أمتى بقى تبقى مسكة الايد صح

واحدة علشان تعرف الاجابة قعدت تسال وتقول
(1)
قبل الخطوبة

أنت ليه مش بتمسك إيدي وإحنا ماشيين في الشارع؟

- لأ بلاش...افرضي حد من قرايبك شافنا؟ والا حد من أصحاب أخوكي في الكليه؟
ان شاء الله يا حبيبتي بكره نتخطب امسك إيديكي ادام الدنيا كلها.


(2)
بعد الخطوبة

أنت ليه مش بتمسك إيدي وإحنا ماشيين في الشارع؟

- علشان مش عاوز حد يفتكر إننا علشان اتخطبنا هنصيع بقى ونعيش
حياتنا...وبعدين بصراحة كده أنا مستحرم...إن شاء الله بكره نتجوز وامسك إيدك وإنتي مراتي
حبيبتي في الحلال.


(3)
بعد الجواز

أنت ليه مش بتمسك إيدي وإحنا ماشيين في الشارع؟

يا حبيبتي إحنا مش مراهقين بقى هنمسك إيد بعض في الشارع وكده...إحنا اتنين
متجوزين ومحترمين وعندنا بيت نعمل فيه اللي عاوزين نعمله.


(4)
بعد خمس سنين جواز

أنت ليه مش بتمسك إيدي وإحنا ماشيين في الشارع؟

- يعني امسك إيدك والا امسك إيد البنت والا اشيل الأكياس دي كلها؟


(5)
بعد خمسة وعشرين سنة جواز

أنت ليه مش بتمسك إيدي وإحنا ماشيين في الشارع؟

- إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا
وخرفنا؟

_________________

هههههههههههههههه
لا حلو التوبك
تسلم ايدك ياسفيرة
=))=))=))

اتلمى يابت ياسمر
انحرفتى كدة من ورايا

هههههههههه

مرسى على المرور
وبعدين انا اقدر انحرف من وراكى يا أمانى عيب

هو تلاقيه كان متوضى ولا حاجه مش عايزين نظلمه وشكرا ع التوبيك الجميل

هههههههههه شكرا على التوبيك الجميل دة

متوضى ايه؟ تلاقى ايديها خشنه من غسيل الاطباق

مرسى يا جماعة على الردود والتعلقات

ههههههههههههههههههههههههه هه
تحفــــــــــة يا سمورتى

ههههههههههههه


حلو اوى تسلمى بس هنعمل ايه فى الرجاله طول عمرهم كده.... ما بيعجبهمش العجب:-":-"