الانتخابات المنظمة لرابطة المخنوقين - المرحلة الأولى

**| **Silent Guardian** ●** · 25-06-2009 12:56 AM

السلام عليكم
و ليلة سودا على دماغكم باذن الله ( رابطة المخنوقين بقى )
انا لما وافقت على الرابطة , وافقت عشان الفكرة كانت حلوة
و كلنا مخنوقين اصلااااااااااااااااا و محتاجين مكان نفرغ فيه شحنة الخنقة دي قبل ما ننفجر
الفكرة كانت حلوة و هي فكرة ماجو , و كان حاططها في التوقيع بتاعه من مدة و انا كنت فكرت فيها , و لما اقترحها انا وافقت لانها كانت في دماغي انا كمان

و بعدين في حاجة مهمة جدا , الرابطة اسمها رابطة المخنوقين , و طبعا الواحد لما بيبقى مخنوق , ساعات مش بياخد باله هو بيقول ايه
فمش معنى انها رابطة المخنوقين , اني الاقي حد معدي حدوده في الكلام , انت مسموح ليك انك ممكن تبين خنقتك في كلامك, بس برده في محدود المسموح
يعني ممكن تكون مخنوق و تقول مثلا :

يعني لازم نراعي الحتة دي , و اللي هي ملاحظة الكلام و الالفاظ عشان القسم ده ممكن يحصل فيه لبس كتير

الموضوع الاساسي بقى الا و هو اختيار زعيم و نائب و عضو مميز للرابطة
طبعا الناس دي مش هتبقى موجودة كده والسلام
الناس دي , هتبقى موجودة للحفاظ على الرابطة و متابعتها , يعني تشوف المشاركات و تشوف المواضيع و لو في حد اتجاوز حدوده يبعتولي , كذلك هما لازم يكونوا بينزلوا مواضيع خاصة بالرابطة و القسم , زيهم زي اي زعيم في اي حتة وظيفته الاساسية خدمة الناس اللي نصبوه زعيم و الاشخاص دي هتكون مسئولة قدامي عن القسم !

الاماكن المفتوحة للتقديم في الرابطة ( طبقا لاختيارتكوا ) :

زعيم للرابطة
نائب للرابطة
عضو مميز للرابطة

الشروط :

حاليا مفيش شروط في المتقدمين بس في شرط مهم في الزعامة , الا و ان المناصب دي هتتغير مرة شهريا
يعني كل شهر هنعمل انتخابات جديدة و مرشحين من اول و جديد ( البند ده ممكن يتغير او يتلغي على حسب اتفاقكوا بس النقاش فيه مش دلوقتي )
بالنسبة للخطوة الأولى في الانتخابات دي دلوقتي
اننا هنشوف المرشحين , و بعدين هنعمل الانتخابات

طريقة التقديم في الانتخابات

1- سعادتك هتخش على التوبيك هنا , هتكتب اسم عضويتك و اسم المنصب المرشح ليه

فقط لا غير

مثال :
أسم العضوية : DARSH
المنصب : زعيم للرابطة

اي حاجة غير كده هتتمسح

مهو اذا كنت مش عارف تتقدم صح , امال هتنظم رابطة ازاي؟!!

التقديم مفتوح لمدة 4 ايام , و اللي عارف يعرف اللي مش عارف يعني هينتهي يوم 28-6-2009
و الانتخابات هتكون من اول يوم 28-6-2009 لحد 31-6-2009 و المناصب لمدة شهر
و تنظيم الانتخابات هيكون قبلها بيوم
انما دلوقتي احنا خلصنا تنظيم التقديم

الملخص المفيد

هتتقدم , يبقى هتخش هنا تكتب رد جديد فيه السطرين دول و بس

اي حاجة غير كده هتتمسح !
و ربنا يقدم ما فيه الخير