فكك من الماسنجر اللى مش عايز يفتح...., لا تسطب ولا تعمل ابديت
طبعا زى ما شفت كتير فى المنتدى هنا وشفت فى منتديات تانية كتير الماسنجر دة فعلا مجنون ساعات بجد بيخش بمزاجة وساعات بتبقى راسة والف جذمة قديمة انة ما يفتحش ويجيبلنا انهار عصبى المهم بقة اول ما يعمل معاك كدة نفضلة علطول هاتقولى ازاى والمدام فاتحة ولازم اكلمها و صحابى والحوارات دى هاقلك يا سيدى عادى جدا الحوار دة يتحل بمنتى البساطة
اول حاجة لو الماسنجر عمل معاك كدة طلعلة لسانك وقلة ان شاء الله عنك ما فتحت واسمحة من على الجهاز خالص ويا ريت لو تفرمت بعدية كمان علشان نضمن انة راح فى الف سلة زبالة
تانى حاجة بقة تتكرم وتفتح اى متصفح عندك (اكسبلولر --- فاير فوكس --- نت سكيب) اى حاجة يعنى
ثالثا وهى المهمة جدا وهى المفاجأة تكتب اى موقع من الاتنين دول ودول متخصصين بانهم يفتحوا الماسنجر من على المتصفح علطول من غير دون لود ولا تثبيت ولا اى حوارات حمضانة من دى
اول موقع وهوة خاص بمسنجر الهوتميل بس
التانى بقة متخصص بكلة ياهو او هوت او AIM اى حاجة نفسك فيها يعنى(ودة اللى انا بفضلة)
على فكرة الموقعين دول كمان هاينفعوك اوى لو شغال على اللينكس او اى نظام تشغيل تانى علشان انا بردة اتبهدلت مع البرنامج اللى اسمة Gaim على اللينكس علشان افتح الايميل وبعدين رحت منفضلة وش واستخدمت المواقع دى واشتغلت تمام
تانى حاجة بقة وهى مهمة بردة ان المواقع دى تقدر تستخدمها علشان بردة تفتح الايميلات من الموبايل بدل البرامج اللى مش بيبقى ليها اى لازمة ومش بتشتغل بردة
منقول
