الليله أخر ليله وخلاص هودع الأحزان
الليله أخر ليله أبكي فيها انسان
الليله أخر ليله يثور فيها البركان
الليله هبدأ تاني أعيش في أمان
الليله هرجع أقول كان يا مكان
أيام ما كان الورد مالي البستان
والشاطر حسن بيدور علي الاميره مرجان
والضفدع المسحور بيدندن بالألحان
وسندريلا بتحلم بحفلة السلطان
وكان يا مكان كان في كتير أحلام
عشناها وحبيناها وقولنا ده كان منام
منام صحينا منه علي صوت أنين الأيام
وخدتنا الأيام ف مآسيها وتهنا في الأوهام
وجه الوقت ولازم بعد التعب ننام
نغمض عنينا ونهرب ونستني الأحلام
ولما الماضي يدق قلبك أهزمه بسلاح النسيان
دي الليله لازم تبقي أخر ليالي الأحزان
ونبدأ من جديد ونقول وداع يا أحزان!!!!!!!!
