تعرف وانت غايب بيجرالي ايه
تعرف وانت غايب بيجرالى بعدك ايه
بنسى الناس والحبايب وحيبقى بعدك ايه
ولا ليله تحلى بعيد عنك
الدنيا احلى مدام جنبك
دا انا وانت جنبى بشتاقلك
والعمر لو مش جنبك يسوى ايه
لو روحت مره بعيد عنى
أنا روحى تبعد وتسبنى
ماهو انت وحدك بتعيشنى
طول ما انت مش جنبى حعيش انا ليه
انا عيشت عمرى بتمناك
لو غيبت عنى بستناك
دا أنا كل أملى حبيبى رضاك
انا ياحبيبى بعد هواك حتمنى ايه ؟ ...
قلبى بهواك ياحبيبى مفتون
وأنا مش جنبك ازاى أكون ؟
ياعمرى انت كل الكون
لو مش ححبك انت ححب ايه ؟
تعرف وانت غايب .. بيجرالى بعدك ايه؟
بنسى الناس والحبايب .. وحيبقى بعدك ايه؟
