أشهر جمل بيقولوها الاب والام ف مصر
أشهر جمل بيقولوها الاب والام ف مصر
************************************
* ربنايرزقك بعيل يوريك الي وريتهوني .
*جتها نيله الي عايزه خلف تيجي تتفرج .
*اقفل زراير القميص ماتبقاش عامل ذي العيال الصيع .
*امشي جاتك مشش في ركبك .
*هات كيس عيش وانت راجع.
*رحله ايه ان شاءالله ،ع ايامنا مكناش بنطلع زفت رحلات .
*اوعا حد يضحك عليك ويقولك جرب السيجاره دي.
*ايه الا مبالاه والاستهتار الي انت عايش فيهم دول.
*قوم اقرالك كلمتين ينفعوك.
*وطي المدعوق ده شويه.
*انتا فاكرنا نايمين ع ودانا ؟
*بلاش اكل بره
*ياريتك تحفظ دروسك ذي منتا حافظ الاغاني كده .
*عيب _لازم تحترم الي اكبر منك.
*لو شفت خناقه مالكش دعوه بيها.
*كريم ده عيل بايظ ومتمشيش معاه تاني.
*مين مني دي انتي كل يوم تصاحبي واحده.
*يبني باسلوبك ده مش هتعيش معاك وحده.
*قومي ساعدي امك ده الي هيتجوزك ده امه داعيه عليه.
*اوعي حد غريب يديلك حاجه تاكلها او تشربها وتاخدها منه.
*يابني حرام عليك الي بتعملو فينا ده.
*انا سايبالكو البيت وماشيه ومش حتشوفو وشي تاني.
*ما تعليش صوتك .
*وانت فاكر احنا مستنين منك حاجه.
*لو عملت اي حاجه بسيطه اما يصدقوا يقولو والله العظيم ما انتي طايله مني ولا مليم واحد .
*كفايه تليفونات الفاتوره بتيجي مولعه .
*لما تكوني بتذاكري وتقومي تنامي يقوللك النوم بيحلي دلوقتي مبيجيش ليه ف الاجازه.
*المسلسل مش هينفعك.... قوم .
*متفتحيش الباب لحد وانت لوحدك ومتدلدلش راسك من شباك العربيه.
*كفايه رغي في التليفونات.
*كل ع مهلك... هو ف حد بيجري وراك ...وامضغ كويس ومتاكلش وانت واقف.... وكل من قدامك و ماتحفش.
*اطفي التليفزيون وقوم ذاكر يلا وخش اوضتك.
*ربنا يهديك... ربنا يهديك... واحيانا انك لاتهدي من احببت .
*صليت العصر ؟؟
*بلاش تمشي حافي والبس شبشب وانت داخل الحمام .
*مافيش مذاكره ع المزيكا وازاي بتذاكر والبتاع ده شغال جنبك ... يارب ريحني بقا .
*افرد ضهرك.
*لم شرباتك ... علق هدومك مطرحها .
*ماتكلش ف ضوافرك.
*كنت فين لحد دلوقتي ياصايع.
*ماتتأخرش عشان عندك كليه بكره بدري.
*انا مش عارف انتا طالع لمين.
*انا:ياماما بقا اي ده ؟؟؟؟
ماما ...جتك مووو لمايخدك
*دي منظر اوضه انت عايش فيها ازاي ؟؟؟
*هو انا الخدامه الي ابوك جابهالكو.
*الي يطلع من الاوضه يطفي النور وراه.
*ابوك اهو عندك اتصرف معاه.
*اللي بيشيل قربه مخرومه بتخر ع دماغه .
*لو مش فاهم حاجه ارفع ايدك للاستاذ وقول مش فاهم متتكسفش .
*البس فنله قطن تحت ودفي صدرك ودخل التيشرت ف بنطلون البيجامه وانت نايم.
*يأبني المذاكره مبتخلصش ...نفسي اشوفك مره ماسك كتاب .
*اعمل حسابك مش هندخلك جامعه خاصه..يعني اتنيل ع عينك وذاكر.
*قالب ليلك نهارك طول الليل صاحي وطول النهار نايم
طبعا ماحضرتش ولا محاضره ولا سكشن وصايع بره البيت طول اليوم.
*مالكش دعوه بالساسيه ومتمشيش ف مظاهرات .
*احمد ربنا الاكل الي مش عاجبك ده ف ناس مش لاقيه تاكله .
*التهديدات المخيفه شكلا والكارتونيه مضمونا : هأقطم رقبتك او هأقطعلك ايدك او هأقطعلك لسانك او هادبحك دبح.
*قومي سخني الاكل لأخوكي.
*وانا اكثر الجمل الي بتتقال كل يوم بعد الاكل : انا مش الخدامه الي اشترهالكو ابوك الي ياكل ف طبق او يشرب ف كبايه يغسلهاوميركنهاش ف الحوض.
*واخيرا
ضرب امثله تشجع ع الكفاح واشهرها احد الاقارب الي كان بيذاكر ع لمبه جاز او عامود النور الي ف الشارع ونجح واخد الدكتوراه وسافر امريكا
(قال يعني كان بيعرف يركز والناس ماشيه حواليه ف الشارع)
رد: أشهر جمل بيقولوها الاب والام ف مصر
