نفسي أقول انى بحبك يا حبيبتى بس خايف
ياللى لون الورد خدك .. يا نغم فوق الشفايف
رقتك والليل في شعرك .. والهوي يلاعب ضفايرك
سمعينى لحن همسك ... طمنى قلبي اللى خايف
*******
اصل خايف لـ تسبينى ... قبل ما يكمل كلامي
حبك انتى صدقينى ... كل شئ حتى فـ منامي
ساكنه صورتك جوه قلبي ... م انتى عمري وكل حبي
وفـ ليالي الشوق ونارها ... عايز أقولها بس خايف
*******
إتقابلنا مره صدفه ... يومها دق القلب زاد
وانتى واقفه وبرضو خايف ... ده الهوى مالوش معاد
إيدى مدتها لاقيتها ... حاضنه ايدك وفـ ساعتها
قولتها .. أيوه .. بحبك .... كنت ليه يا قلبي خايف ؟؟
كنت ليه يا قلبي خايف
*******
