مترميش اى حاجه

[| Alyaa ●]

الكيك البايت:

يمكن حفظه فى الثلاجه لايام او وضعه فى كيس بلاستيك او علبه محكمه الغلق

وحفظه فى الفريزر لحفظه لمده اطول

واستعماله فى عمل تورتة جيلى او شارلوت

او يمكن تقطيعه او فركه قليلا وتحميصه برضه قليلا فى الفرن واستعماله فى تشيز كيك

وممكن نعمل كده برضه فى البسكوت او الكيك الى طلع مش ناجح اوي برضه يشتغل عادي









اللبن البايت او الزبادي القديم شويه:

لو شوية لبن رابو او طعمهم غير او الزبادي طعمه غير ما ترميهوش

ممكن تحفظيه فى كيس بلاستيك فى الفريزر واستعمليه فى صنع الكيك او البسبوسه او حتى سلطة الزبادي

اعصري فوقه لمونه وعملى به ماسك تفتيح وترطيب للبشره










قشر اللمون:

بعد ما تعصري اللمون ما ترميش القشر

ممكن تبشري منه بسيط اوي على اي تتبيله انتى عاملها بيدى ريحه حلوه.

وكمان لما تخلصى شغل دلكي ايدك بقشر اللمون بيشيل الروائح ( البصل بقى والتوم وكده ) وكمان بينعم ويفتح.









الخضار الفريش:

ما تسبيش حاجه فى التلاجه لحد ما تبوظ كل الخضار ينفع يتخزن فى الفريزر

القلقاس والبسله والباميا والملوخيه والفاصوليا

الا الكوسه والبطاطس اى حاجه تحسي انها هاتبوظ خزنيها فى الفريزر.









العيش الفينو البايت:

طبعا احنا كل يوم بيفيض عندنا عيش فينو غير صالح للاكل

نشفيه واحفظيه عندك لما تكونى كميه تستاهل الدوشه تكونى مشغله الفرن

كسري العيش وحطيه فى الفرن خمس دقايق ماتحرقيهوش

بعدين طلعيه اطحنيه فى المطحنه او الكبه حتى لحد ما يبقى ناعم واستعمليه بقسماط جميل

يمكن خلطه ببعض الدقيق الابيض واضافة البهارات والملح وفركه بقطع سمن صغيره

( بيثبت اكتر الى الاكل وانتى بتقليه) وحفظه فى الثلاجه.








الموز المستوى جدا:

اضيفى عليه كوب حليب ونص كوب ايس كريم يفضل بالحليب وقليل من السكر واعمليه فى الخلاط عصيير

بيبقى تحفففففه.








الارز البايت:

تاني يوم اعمليه رز بالشعريه يرجع طازه تاني

( حمري الشعريه عادي وضيفى عليها الماء حسب الكميه واول ما تبدأ فى تشرب الماء ويحدث ذلك سريعا اضيفى الرز وقلبي جيدا

حتى يتم الاختلاط وهدي النار واتركيه على النار حتى يسخن جيدااااا.









البتنجان والفلفل المقلي البايتين برضه :

تاني يوم اعمليهم مسقعه








السمك المقلي البااااايت برضه:

تاني يوم اعمليه صياديه






البحريات البايته عموما:

( جمبري كاليماري باكلويز كابوريا) اعمليه ارز صياديه

[● همسة ●]

فعلا المفروض منرميش اى حاجه
موضوع حلو اوى يا عليا ومفيد جدا لاى بنت
تسلمى يا قمر
تقبلى مرورى