هل نحن جيل فـــــاشل...!!؟

بصوا نظر لان الرد بتاعكم كله بيبعد عن الحقيقه طيب فين النجاح
يعنى مش شايف عالم واحد بص يابنى الزمن اللى انت بتقول عليه يا عم اسلام بتاع عبد الحليم وام كلثوم
دى مش كانوا متخلفين دى كان زمن العباقره وزمن الابداع رغم انى مش كان فى التقدم العلمى فى مصر
كان ف ىالزمن ده ( مصطفى كامل -قاسم امين-على مبارك-سعد زغلول-محمد فريد-عباس العقد-نجيب محفوظ- جيل الثوره-طه حسين-دى غير الناس اللى ابدعوا فى الفن)
غير العلمه الى كانوا فى الازهر الشريف
بص بقى علينا دلوقت احنا بقى عندنا كام عالم فى مصر
بعد التطور التكنولوجى اللى حاصل يعنى لو بصيت لى قرب حاجه ليك الموبايل الكمبيوتر اللى انت قاعده عليه
اتعمل ازاى تعرف تعمله عارف طبعاااا اننا شعب من الشعوب المستهلكه للتكنولوجيا وليست المنتجه
دى بقى النجاح
دى من الفشل اننا لسه بندور على اننا بننجح فى الكليه يعنى كمان شيفين اننا كده نجحنا اقل يعنى اختراعنا الذره
علشان نجحنا واتخرجنا دى يابنى اساس الفشل
ولو دخلنا على الجيل الاقديم كنت هتلاقى اخلاق الولاد البلد يعنى مش هتلاقيها دلوقت
كان الكبير كبير وصغير صغير دلوقت لو نزلت الشارع ممكن تلاقى شاب بيشتم راجل قد ابوه هى دى الاخلاق
الرجوله مش موجود والغيره على البنات اخواته بقى منعدمه وبقى الحياه بوظه
وتقلى جيل ناجح
طيب ايه اللى ناجح
على فكره احنا مش بنتعلم الصح او الغلط من الجيل القديم بس طيب بقى فين
التكنولوجيا اللى اثرت فى حياتنا كتير جدااااااااااا
وعلى العمو ممكن نكمل بعدين

يا جماعه انا من رأى اللى احنا مش جيل فاشل خالص بس المشكله اللى احنا جيل ضايع وده التعبير الادق من وجهة نظرى لاننا ما عندناش طموح لان مفيش هدف
هدف ايه وانت عارف انك لو اتخرجت مش هتلاقى شغل طب تذاكر ليه؟
حتى لو لقيت شغل بيكونوا عايزين خبره او مش واثقين فى الصغيرين او مضطهدنهم ومش مدينهم الفرصه وبالعكس ممكن عقليات صغيره يكون عندها ابداع الف مره عن الناس دى وهتلاقى وزاره البحث العلمى ملايانه اختراعات شباب زى الورد بس مصيرها الرف
المهم احنا شباب من غير تشجيع ومن غير امل ومنغير فرصه لو وفرونا كل ده يهيأ ليا اننا ممكن نعمل الكتير لاننا جيل عنده طاقه عنده تكنولوجيا وعنده معرفه وفاضل له الفرصه والتشجيع
بس العكس اللى بيحصل احباط على طول من كل حد ومن اى حد حتى الاهل
اسفه الاطاله بس دى وجهة نظرى فى الموضوع

بالتأكيد لسنا جيل فاشل ولكننا جيل محبط ، تائه ، يتطلع دائما إلى الخارج وذلك لأنه في الداخل لم يجد الاهتمام والتوجيه والقدوة
فالعيب ليس في هذا الجيل وإنما في من لم يوجهه إلى الطريق الصحيح ...هذا الجيل يبحث عن التغيير والإصلاح ولكنه للأسف لا يجد يد العون
ولدي إيمان قوي بهذا الجيل لأنه لديه طاقة إيجابية كبيرة ينقصها من يوجهها ...
أشكرك يا وسام على هذا الموضوع المميز
بارك الله فيك

ماشي يا عم وسام معاك ان الزمن اللي بتكلم عليه ده كان عندنا فيه تقدم في الادب والفكر والفن وفي نفس الوقت كل ده كلن موجود بره يعني قاسم امين مثلا ماعملش الفكر بتاعه ده في مصر الا لما سافر فرنسا ودرس هناك يعني مش هنا
وانا مش بنكر دور الناس العظيمه دي واننا مفتقدينهم جدااااا اليومين دول
بس ما هو برضه الزمن ده فيه ناس ميدعين كتير لكن مت كترتهم مش عارفين يظهروا للنور او فرص ظهورهم بقت ضعيفه جدا وده من جو التعتيم اللي ماشي في البلد اليومين وحالة الرهبه اللي انتشرت بين الناس ان اي حد يقدر يعبر عن فكره ورايه بصراحه دون خوف
وبالنسبه اننا بنستهلك التكنولوجيا لانها بقت امرواقع موجود لازم نستخدمه وبعدين مين قالك ان ما اننا مش بنبتكر وبنكتشف في شباب كتير اكتشفوا حاجات كتير ومعاهم براءة اختراع وشوف احصائيات مركز سوزان مبارك (على سبيل المثال)
ولكن افكارهم دي مش لقيت اللي ينفذها هنا وبالتالي الدول الغربيه بتتبني الافكار دي وبنموها وبيستخدموها هم
يبقى برضه لسه العيب في الجيل اللي قبلنا انه مش قدر يوفرلنا الفرص اننا نطبق افكارنا واكتشافاتنا
وكمان السبب في ده جزء منه على الحكومه انها مش قادره توفر ده

اما بالنسبه للدراسه
فنجاحك في اللي انت بتدرسه ده شئ كبير جداااااا طبعا
لانه مهما كان فهو علم جديد عليك ودرسته ونجحت فيه(بالرغم من انتشاؤ الدروس والحوارات دي ) بس برضه نجحت
حتقولي ما فيه ملاين نجحت في العلم ده حقولك وبرضه فيه ملاين فشلوا
المهم حنعمل ايه بالعلم ده
حنطبقه ازاي وفي ايه
حنستفيد بيه ولا حيبقي زي كوباية الشاي اللي بتشربها وبعد كده خلاص
لو قدرنا نستفيد بيه ونطبق افكارنا فيه ونطور يبقى احنا كده احسن من اللي اخترعوا الذره يا اونكل ويزو

وللحديث بقيه ان كان في العمر بقيه
سلاااااااااااااام يا صديقي العزيز

برده يا اسلااااااااااااااام الموضوع لسه مش انتها لو التعليم او الحكومه كانت السبب بص احنا بقى
قدمنا فرص كتير علشان نظهر بس مافيش اللى عنده القدره
يعنى على سبيل المثال عباس محمود العقاد مش كمل تعليمه بس بقى ايه
طه حسين اتحدى الكل وطبعاااااااا انت عارف وصل ليه

نرجع للل جيل بتاعنا مش عاوز يتعب عاوز كل حاجه تيجى هوا قاعد فى البيت يعنى ايه الحكومه مش قدره
طيب الناس دى مش كان فى حكومه اساس

وبعد كل ده روح دلوقيتى اى مدرسه هتلاقى فيها العجب الطلبه بتضرب المدرسين
يبقى فين التربيه وليه تروح المدارس
قرا الحوادث اللى بتحصل كل يوم تلاقى لود ضرب امه واحد قتل امه علشان مراته واحد تانى ودى امه دار المسنين
على فكره دى كل بجد
يبقى احنا جيل ايه
اقول احنا جيل بيخاف ويقول انا مالى - جيل انتهى مفهوم الادب
لو حتى الجبل اللى فات كان متخلف او اى من المسميات اللى بتقوله عليه
المفروض بعد التطور التكنولوجي اننا نبقى احسن بكتيير لكن احنا فين لا احنا اللى تحت ولا حتى وصلنا لاى حاجه تسبت اننا جيل كويس