">``"- مشيت من نفس الطريق -"``

(ذكريات زى الأيام دى )

مشيت من نفس الطريق
لقيتها ماشيه قصادى
قابلت حب السنين والماضى
فرحت بجد وقلب بكى من فرحته وداريت كل الى عيونه نفسها توصفها

مشيت من نفس الطريق
وانا فى ميعادى كل يوم
بس النهارده يوم غريب
مشيت وفجأة لقيت عيون حبيبتى قدامى اقصد الى كانت حبيبتى
لقيتها ماشيه وايديها حاضنه ايد واحد تانى

عيونها جت فى عيونى رجعت أحن من تانى للماضى
بس دى خلاص مبقتش عشانى
دى خلاص من نصيب حد تانى

كفايه عليا أفتكرت أيامها
كفايه عليا أقول ربنا يوفقها

حقيقى كان حبك صافى حسيته
كان ملاك بين ايديا .. كان أجمل لحن سمعته .. كان كل شىء ليا فى الدنيا دى
بس عدت سنه ووراها سنه وبقينا قصة على اللسان مجرد وقت وبتتحكى

كنت بقابلها كتير فى طريقى
بس المره دى صحى الحنين صحى الشوق
رجعت تانى ذكريات كنت بقرب انساها

عارف ان احنا موش لبعض
حتى وهى حبيبتى مكناش برضه لبعض
ماهو مستحيل الحلم يتحقق حتى وهى فى حضنى كنا عارفين هيجى اليوم وهنبعد
زمان غدار مخلناش نعيش مع بعض
ياما قالوا على حبى وحبها غلطة
ياما قالوا لينا قربكم ده بركان ونار ولو قربتم الدنيا هتبقى دمار

اختارت واخترت غصب عنى نبعد
وعشان كده قلبها وعقلها بقى موش معاها
عايشه حياه موش حياتها
بقت حاسه حاجه موش حستها

ولما قابلتها اخر مره
عيونها كتبت ليا رساله
قالت ياريت انت الى ايدك كانت حضانانى
ضحكت ضحكة وحزن جوايا
زى ماأكون فرحان بانها لسه بتحبنى وبتفتكرنى
بس بكيت لاانى ايدى موش هى الى حضاناها

قد ايه كنت مرتاح وعيونها فى عيونى
قد ايه كنت محتاج للحظه اشوفها بس وخلاص

ولما بدأت امشى واعدى عليها
فضلت تبص وراها وعيونها بتبكى على فراقى
قد ايه احساسها بكانى
ياما نفسى ارجعلها من تانى

بس مينفعش نرجع بجد من تانى
مبقاش لينا نصيب مع بعض
الكل اختار لينا البعد
ماهو الحب بقى باللون والشكل

دخلت بيتى وأفتكرت ليها أيامها
دخلت مسكت قلمى وفضلت أكتب كل الى كان بنا
فضلت أحلم بيها زى زمان
مجرد حلم ولو حتى بدقايق
بس اعيش ويااها من تانى

فضلت أفتكر ايامها
فضلت أحس حنانها

معقول زى الايام دى كان مع بعض
كان عايشين أجمل أيام الحب
كنا مع بعض بنحقق أجمل وأوفى وعد
كان حب واخلاص كان دفى واحساس
كانت ايامنا كلها ورد وألوان ربيع

دلوقتى كل واحد راح لبعيد
وكفايه عيونا فى يوم بتتلاقى
والدموع تنزل وتسبق خطانا
بقينا بنخاف نقرب من بعض
بقينا روح حياتها بتضيع
بنتعذب ونعيش على ماضى جميل
هقول ايه ولااايه
كل ده كان فى نظرة عين
امال لو كنت لمست ايديها
امال لو كنت قربت عليها
كان هيحصل ايه
ايوا هى بعيد عليا وانا كمان بعيد عليها
بس بجد مصدق كل الى بتقوله عنيها
هو معقول اقدر اكدبها وانا عارفها
عارفها صاحبة أجمل قلب شوفته وعشته وحسيته
بس أزاى وليه وامتى نرجع تانى
ماهو النصيب والقدر موش مكتوب بينى وبينها
ده اخيتار زمن قدر يبعد ويفرق ويحط حواجز و سدود مابينا
بس دلوقتى بقيت مرتاح لما بشوف عينها
وبقول ليها من قلبى بجد ربنا يوفقها

----- ---- ----- ------ ----- ----- -----

أحساسى وكلماتى هى خواطرى معبرة عن أيام حياتى