اللى بتجبلى صداع
بس بردو مش بتفرق اوى ليل او صبح
كله محصل بعضه

يلا
مستنيين الجزء التانى
يجى بالسلامه ان شاء الله

كلام فعلا جميل جدا جدا.
انا بحب الليل لان الليل هدوء وسكون وفرصة ان الانسان يقعد مع نفسه شويه احسن من دوشة النهار.
بس انت حيرتنا معاك يعنى انت بتحب النهار ولا الليل يلا مستنين الرد فى الجزء التانى

ههههههههههههههه

الحمد لله مش انا لوحدى اللى جاوبت على السؤال.....
يعنى مش زى ما قولت عليا............(زى ما انت عارف)

يلا بقى مستنين الجزء التانى ويارب الالهام يجيلك بسرعه علشان ما نستناش كتير....

يا عم الحج انا نسيت
وبعدين محنا قلنا خليك القلب الطيب
وان شاء الله الجزء التاني قريب

تحفة تحفة تحفة


والله العظيم يابنى انت خسارة فى البلد دى

اية الابداع دة


منتظرة الجزء التانى



@};-@};-@};-

تسلمي يا منتوسه على كلامك الجميل

عند انبثاق شعاع شمس
قد لا نأخذ من اللحظات سوى بعضا منها
وفي السكونكل اللحظات انا


يارب مانعدم الكيبورد شكرااااااااااااااااااا

اية الأبداع دة كله يا تيفا
بجد جميل جدا
وبعدين كل اللى رد بيحب الليل انا بقى بحب الصبح والشمس والدوشة

وماتقلقش لما تنزل الجزء التانى هحب الليل بردو
شكرا يا " اه...لو""

أولا تسلم ايدك يا مصطفــى
شعرك هاااااااااااااااااااااايل

ثانيا انا عن نفسى بحب الليل لأن الواحد بيلاقـــى نفسه
وزى ما منورة قالت ليه سحره الخاص
الواحد قاعد البدر طالع
الدنيا انت محتار فيها
ظلمة ولا نور
أكيد الليل ليه أسبابه
والنهار ليه أسبابه

ثالثا مستنيين الجزء التانى بتاع النهار

رابعا واخيرا
تسلم ايدك يا مصطفـــى

تسلم يا تيفا...بس بصراحه كنت مستنيه حاجه اجمد من كده!!

لاني شفتلك الاحسن...

وده اهداء مني ليك

خاطره صغيره كده بعنوان
الليل الحزين

كثيرا مايجافينا النوم وتملنا المضاجع
كثيرا ما تتذمر الوسائد من فرط الدموع
فنخرج إليه

.. إلي الليل الحزين..

نشكي له بالصمت
ونحكي بالدموع
فيلتقط دموعنا وينثرها في السماء لتصبح نجوم تهمس لنا بما نريد
يعانق أنفاسنا الحاره ويهدينا نسمة تطفيء اللهيب
تتراخي الأجفان
ويستسلم القلب والجسد ل الليل الطبيب
نغلق أعيننا نجمع النجمات ونرحل لنحلم باللقاء القريب
ونترك الليل وحيدا
ليبقي الليل الحزين

تقبل مروري ومنتظره المزيد

شكرا طبعا
لسبيدوره
ولاحمد باشا
اما ريري فانتي نرفزتيني
~x(~x(~x(
وانتي اللي جنيتي ع نفسك
>:)>:)
بكره تقولي انا اللي جبت ده كلو لنفسي واللوم عليا
8-|8-|8-|8-|8-|
بس خاطرتك جميله اوي
@};-@};-@};-
بس معقده
:-?:-?:-?
اكتبي بالبلدي لو تعرفي
:)):)):)):))
والله يا ريري طول منتي موجوده في القسم انا بكتب
شكرا ليكي انتي

بقى اسيبك يومين ارجع الاقيك كده يلاااااه
كلام جميل مقدرش اقول حاجه عنه
والجزء التانى يابنى مش تنزله علشان ناس كده هتموت
وشكراااااااااا بجد يا تيفه الكلام جميل
واستمر ممكن يجى منك........

على ما اظن ردى وصلك من زمان بس معلشى اتاخر شويه ع المنتدى زحمه مرور بقى بجد تسلم ايدك يا تيفا الكلام مالوش حل

ليل ولا نهار
نور ولا ضلمة
المهم احنا بنشوف الدنيا ازاى
المشكلة فى الكون حوالينا
المشكلة جوانا احنا


شكرا اة لو /:)

الله الله بجد كلام جميل اووى رغم ان مش اول مره اشوف الموضوع
حسيت انى عاوز ارد
بجد فنان يا تيفه جبت كل حاجه حاسس بيها ايه ياواد ده يخربيت كده

انا بحب الليل اوي
هدوء وراحه
وبفكر كتيييييييييييييييير
في الضلمه النو بخاف
تسلم ايدك

كلمات جميلة جداااااااااا
ما شاء الله عليك
تسلم ايدك

شكرا يا ولاد
اموت واعرف بس مين اللي بيدعبس في القديم ده
علشان اديلو بوسه