دعما للاستقرارانا هقول (لأ و 1000 لأ) للتعديلات الدستورية

يا سلام عليك يا حاج رضا .. وحتى من غير ورق !
ـــــــــــــــــــــــــ ـــــــــــــــــــــــــ ـــ

إذا كانت النتيجة الغالبة للإستفتاء .. بنعم

هتكون المصلحة الأولى والأخيرة للإخوان والحزب اللاوطني ...

لا شعب ولا شهداء ولا ثورة (كل ده هيتنسى)

المهم ..

الإخوان المسلمين بيقولوا العلمانين هما اللي هيقولوا لأ علشان المادة (التانية من الدستور )...


مع إن المادة التانية في الدستور لو فكروا إنها تتلغى ..

والله لأنزل أعتصم قبل الإخوان كمان .. إسأل كدا الحاج رضا إحنا كدا نبئا ( علمانين) ؟؟

وكانوا فين الإخوان المسلمين .. بصراحة مش شايفة لهم مواقف إيجابية

لا قبل الثورة أو أثنائها غير ( موقعة الجمل )

بعد ما جمعة الغضب خلصت نزلوا الإعتصام مع إنهم كانوا رافضين المشاركة من البداية

إيه اللي حصل بئا ؟؟ بعد ما حسوا إن اللا مبارك بيسقط ؟

ثانياً هما مش عايزين أحزاب جديدة .. طبعاً علشان يبقوا الأغلبية في البرلمان..

( مع إحترامي للبعض منهم .. مش كلهم هدفهم السياسة )

اللي يغيظ إنهم عايزين يفرضوا رأيهم علينا .. في كل مكان إنزل الإستفتاء وقول نعم

بحبك يا بلادي

اخر ما زهقت من إعلانتهم

مسكت قلم وكتبت على يافطتهم (متفرضش رأيك عليّا .. وبرضه بحبك يا بلادي ) !

وهقول (لأ) للتعديلات

.

ان شاء الله يكون الاحسن مع الغالبيه
بصراحه حتى بعد الورقه
كل ماشوف راي احس انو صح
لدرجه اني كنت مش عاوز انزل واستفتي
بحس انهم بيرغمونا على حاجتين غلط
بس
انا عن نفسي لو هختار فلاني رافض الاختيارين
بس لو هختار فلازم اقول لا
وبعد مقول لا
لازم نطالب بسرعه تحديد وقت زمني ولازم الدكتور يحيى الجمل
يلتزم بكلامو ان فيه وثيقه دستوريه جاهزه فورا
بمجرد رفض الشعب للتعديلات المطروحه
فحتى يوم الاستفتاء
مش عارف
بس ان شاء الله لو هقول
هقول
لأ

المهم كمان نحاول نقنع اللي نعرفهم برأينا طالما اننا حاسين انه صح
المشكلة ان في ضيق زمني كبيييييييييييير
ابويا كان في مؤتمر النهاردة في البلد , و لحد دلوقتي لسه مرجعش
برده بيتناقشوا عشان تعديل الدستور
ربنا يستر
المعلومة دلوقتي بقت امانة بجد , لازم نوصلها كاملة و سليمة و بسرعة

هقول نعم
وفوكك بقى يا شومان عشان ملبسكش الجبس ده فى وشك:d

لا يا عم انا وشي مش ناقص
و أنا هقول لا , و ربنا يسهل :)

هقولك النتيجه مسبقا يا شومان قبل ساعتين من قفل باب التصويت :d
63% نعم
37% لا
معظم الناس بتقول نعم
لان معظم الناس عاوزه الاوضاع تستقر مؤقتا عشان البلد تقف على رجليها

للاسف لعبوا على حتة الخوف! :|
الناس خايفة عشان كده بتقول نعم
بس برده في فئة كبيرة قالت لا
ايا كان النتيجة , فانا اكيد في جولة تانية في انتخابات مجلس الشعب ( اللي 50% منه عمال و فلاحين) و هننتخبه و نرجع نحله بعد ما الريس يجي عشان الشرط ده غير صحيح!
و الكل عايز مصلحة البلد في الاول و في الاخر