قدم السبت تلاقى الحد؟؟؟يعنى ايه

قدم السبت تلاقى الحد

انا بقى فى حاجه واخد بالى منها بقالى فتره كل موقف يحصل يجيلك واحد يقولك قدم السبت تلاقى الحد
مره تاانيه يحصل موقف يروح جايلك واحد يقولك منتا لو كنت نفعتنى كنت نفعتك
يعنى نفس المعنى برده
المهم حتى هنا فى المنتدى اغلب الناس اللى بترد على المواضيع لازم تكون انت راددلهم ولو فى واحد مردتلوش تلاقيه مردلكشى على الموضوع بتاعك
وكل واحد عاوز التانى يعمل اللى هو عاوزه عشان يبقى يعملك حاجه
او بمعنى اصح اعملى خدمه عشان اردهالك
المهم انا عاوز رايكوا فى الموضوع ده واللى حصله موقف من كده يحكيه
واللى بيقدم السبت بيلاقى الحد

عندك حق وفى ناس كتير اوى بتقول كده قدم السبت تلاقى الحد بس بجد مش عندى موقف عشان احكيه وشكرا لموضوعك

لاء معتقدش ان ده بيحصل اوى يعنى
احنا بندخل على التوبيك لما نقرأ العنوان و يشدنا و نشوف بعد كده اسم العضو اللى عمله عشان نشكره على التوبك بتاعه
هو اه ممكن ندخل على توبك من اسم العضو بس ده عشان احنا قرأنا للعضو ده توبكات قبل كده و عجبتنا
مش عشان هو رد علينا فى توبك بتعنا فنرد عليه او منردش عشان مش بيرد علينا
يعنى التوبك اللى العضو بينزله هو اللى بيفرض نفسه للرد عليه
بس كده

شكرا يا امينوو على طرح الموضوع

ياحاج محمد انت مين اللى قالك كده ياعم

طب مااقرب مثال علشان منطولش الموضوع انا برد على اغلب مواضيعك وانتا مبتردش على مواضيعى

وبكده ده دليل ان كلامك غلط
لان لو كلامك صح يبقى كان زمانى مردتش على اى مووضوع ليك ولا ايه :-?

وزى ماقالت روكا العنوان وصاحب الموضوع هما اللى بيفرضوا نفسهم

ويخلوا الاعضاء تدخلوا
مش واحد رد عليك ترد عليه

وشكرا ياامينو

انا مقصدتش المنتدى بس انا اقصد كل حاجه بيدخل فيها الموضوع ده

انما انتو خدتوها على المنتدى مش عارف ليه
انا قصدت اضرب مثل بس

الدنيا كده بقت ماشيه مصالح

فى فعلا ناس كدة بس كمان فى ناس بتعمل لوجة الله ومبتفرقش معاها بس لازم برضة الواحد يقدر

بلاش تشائم وكل حاجه تبقى كويسه باذن الله